მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მშვიდად შეუძლია იყვნენ ისინი, ვინც კარგად აშენებულ შენობებში ცხოვრობენ" - რამდენად საშიშია სოფელ სამებასთან გახშირებული მიწისძვრები: სეისმოლოგის შეფასება
23:20 / 13-02-2022
დაახლოებით, ერთი საათის წინ, საქართველოში 6.2 მაგნიტუდის სიმძლავრის მისწძვრა მოხდა. ბიძგები იმდენად ძლიერი იყო, ძნელია ვინმეს შემჩნეველი დარჩენოდა. "დედამიწის შემსწავლელ მეცნიერებათა ინსტიტუტის" ხელმძღვანელის, თეა გოდოლაძის ინფორმაციით, მომდევნო რამდენიმე საათში მოსალოდნელია შედარებით მცირე სიმძლავრის ბიძგები, ე.წ. აფთერშოკები, ვინაიდან თავდაპირველი მიწისძვრა ძლიერ მიწისძვრათა კლასს მიეკუთვნებოდა.
აღსანიშანვია, რომ აღნიშნული მიწისიძვრის ეპიცენტრიც, როგორც ბოლო პერიოდში მომხდარი არაერთის შემთხვევაში, სოფელი სამება იყო.
გახშირდა თუ არა რეალურად მიწისძვრები ჯავახეთის ზეგანზე და აქვს თუ არა სიმშვიდის საფუძველი ეპიცენტრის სიახლოვეს მცხოვრებ მოსახლეობას? - ამ კითხვებით მივმართეთ ილიაუნის პროფესორს, სეისმოლოგ ზურაბ ჯავახიშვილს.
"ბოლო წლებში, რაც სეისმური ცენტრები განვითარდა, ბევრს რჩება შთაბეჭიდილება, თითქოს მიწისძვრები გახშირდა. ადრეც ხდებოდა ასეთი სიმძლავრის მიწისძვრები, შეიძლება ცოტა მეტი სიხშირითაც, მაგრამ მაშინ ინფორმაციის გავრცელების ასეთი მასშტაბი არ იყო. ახლა სეისმურ ცენტრებს არცერთი, თუნდაც, დაბალი სიმძლავრის მიწისძვრა არ გამორჩებათ და მოხდება თუ არა, ონლაინრეჟიმში იდება ინფორმაცია, შემდეგ ეს მედიით ვრცელდება და იქმნება შთაბეჭდილება, თითქოს მიწისძვრების რაოდენობამ იმატა", - ამბობს ambebi.ge - სთან სეისმოლოგი.
ზურაბ ჯავახიშვილის თქმით, "ჯავახეთის ზეგანი, ზოგადად, ყველაზე აქტიური სეისმური ზონაა არა მხოლოდ საქართველოში, არამედ მთელ კავკასიაში, რაც მსოფლიოში მიმდინარე კონკრეტული ტექტონიკური პროცესებით არის გამოწვეული".
"ბოლო კვლევებმა აჩვენა, რომ ჯავახეთის ზეგანის აქტიური სეისმურობა გამოწვეულია კონკრეტული ტექტონიკური პროცესებით. კერძოდ, არაბეთის ნახევარკუნძულის ფილა ეჯახება ევრაზიის ფილას, ჩვენ კი ამ კონტინენტური შეჯახების ზოლში ვართ მოქცეული. ამ პროცესებზე დაკვირვებამ აჩვენა, რომ ამ რეგიონისთვის ძირითადად დამახასიათებელია საშუალო სიმძლავრის მიწისძვრები, რომლებიც პერიოდულად ხშირდება ხოლმე და შემდეგ ისევ იკლებს. წესით, უხალოეს მომავალში, ეს დინამიკა შენარჩუნდება და მნიშვნელოვან ცვლილებას არ უნდა ველოდოთ“, - ამბობს ზურაბ ჯავახიშვილი.
რამდენად საშიშია ჯავახეთის ზეგანზე მომხდარი მიწისძვრების ბოლო პერიოდის დინამიკა ეპიცენტრის სიახლოვეს მცხოვრები მოსახლეობისთვის? - ამ კითხვაზე სეისმოლოგს ერთადერთი პასუხი აქვს - "მშვიდად შეუძლია იყვნენ ისინი, ვინც კარგად აშენებულ შენობებში ცხოვრობენ". ზურაბ ჯავახიშვილის პროგნოზით, რეგიონში მიწისძვრები ისევ გაგრძელდება.
"2002 წელს თბილისის მიწისძვრა 4.5-5 მაგნიტუდის სიმძლავრის იყო და ყველას ახსოვს, რაც გამოიწვია. ამიტომ, მნიშვნელოვანია, მოსახლეობამ იცოდეს, როგორ მოიქცეს საშუალო ან ძლიერი მიწისძვრის დროს. სახელმწიფომ უნდა იზრუნოს მოსახლეობის ცნობიერების ამაღლებაზე ამ თვალსაზრისით. ასეთი ინფორმაცია უნდა ჰქონდეთ ადგილობრივ თვითმმართველობებსაც", - ამბობს ზურაბ ჯავახიშვილი.
მკითხველის კომენტარები /
32 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სოფელი სამება მე ვიცი საქართველოში 3, ქვემო ქართლში, ზესტაფონის რაიონში და გურიაში. ხომ უნდა დააზუსტონ რომელ სამებაში მოხდა ეს მიწისძვრა, ქართლის გარდა ორივე დანარჩენ სამებაში ჩემი ახლობლები ცხოვრობენ, გამისკდა გული
სამწუხაროდ მიწისძვრის პროგნოზირება დღეისათვის მეცნიერებს არ შეუძლიათ. ვერავინ გეტყვით დროის მოცემულ პერიოდში რა სიმძლავრის მიწისძვრა არის მოსალოდნელი.