16
ივნისიდღის ზოგადი ასტროლოგიური პროგნოზი
თბილისის საკრებულოში, ფრაქცია "თბილისი საქართველოსთვის" წევრი, გიორგი შარაშიძე სოციალურ ქსელში უმძიმეს ინფორმაციას აქვეყნებს და ოქროყანის იმ ადგილზე წერს, რომელსაც მისი თქმით, ადამიანები "სიკვდილის ზონას" უწოდებენ:
"ძალიან მიმძიმს ამ ფოტოს გამოქვეყნება და ამ გულისშემძვრელ ფაქტზე წერა, მაგრამ პრობლემა იმდენად მტკივნეულია, რომ სასწრაფოდ საჭიროებს რეაგირებას და მე, როგორც თბილისის საკრებულოს წევრს, უფლება არ მაქვს თუნდაც ერთი საათით დავაგვიანო რეაგირება ასეთ მძიმე ვითარებაზე, რასაც ადგილი აქვს ოქროყანაში!
ადგილობრივი მოსახლეობა ამ ადგილს "სიკვდილის ზონას" უწოდებს, რადგან აქ უამრავი ადამიანი დასახიჩრდა წლების განმავლობაში და რამდენიმე გარდაიცვალა. მათ შორის იყო 8 წლის გიორგი, რომელიც რამდენიმე დღის წინ ემსხვერპლა ავტოავარიას...
მიუხედავად იმისა, რომ ადგილობრივ მოსახლეობას დასახმარებლად არაერთხელ მიუმართავს თბილისის მერიისთვის, პასუხი დღემდე არ აქვთ და პრობლემა დღემდე გადაუჭრელია. არადა სიჩქარის შემზღუდავ ბარიერს, ან საგზაო ნიშანსაც კი შეეძლო გადაერჩინა ადამიანის სიცოცხლე.
ფრაქცია "თბილისი საქართველოსთვის" სახელით მოვუწოდებ თბილისის მერიას, ასევე შინაგან საქმეთა სამინისტროს დაუყოვნებლივ შეისწავლონ ვითარება ადგილზე და უმოკლეს ვადაში მოახდინონ რეაგირება. ლოკაცია: ოქროყანა "გ" და :"ბ " ზონის შესასვლელი", - წერს გიორგი შარაშიძე.
კარგ დროს მოგაგონდა!!!