ევერესტმა 2000 წლის განმავლობაში დაგროვებული ყინული 30 წელიწადში დაკარგა - გლობალური დათბობის მძიმე შედეგი და მეცნიერთა პროგნოზი
ჰიმალაიზე პლანეტის ყველაზე მაღალი მყინვარებია, თუმცა ისინი დაზღვეულნი არ არიან კლიმატის იმ ცვლილებებისგან, რომელიც დედამიწაზე უკვე წლებია მიმდინარეობს.
მკვლევართა აზრით, უკვე რამდენიმე ათწლეულია, რაც ყოველ წელს გლობალური დათბობის გამო, ყინულის დიდი მასა იკარგება. ევერესტის სამხრეთ ნაწილმა, რომელიც ზღვის დონიდან 8 000 მეტრის სიმაღლეზე მდებარეობს, სულ რაღაც სამ ათეულ წელიწადში 2000 წლის განმავლობაში დაგროვებული ყინული დაკარგა. ამის შესახებ Maine-ის უნივერსიტეტის მკვლევარებმა განაცხადეს.
მათივე ინფორმაციით, მომდევნო წლების განმავლობაში მოსალოდნელია, რომ კიდევ უფრო მეტი ყინული დადნება, ამიტომაც, მთამსვლელებისთვის ევერესტზე ასვლა იქნება უფრო რთული და სახიფათო.
მეცნიერები ამბობენ, რომ ყინულის ზედაპირმა თავისი სტრუქტურა შეიცვალა და დაკარგა უნარი, რომ გაუძლოს მზის რადიაციას, რაც მის სწრაფ დნობას იწვევს.
"კლიმატური პროგნოზების მიხედვით, დათბობა და მყინვარული მასის კლება გაგრძლდება", - ამბობს კვლევის ავტორი, ლაციოქიმიკოსი მარიუშ პოტოკი.
გამოცემა independent მკვლევრებზე დაყრდნობით წერს, რომ ბოლო 25 წელიწადში მყინვარი დაახლოებით 55 მეტრით დათხელდა.