მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვოიაჯერი” მილიონობით წელი იფრენს კოსმოსის უკიდეგანო სივრცეებში და განაგრძობს “ჩაკრულოს” ჰანგების გადაცემას" - გია ბაღაშვილი როსტომ საგინაშვილის გარდაცვალებაზე
20:08 / 13-02-2022
მომღერალი, მუსიკოსი, როსტომ საგინაშვილი, რომლის მიერ შესრულებული "ჩაკრულოც" კოსმოსში გაიგზავნა, გარდაიცვალა.
მუსიკოსი, ფოლკლორისტი გია ბაღაშვილი სოციალურ ქსელში გენიალური "ჩაკრულოსა" და მისი ერთ-ერთი შემსრულებლის, როსტომ საგინაშვილის შესახებ წერს. მისი შეფასებით, “ჩაკრულო” მარადისობის კუთვნილებაა და მასთან ერთად, როსტომ საგინაშვილის ხმაც
“ჩაკრულო” ქართული მრავალხმიანი აზროვნების ერთ-ერთი მწვერვალია. იგი ქართველი კაცის მუსიკალური გენიის ნათელი დადასტურებაა; ამასთან - ჩვენი შინაგანი მთლიანობის, გაუტეხლობის, ჭირსა შიგან გამაგრების სიმბოლოა. არსად ისე ძალუმად არ ხმიანობს ქართველთა ერთიანობის იდეა, როგორც “ჩაკრულოს” ფინალში:…
"მაცალე ერთი ავლესო,
ხმალ-ჩახმახ, ცეცხლის კვესია,
სულ წმინდად მოგამკევინო,
რაც ჩვენთვის დაგითესია!"
“ჩაკრულოს” არაერთი შესანიშნავი ჩანაწერი არსებობს, მაგრამ მათგან ერთ-ერთმა, ისტორიული მნიშვნელობა შეიძინა, მას შემდეგ, რაც იგი “ნასამ” “ოქროს დისკში” შეიტანა და 1977 წელს, ამერიკულ კოსმოსურ ხომალდ “ვოიაჯერის” მეშვეობით, შორეულ გალაქტიკებში გაგზავნა, იმ მიზნით, რომ სამყაროში, შესაძლო არსებული, უცხო ცივილიზაციებისთვის, კაცობრიობის საუკეთესო მიღწევები გაეზიარებინა.ეს გახლავთ ჩვენი სასიქადულო ანსამბლის, “ერისიონის” ჩანაწერი. სოლისტები არიან მართლაც საოცარი მომღერლები: პირველი ხმა - ილია ზაქაიძე, ხოლო მეორე ხმა - როსტომ საგინაშვილი.“ნასას” მონაცემებით, “ვოიაჯერი” მილიონობით წელი იფრენს კოსმოსის უკიდეგანო სივრცეებში და უწყვეტად განაგრძობს “ჩაკრულოს” ჰანგების გადაცემას.ანუ, “ჩაკრულო” მარადისობის კუთვნილებაა და მასთან ერთად, როსტომ საგინაშვილის ხმაც.დღეს მარადისობას ბატონი როსტომის სპეტაკი სულიც შეუერთდა.ღმერთმა მარადიული სასუფეველი დაუმკვიდროს ამ დიდებულ შემოქმედსა და პიროვნებას!" - წერს გია ბაღაშვილი "ფეისბუქში"
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩაკრულოს ჰანგები არ ისმის კოსმოსში. შეიძლება მილიარდობით წელი იფრინოს ვოიაჟერმა, მაგრამ ჯერ უცხოპლანეტელებმა უნდა იპოვონ, თუკი ფირსაკრავი ექნებათ ჩართავენ და მერე
ჩაკრულო ჩვენი სიამაყე,უცრემლოდ ვერ მოვისმინე ვერასდროს.