ძიუდოისტებმა გურამ თუშიშვილმა და ილია სულამანიძემ თელ-ავივში მიმდინარე გრანდ სლემზე ოქროს მედლები მოიპოვეს

თელ-ავივში მიმდინარე გრანდ სლემზე ქართველმა ძიუდოისტებმა გურამ თუშიშვილმა და ილია სულამანიძემ ოქროს მედლები მოიპოვეს.

თუშიშვილმა ფინალში ბრაზილიელი რაფაელ სილვა 3 გაფრთხილებით დაამარცხა. ილია სულამანიძემ კი ნიდერლანდელ მიხაელ კორელზე გამარჯვება სუფთა გდებით მოიპოვა.

დღემდე თელ-ავივის გრანდ სლემზე საქართველოს ანგარიშზე მხოლოდ ერთი ვერცხლის მედალი იყო, რომელიც ეთერ ლიპარტელიანმა მოიპოვა.