თითქმის 6-მეტრიანი დისტანცია, გრძელი მაგიდა, უჩვეულო მისალმება - პუტინისა მაკრონის კრემლში შეხვედრის დეტალები და საინტერესო მომენტები (ფოტო, ვიდეო)
მოსკოვში, კრემლში, გუშინ საფრანგეთისა და რუსეთის ფედერაციის პრეზიდენტების შეხვედრა გაიმართა. შეხვედრაზე განხილვის მთავარი საკითხი რუსეთ-უკრაინის კრიზისი იყო.
ყურადღება მიიპყრო იმ გარემომ, სადაც ემანუელ მაკრონისა და ვლადიმერ პუტინის შეხვედრა გაიმართა.
შეხვედრის ამსახველ კადრებზე ჩანს, რომ ლიდერები ძალიან გრძელი, ოვალური მაგიდის უკიდურეს კიდეებში, დისტანცირებულად სხედან.
როგორც "ნიუ იორკ თაიმსი" წერს, მაგიდის სიგრძე დაახლოებით, ექვსი მეტრი იქნებოდა. საინტერესოა, რომ როდესაც მაკრონი შეხვედრის ოთახში შევიდა, პუტინს პირბადე არ ეკეთა.
მათ ერთმანეთისთვის ხელი არ ჩამოურთმევიათ, თუმცა საფრანგეთის პრეზიდენტმა მისალმების ნიშნად, თავი დახარა და გულზე ხელი დაიდო.
კიდევ ერთი დეტალი, რომელმაც ყურადღება მიიპყრო, გამათბობელია, რომელიც ოთახის კუთხეში იდგა.
- ასევე დაგაინტერესებთ: "იმედი მაქვს, პუტინთან დიალოგი უკრაინაში დეესკალაციის დაწყებას შეუწყობს ხელს" - მაკრონისა და პუტინის მოსკოვში გამართული შეხვედრის დეტალები
ნახეთ შეხვედრის ამსახველი ვიდეო: