ქანიე უესთი დანებებას არ აპირებს - მთელი საბარგული წითელი ვარდები ყოფილ ცოლს: როგორ მიულოცა რეპერმა კიმ კარდაშიანს ვალენტინობა
რეპერი ქანიე უესთი, იგივე იე, დანებებას არ აპირებს და გეგმავს, რომ ყოფილი ცოლის, კიმ კარდაშიანის დასაბრუნებლად ყველაფერი გააკეთოს. მიუხედავად იმისა, რომ მათ შორის ახლა კონფლიქტური სიტუაციაა, ქანიე ყველანაირად ცდილობს საყვარელი ქალის გულის მოლბობას.
ვალენტინობის დღესთან დაკავშირებით, ქანიემ მანქანის საბარგული ვარდებით გაავსო და კიმს გაუგზავნა.
აღსანიშნავია, რომ ეს მას შემდეგ გააკეთა, რაც განაცხადა, რომ კიმისა და მათი შვილების სიყვარულის გამო, ახალ გერლფრენდს, ჯულია ფოქსს დაშორდა.
კიმისთვის განკუთვნილი საჩუქრის ფოტო ქანიემ "ინსტაგრამზე“ გამოაქვეყნა და დაწერა, რომ სურს, მისი მიზანი ყველასთვის გასაგები იყოს, რომ არ აპირებს შეეგუოს კარდაშიანთან დაშორებას, ასევე ფოტოზე ყოფილი ცოლი მონიშნა.
აღსანიშნავია, რომ რეალითი შოუების ვარსკვლავთან დაშორების შემდეგ, ქანიე გამუდმებით იმეორებს, რომ ბოლოს ის და მისი ყოფილი ცოლი აუცილებლად ერთად იქნებიან, რადგანაც "ღმერთს ასე სურს."