წყალდიდობა და მეწყერი ბრაზილიაში, რომელმაც 90-ზე მეტი ადამინი იმსხვერპლა - ფოტოები სტიქიის ზონიდან

ბრაზილიის ქალაქ პეტროპოლისში ძლიერი წვიმისგან გამოწვეული წყალდიდობისა და მეწყერისგან დაღუპულთა რაოდენობა 94-მდე გაიზარდა, - ინფორმაციას BBC-ი ავრცელებს.

გამოცემის ცნობით, მაშველები სამძებრო- სამაშველო სამუშაოებს აგრძელებენ. ქალაქში დამატებით სამაშველო ჯგუფებს ელოდებიან.

პეტროპოლისში საგანგებო მდგომარეობაა გამოცხადებული. სოციალურ მედიაში ვრცელდება კადრები, სადაც სტიქიისგან დაზიანებული შენობები და ავტომობილები ჩანს.

ცნობისათვის, 2011 წელს, პეტროპოლისსა და მეზობელ ქალაქებში მეწყერის შედეგად 900-ზე მეტი ადამიანი დაიღუპა.