უკ­რა­ი­ნა­ში რუ­სე­თის ინ­ტერ­ვენ­ცი­ის სა­ვა­რა­უ­დო თა­რი­ღად სა­ინ­ფორ­მა­ციო სა­შუ­ა­ლე­ბე­ბი 16 თე­ბერ­ვალს ასა­ხე­ლებ­დნენ, თუმ­ცა უკ­რა­ი­ნის პრე­ზი­დენ­ტმა ვლა­დი­მერ ზე­ლენ­სკიმ პი­რო­ბა დადო, რომ ამ დღეს ერ­თი­ა­ნო­ბის დღედ აქ­ცევ­და. კი­ე­ვის ოლიმ­პი­ურ სტა­დი­ონ­ზე შეკ­რე­ბილ­მა მო­ქა­ლა­ქე­ებ­მა მსოფ­ლი­ოს სა­კუ­თა­რი ერ­თი­ა­ნო­ბა უჩ­ვე­ნეს და 200 - მეტ­რი­ა­ნი დრო­შა გა­შა­ლეს, რი­თაც გა­მო­ხა­ტეს, რომ რუ­სე­თის არ ეში­ნი­ათ.

რუ­სე­თი ამ­ტკი­ცებს, თით­ქოს უკ­რა­ი­ნის სა­ზღვრი­დან ჯა­რე­ბი გაჰ­ყავს და წვრთნებს ას­რუ­ლებს, თუმ­ცა აშშ ამ ინ­ფორ­მა­ცი­ას არ ადას­ტუ­რებს. ჯო ბა­ი­დე­ნის გან­ცხა­დე­ბით, უკ­რა­ი­ნა­ზე თავ­დას­ხმის შე­საძ­ლებ­ლო­ბა ისევ არ­სე­ბობს და თუ ასე მოხ­და, ამ ნა­ბიჯს და­სავ­ლე­თის­გან გა­დამ­წყვე­ტი პა­სუ­ხი მოჰ­ყვე­ბა, ვი­ნა­ი­დან ნატო პრინ­ცი­პე­ბის დათ­მო­ბას არ აპი­რებს. "ეს იქ­ნე­ბა არ­ჩე­ვა­ნის ომი, ომი - უმი­ზე­ზოდ“, - ასე შე­ა­ფა­სა ამე­რი­კის პრე­ზი­დენ­ტმა რუ­სე­თის მო­სა­ლოდ­ნე­ლი ინ­ტერ­ვენ­ცია და ხაზი გა­უს­ვა იმა­საც, რომ გა­ა­ჩე­რებს "ჩრდი­ლო­ე­თი ნა­კა­დი-2“-ს და ნა­ტოს ტე­რი­ტო­რი­ის თი­თო­ე­ულ მო­ნაკ­ვეთს სრუ­ლი ძა­ლით და­ი­ცავს.

აშშ-ის პრე­ზი­დენ­ტმა ჯო ბა­ი­დენ­მა ასე­ვე მი­მარ­თა რუ­სე­თის მო­ქა­ლა­ქე­ებს: "მივ­მარ­თავ რუ­სე­თის მო­ქა­ლა­ქე­ებს: თქვენ არ ხართ მტრე­ბი და არ ვფიქ­რობ, რომ თქვენ გსურთ უკ­რა­ი­ნის წი­ნა­აღ­მდეგ სის­ხლი­ა­ნი, და­მან­გრე­ვე­ლი ომი... შე­ერ­თე­ბულ შტა­ტებს არ სურს რუ­სეთ­თან პირ­და­პი­რი კონფრონ­ტა­ცია, მაგ­რამ თუკი რუ­სე­თი ამე­რი­კე­ლე­ბის წი­ნა­აღ­მდეგ იმოქ­მე­დებს უკ­რა­ი­ნა­ში, ჩვენ ძა­ლის­მი­ერ პა­სუხს გავ­ცემთ მას”. ბა­ი­დე­ნის თქმით, აშშ და მისი ნა­ტო­ე­ლი მო­კავ­ში­რე­ე­ბი მზად არი­ან ნე­ბის­მი­ე­რი სცე­ნა­რის­თვის და რუ­სეთს დიდი ეკო­ნო­მი­კუ­რი სა­ფა­სუ­რის გა­დახ­და მო­უ­წევს, თუკი უკ­რა­ი­ნა­ში ინ­ტერ­ვენ­ცი­ას და­ი­წყებს.

შე­გახ­სე­ნებთ, რომ რუ­სე­თი თა­ვის მხრივ აცხა­დებს, რომ არ აპი­რებს უკ­რა­ი­ნა­ში შეჭ­რას, და­ი­წყო უკ­რა­ი­ნის სა­ზღვრე­ბი­დან რუ­სე­თის ჯა­რე­ბის გაყ­ვა­ნა, რაც, მათი თქმით, სამ­ხედ­რო სწავ­ლე­ბის დას­რუ­ლე­ბას­თან არის და­კავ­ში­რე­ბუ­ლი. ამა­ვე დროს, რუ­სე­თი მო­ი­თხოვს უსაფრ­თხო­ე­ბის გა­რან­ტი­ებს, მათ შო­რის იმას, რომ ნა­ტო­ში არ იქ­ნენ მი­ღე­ბუ­ლი უკ­რა­ი­ნა და სა­ქარ­თვე­ლო.

ასევე დაგაინტერესებთ

13:27 / 16-02-2022

"არავის შეუყვარდება ჩვენი სახლი ისე, როგორც ჩვენ გვიყვარს და მხოლოდ ჩვენ შეგვიძლია ერთად დავიცვათ უკრაინა" - ვლადიმერ ზელენსკი

13:45 / 16-02-2022

"ვუცხადებთ სოლიდარობას და მტკიცე მხარდაჭერას მოძმე უკრაინელ ხალხს, ყოველთვის ვდგავართ თქვენს გვერდით..." - დავით ზალკალიანი

14:28 / 16-02-2022

"დღეს უკრაინაში ერთიანობის დღეა. გულით იქ ვარ" - მიხეილ სააკაშვილი

10:31 / 17-02-2022

"არ არის გამორიცხული, უკრაინის "ნეიტრალიტეტზეც" მიდიოდეს ლაპარაკი, რაც ძალიან არ გვაწყობს" - რას ჰყვება უკრაინელი სამოქალაქო აქტივისტი

აღ­სა­ნიშ­ნია ის ფაქ­ტიც, რომ უკ­რა­ი­ნის პრე­ზი­დენტ ზე­ლენ­სკის­თან გა­მარ­თულ ერ­თობ­ლივ პრეს­კონ­ფე­რენ­ცი­ა­ზე გერ­მა­ნი­ის კან­ცლერ­მა ოლაფ შოლცმა გა­ნა­ცხა­და, რომ უკ­რა­ი­ნის ნატო-ში გა­წევ­რი­ა­ნე­ბის სა­კი­თხი დღის წეს­რიგ­ში არ დგას. "ალი­ან­სში წევ­რო­ბის სა­კი­თხი მო­ცე­მუ­ლი მო­მენ­ტის­თვის არა­აქ­ტუ­ა­ლუ­რია. ამი­ტომ, გარ­კვე­ულ­წი­ლად უც­ნა­უ­რია, რომ რუ­სე­თის მთავ­რო­ბამ დიდი პო­ლი­ტი­კუ­რი დის­კუ­სი­ე­ბის საგ­ნად აქ­ცია სა­კი­თხი, რო­მე­ლიც ახლა არ დგას დღის წეს­რიგ­ში“. გერ­მა­ნი­ის ლი­დერ­მა ისიც აღ­ნიშ­ნა, რომ ალი­ან­სე­ბის თა­ვი­სუფ­ლად არ­ჩე­ვის პრინ­ცი­პი არ შე­იძ­ლე­ბა იყოს დის­კუ­სი­ის სა­კი­თხი. მისი თქმით, ვერც ერთი სა­ხელ­მწი­ფო ვერ უბ­რძა­ნებს მე­ო­რეს, რო­მელ ალი­ან­სში იყოს ან - არ იყოს.

"ჩვენ­გან არ არის გზავ­ნი­ლი, რომ ნატო-ში წევ­რო­ბა არ არის ჩვე­ნი მი­ზა­ნი“, - აღ­ნიშ­ნა ზე­ლენ­სკიმ და დას­ძი­ნა, რომ უკ­რა­ი­ნის ალი­ან­სში გა­წევ­რე­ბა შე­საძ­ლოა უკ­რა­ი­ნის უსაფრ­თხო­ე­ბის გა­რან­ტია ყო­ფი­ლი­ყო.

გერ­მა­ნი­ის კან­ცლე­რის გან­ცხა­დე­ბას GIPA-ს ასო­ცი­რე­ბუ­ლი პრო­ფე­სო­რი თენ­გიზ ფხა­ლა­ძე შეც­დო­მას უწო­დებს და ამ­ბობს, რომ მსგავ­სი ტექ­სტე­ბი რუ­სეთს უფრო აგ­რე­სი­უ­ლი ქმე­დე­ბის­კენ აქე­ზებს. პო­ლი­ტო­ლო­გის თქმით, ნა­ტოს გა­ფარ­თო­ე­ბა-არ­გა­ფარ­თო­ე­ბა რუ­სეთ-გერ­მა­ნი­ის გა­და­სა­წყვე­ტი არ არის და დარ­წმუ­ნე­ბუ­ლია, რომ ეს გან­ცხა­დე­ბა აუ­ცი­ლებ­ლად გა­ივ­ლის კო­რექ­ტი­რე­ბას.

"გერ­მა­ნი­ის კან­ცლერ ოლაფ შოლცს ზუს­ტად იგი­ვე და­ე­მარ­თა, რაც ემარ­თე­ბათ ხოლ­მე ახ­ლა­დარ­ჩე­ულ ლი­დე­რებს, როცა აქვთ იმის ილუ­ზია, რომ ჩავ­ლენ რუ­სეთ­ში, პუ­ტინ­თან და­ი­ლა­პა­რა­კე­ბენ და რა­ღაც საქ­მეს და­ა­ლა­გე­ბენ. მან ზუს­ტად იგი­ვე შეც­დო­მა და­უშ­ვა, რაც მოს­დის ყვე­ლა პო­ლი­ტი­კოსს, ვინც პუ­ტინ­თან სა­უ­ბარ­ში გა­მო­უც­დე­ლია. ეს იყო, აბ­სო­ლუ­ტუ­რად, არას­წო­რი გან­ცხა­დე­ბა და დარ­წმუ­ნე­ბუ­ლი ვარ, ეს გან­ცხა­დე­ბა კო­რექ­ტი­რე­ბას გა­ივ­ლის იმი­ტომ, რომ ნა­ტოს გა­ფარ­თო­ე­ბა-არ­გა­ფარ­თო­ე­ბა არ არის რუ­სეთ-გერ­მა­ნი­ის გა­და­სა­წყვე­ტი. ეს ყვე­ლა იმ ქვეყ­ნის გა­და­სა­წყვე­ტია, რო­მე­ლიც არის ალი­ან­სში და პლუს იმ ქვეყ­ნე­ბის, რომ­ლე­ბიც არი­ან ას­პი­რან­ტი ქვეყ­ნე­ბი.

ასე­თი გან­ცხა­დე­ბე­ბით მო­ლა­პა­რა­კე­ბის სივ­რცე არ ჩნდე­ბა, პი­რი­ქით, ეს რუ­სეთს უფრო აგ­რე­სი­უ­ლი ქმე­დე­ბის­კენ აქე­ზებს. რე­ა­ლუ­რად, მო­ლა­პა­რა­კე­ბე­ბის სივ­რცე და დე­ეს­კა­ლა­ცია გა­ა­ჩი­ნა იმ პო­ლი­ტი­კამ, რაც აქვს აშშ-ს, დიდ ბრი­ტა­ნეთს და იმ ქვეყ­ნებს, რომ­ლებ­მაც უკი­დუ­რე­სად მკაც­რი პო­ზი­ცია და­ი­კა­ვეს რუ­სე­თის მი­მართ. რუ­სე­თი მხო­ლოდ და მხო­ლოდ იმ შემ­თხვე­ვა­ში იხევს უკან, თუ ხე­დავს ძა­ლას და შე­უ­ვა­ლო­ბას. გუ­შინ გა­მოჩ­ნდა პირ­ვე­ლი ნიშ­ნე­ბი იმი­სა, რომ შე­იძ­ლე­ბა მარ­თლაც და­ი­წყოს დე­ეს­კა­ლა­ცია, თუმ­ცა აქ ყო­ველ­თვის არ­სე­ბობს იმის საფრ­თხე, რომ ეს იყოს რა­ღა­ცა სა­ტყუ­ა­რა. მა­გა­ლი­თის­თვის გე­ტყვით, რომ 2008 წელ­საც რუ­სეთ­მა ვი­თომ წვრთნე­ბის მერე და­ი­ხია უკან, იგი­ვე იყო 1993 წელს სო­ხუმ­ში, რო­დე­საც მძი­მე ტექ­ნი­კა გა­იყ­ვა­ნეს და მერე ზუს­ტად იმ მძი­მე ტექ­ნი­კით დაგ­ვბომ­ბეს, ასე რომ, მოჩ­ვე­ნე­ბი­თი მა­ნევ­რე­ბი რუ­სეთს ახა­სი­ა­თებს. ამი­ტომ მნიშ­ვნე­ლო­ვა­ნია, რომ არა თუ მად­ლო­ბა გა­და­ვუ­ხა­დოთ პუ­ტინს, რომ ჯა­რე­ბი ბრუნ­დე­ბი­ან, არა­მედ ბო­ლომ­დე მტკი­ცე პო­ზი­ცია იყოს იმი­სათ­ვის, რომ მას სურ­ვი­ლიც კი არ ჰქონ­დეს, მსგავ­სი რამ გა­ი­მე­ო­როს. საფრ­თხე მა­შინ იქ­ნე­ბა გა­დავ­ლი­ლი, რო­დე­საც ეს ჯა­რე­ბი რე­ა­ლუ­რად დაბ­რუნ­დე­ბი­ან თა­ვის დის­ლო­კა­ცი­ის ად­გილ­ზე და რო­დე­საც რე­ა­ლუ­რად და­ი­წყე­ბა ის პრო­ცე­სი, რა­მაც ხელი უნდა შე­უ­წყოს უკ­რა­ი­ნის ტე­რი­ტო­რი­უ­ლი მთლი­ა­ნო­ბის აღ­დგე­ნას. დღეს ომის და­წყე­ბის საფრ­თხე კვლავ მა­ღა­ლია“.

გუ­შინ, 15 თე­ბერ­ვალს, აშშ-ს პრე­ზი­დენ­ტმა ჯო ბა­ი­დენ­მა თეთრ სახ­ლში საკ­მა­ოდ ხის­ტი გან­ცხა­დე­ბა გა­ა­კე­თა. ბა­ი­დე­ნის თქმით, აშშ და მისი ნა­ტო­ე­ლი მო­კავ­ში­რე­ე­ბი მზად არი­ან ნე­ბის­მი­ე­რი სცე­ნა­რის­თვის და რუ­სეთს დიდი ეკო­ნო­მი­კუ­რი სა­ფა­სუ­რის გა­დახ­და მო­უ­წევს, თუკი უკ­რა­ი­ნა­ში ინ­ტერ­ვენ­ცი­ას და­ი­წყებს.

"ძალ­ზე მნიშ­ვნე­ლო­ვა­ნი იყო ბა­ი­დე­ნის გან­ცხა­დე­ბა. მის გა­მოს­ვლა­ში იყო ყვე­ლა ის მთა­ვა­რი გზავ­ნი­ლი, რო­მე­ლიც უნდა თქმუ­ლი­ყო რუ­სე­თის მი­მართ. ძალ­ზე მნიშ­ვნე­ლო­ვა­ნი იყო მისი მი­მარ­თვა რუსი ხალ­ხის მი­მართ - ჩვენ არ გვჯე­რა, რომ თქვენ გინ­დათ ომი და მსხვერ­პლი. ეს იყო ძა­ლი­ან სწო­რი გან­ცხა­დე­ბა, მი­მარ­თვა და იმე­დი მაქვს, რომ შე­დეგ­საც მო­ი­ტანს. პუ­ტი­ნის სი­ტყვა­ზე ნდო­ბა რო­გორ შე­იძ­ლე­ბა? არ შე­იძ­ლე­ბა სი­ტყვა­ზე ენდო ისეთ ქვე­ყა­ნას და მის ლი­დერს, რო­მე­ლიც არ­ღვევს ხელ­მო­წე­რებს, შე­თან­ხმე­ბას. ჯო ბა­ი­დენ­მა ისიც თქვა, რომ რუ­სე­თის შეჭ­რას მკაც­რი რე­ა­გი­რე­ბა მოჰ­ყვე­ბა. ძალ­ზე ნათ­ლად ით­ქვა, რომ შეჭ­რის შემ­თხვე­ვა­ში, "ჩრდი­ლო­ეთ ნა­კა­დი - 2“ გა­და­იქ­ცე­ვა ჯარ­თად, ასე თქვეს ამე­რი­კე­ლებ­მა. დღეს, მო­გეხ­სე­ნე­ბათ, ბრი­უ­სელ­ში იწყე­ბა ნა­ტოს თავ­დაც­ვის მი­ნის­ტე­რი­ა­ლი, რომ­ლის გან­ხილ­ვის ერთ-ერთი თემა სწო­რედ უკ­რა­ი­ნის სა­კი­თხი იქ­ნე­ბა. ასე რომ, საფრ­თხე გა­დავ­ლი­ლი არ არის, ერთი, რა­მაც შე­იძ­ლე­ბა ეს საფრ­თხე შე­ა­ჩე­როს, არის ერ­თად დგო­მა. რო­მელ საფრ­თხის გა­დავ­ლა­ზეა ლა­პა­რა­კი, რო­დე­საც გუ­შინ მას­შტა­ბუ­რი კი­ბერ­თავ­დას­ხმა გან­ხორ­ცი­ელ­და უკ­რა­ი­ნის თავ­დაც­ვის სა­მი­ნის­ტრო­ზე და კი­დევ სხვა სა­ი­ტებ­ზე. მა­შინ, როცა გუ­შინ სა­ხელ­მწი­ფო დუ­მამ მი­ი­ღო მი­მარ­თვა პრე­ზი­დენ­ტი­სად­მი დონ­ბა­სი­სა და ლუ­განსკის აღი­ა­რე­ბის შე­სა­ხებ. ასე რომ, გარ­და იმი­სა, რომ ჩვე­უ­ლებ­რი­ვი ომი და­ი­წყოს, არ­სე­ბობს კი­დევ სხვა სცე­ნა­რე­ბი, რომ­ლე­ბიც არა­ნაკ­ლებ სა­ში­შია, ესაა დონ­ბა­სის და ლუ­განსკის აღი­ა­რე­ბა, ტე­რაქ­ტე­ბი, სხვა წერ­ტი­ლო­ვა­ნი დარ­ტყმე­ბი, კი­ბერ­თავ­დას­ხმე­ბი, ამი­ტომ ყვე­ლა ამის მი­მართ სა­ჭი­როა ძა­ლი­ან სე­რი­ო­ზუ­ლი წი­ნას­წა­რი, პრე­ვენ­ცი­უ­ლი ქმე­დე­ბა. სა­უ­ბა­რი იმა­ზე, რომ საფრ­თხე გა­დავ­ლი­ლია, ნა­ად­რე­ვია - საფრ­თხე არ არის გა­დავ­ლი­ლი არც უკ­რა­ი­ნის­თვის და, რაც კი­დევ უფრო სამ­წუ­ხა­როა, არც სა­ქარ­თვე­ლოს­თვის“, - აცხა­დებს ფხა­ლა­ძე.

რამ­დე­ნად სარ­წმუ­ნოა ევ­რო­კავ­შირ­ში რუ­სე­თის ელ­ჩის ჩი­ჟო­ვის გან­ცხა­დე­ბა, რის მი­ხედ­ვი­თაც არც დღეს და არც მომ­დევ­ნო დღე­ებ­ში რუ­სე­თის უკ­რა­ი­ნა­ში შეჭ­რა არ იგეგ­მე­ბა - ამა­ზე ქარ­თვე­ლი პო­ლი­ტო­ლო­გი ამ­ბობს, რომ სა­ა­მი­სოდ რუ­სე­თი სა­ბაბს თუ დას­ჭირ­და, მო­ნა­ხავს. თუმ­ცა იმე­დოვ­ნებს, რომ თუ ამე­რი­კა და­სავ­ლე­თის პო­ზი­ცია ხის­ტი და შე­უ­ვა­ლი იქ­ნე­ბა, რუ­სე­თი გავ­ლე­ნის სფე­რო­ე­ბის აღ­დგე­ნას ვერ ეღირ­სე­ბა.

"რუ­სე­თი არას­დროს ამ­ბობს, - შეჭ­რას ვგეგ­მა­ვო. რუ­სე­თი ყო­ველ­თვის ეძებს სა­ბაბს, ე.წ. კა­ზუს ბე­ლის. სა­ქარ­თვე­ლო­ში კა­ზუს ბელი იყო ე.წ. მძი­ნა­რე ცხინ­ვა­ლი, რო­მე­ლიც დად­გმუ­ლი თემა იყო. ყი­რი­მის შემ­თხვე­ვა­ში, ასე­ვე დად­გმუ­ლი - ე.წ. რე­ფე­რენ­დუ­მი. რა კა­ზუს ბელი შე­იძ­ლე­ბა შექ­მნას და გა­მო­ი­ყე­ნოს ახლა რუ­სეთ­მა, არა­ვინ იცის. ის ნე­ბის­მი­ერ პრო­ვო­კა­ცი­ა­ზეა წამ­სვლე­ლი. ჯერ ვი­თა­რე­ბა საკ­მა­ოდ ფეთ­ქე­ბადსა­ში­შია, ეს უდა­ვოა. რო­გორც გი­თხა­რით, რუ­სე­თი რო­დე­საც ხე­დავს, რომ და­სავ­ლე­თი არის შე­უ­ვა­ლი, მა­შინ შე­იძ­ლე­ბა უკან და­ი­ხი­ოს. ამ შემ­თხვე­ვა­ში ყვე­ლა­ზე სწო­რი პო­ზი­ცია ჰქონ­და აშშ-ს და დიდ ბრი­ტა­ნეთს და თუ ეს პო­ზი­ცია იქ­ნე­ბა ერ­თი­ა­ნი, ასე­თი­ვე ხის­ტი და შე­უ­ვა­ლი, მერ­წმუ­ნეთ, რომ რუ­სე­თი უკან და­ი­ხევს. ვე­თან­ხმე­ბი ბა­ი­დენს, რომ ეს იქ­ნე­ბა არ­ჩე­ვა­ნის ომი, ომი - უმი­ზე­ზოდ. მარ­თლა გა­მო­რი­ცხუ­ლია, რომ ეს ქვეყ­ნე­ბი სა­ნაც­ვლოდ ნა­ტოს არ­გა­ფარ­თო­ე­ბას და­თან­ხმდეს. შე­უძ­ლე­ბე­ლია დღეს ვინ­მემ რუ­სეთს გავ­ლე­ნის სფე­რო­ებ­ზე მო­უ­წე­როს ხელი. ამა­ზე ვაჭ­რობს დღეს რუ­სე­თი, მაგ­რამ შე­თან­ხმე­ბის მიღ­წე­ვა ვერ წარ­მო­მიდ­გე­ნია. და რა­ტომ? იმი­ტომ, რომ ასეთ შემ­თხვე­ვა­ში ძა­ლი­ან ბევ­რი რამ დგე­ბა დარ­ტყმის ქვეშ. ეს არ არის მხო­ლოდ უკ­რა­ი­ნის და სა­ქარ­თვე­ლოს პრობ­ლე­მა. რო­გორც კი ამას მი­ი­ღებს რუ­სე­თი, ყვე­ლას­თვის გა­სა­გე­ბია, რომ თემა აუ­ცი­ლებ­ლად შე­ე­ხე­ბა ცენ­ტრა­ლურ ევ­რო­პას. აქ ლა­პა­რა­კია იმ გავ­ლე­ნის სფე­რო­ე­ბის აღ­დგე­ნა­ზე, რო­მე­ლიც თა­ვის დრო­ზე ჰქონ­და სსრკ-ს. ეს მთლი­ა­ნად ევ­რო­პულ სტა­ბი­ლუ­რო­ბას უქ­მნის პრობ­ლე­მას და ამი­ტომ ვამ­ბობ, რომ შე­უძ­ლე­ბე­ლია, რომ ამა­ზე ვინ­მემ რუ­სეთს ხელი მო­უ­წე­როს“.

• იხი­ლეთ ასე­ვე: 2008 წელი. თბი­ლი­სი. ლეხ კა­ჩინ­სკი: "დღეს აგ­რე­სი­ის მსხვერ­პლი სა­ქარ­თვე­ლოა, ხვალ იქ­ნე­ბა უკ­რა­ი­ნა, შემ­დეგ ბალ­ტი­ის­პი­რე­თი და ბო­ლოს პო­ლო­ნე­თის დროც დად­გე­ბა“