მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რაში დახარჯავს კიმ ჩენ ინი მოპარულ, მილიონობით დოლარის ეკვივალენტ კრიპტოვალუტას - ჩრდილოკორეელმა ჰაკერებმა სამი ბირჟა გატეხეს და გაძარცვეს
12:49 / 07-02-2022
გაერთიანებული ერების ორგანიზაციის მიერ გამოქვეყნებული ანგარიშის თანახმად, ჩრდილოეთ კორეამ 2020 წლიდან 2021 წლის შუახანებამდე პერიოდში კიბერნეტიკული შეტევების შედეგად ათობით მილიონი კრიპტოვალუტა მიიტაცა და ეს თანხა თავისი რაკეტული პროგრამის განვითარებას მოახმარა.
მკვლევარების თქმით, მსგავსი კიბერშეტევები ფხენიანის ბირთვული პროგრამისათვის შემოსავლების მნიშვნელოვან წყაროს წარმოადგენს. კერძოდ, ჩრდილოკორეელმა ჰაკერებმა, ჩრდილოეთ ამერიკაში, ევროპასა და აზიაში მოქმედი კრიპტოვალუტის სამი ბირჟა გატეხეს და გაძარცვეს.
ბრიტანული სამაუწყებლო კომპანიის BBC - ის რუსული სამსახურის მიერ გამოქვეყნებულია მასალა, სათაურით: "ჩრდილოეთ კორეა თავის რაკეტულ პროგრამას მოპარული კრიპტოვალუტით აფინანსებს“, რომელშიც მიმოხილულია, თუ როგორ ძარცვავენ და იპარავენ საერთაშორისო ბირჟებიდან კრიპტოვალუტას ფხენიანის კომუნისტური რეჟიმის მომსახურე ჰაკერები.
პუბლიკაციის თანახმად, გაეროს ანგარიშში მითითებულია წყარო - კიბერუსაფრთხოების საკითხებით დაკავებული კომპანიის Chainalysis-ის მიერ იანვარში ჩატარებული გამოკვლევა, რომლის ავტორების დასკვნით, გასულ წელს ჩრდილოკორეელმა ჰაკერებმა (რომელთა უკან, უეჭველია, სახელმწიფო დგას) დაახლოებით 400 მილიონი დოლარის ექვივალენტის მქონე ციფრული აქტივები მოიპარეს.
ჯერ კიდევ 2019 წელს გაეროს მოხსენებაში აღნიშნული იყო, რომ კიბერშეტევების დახმარებით ჩრდილოეთ კორეას შეეძლო ორ მილიარდამდე დოლარის დაგროვება მასობრივი განადგურების იარაღის შესამუშავებლად.
მიუხედავად იმისა, რომ გაეროს უშიშროების საბჭომ ფხენიანს ბირთვული გამოცდები და ბალისტიკური რაკეტების გაშვება აუკრძალა, კიმ ჩენ ინი მაინც აგრძელებს თავისი სამხედრო ბირთვული პროგრამის განვითარებას. ფხენიანი ასევე ცდილობს რაც შეიძლება მეტი ტექნოლოგია მოიპოვოს ამ პროგრამის რეალიზებისათვის, მათ შორის კიბერშეტევებისა და ერთობლივი სამეცნიერო კვლევების ჩატარების მეშვეობით.
გაეროს ის ჩინოვნიკები, რომლებიც ჩრდილოეთ კორეის წინააღმდეგ გამოცხადებული სანქციების მოქმედებას აკვირდებიან, ხაზს უსვამენ, რომ ფხენიანმა ბოლო დროს რაკეტების გამოცდა მნიშვნელოვნად დააჩქარა. რამდენიმე დღის წინათ, პარასკევს, აშშ-მა განაცხადა, რომ ჩრდილოეთ კორეამ (კორეის სახალხო-დემოკრატიულმა რესპუბლიკამ) მხოლოდ იანვარში ცხრა სარაკეტო გამოცდა ჩაატარა. "ჩრდილოეთ კორეამ თავისი სახმელეთო და საზღვაო სარაკეტო ძალების სწრაფი განლაგების, მობილიზებისა და მომატებული სიცოცხლისუნარიანობის დემონსტრაცია მოახდინა“, - განაცხადეს გაეროს წარმომადგენლებმა.
სხვათა შორის, 4 თებერვალს, პეკინში შეხვედრის დროს, ჩინეთისა და რუსეთის ლიდერებმა უარი განაცხადეს ჩრდილოეთ კორეის მიერ რაკეტების გახშირებული გაშვების დაგმობაზე. თავის მხრივ, ამერიკის შეერთებულმა შტატებმა კვირას, 6 თებერვალს, აღნიშნა, რომ მისი სპეცწარმომადგენელი ჩრდილოეთ კორეის საკითხებში ამ კვირის ბოლოს შეხვდება როგორც სამხრეთკორეელ, ასევე იაპონელ დიპლომატებს შექმნილი სიტუაციის განხილვის მიზნით.
გაეროს ანგარიში შეიცავს აგრეთვე ინფორმაციას იმის შესახებ, რომ ჩრდილოეთ კორეაში ჰუმანიტარული სიტუაცია სულ უფრო უარესდება. ანგარიშის ავტორების ვარაუდით, ასეთი ვითარების მიზეზი შესაძლოა ისიც იყოს, რომ ფხენიანს, პანდემიის გამო, თავისი საზღვრები დახურული აქვს.
გაეროს დოკუმენტში აღნიშნულია, რომ ჩრდილოეთ კორეის შესახებ ინფორმაციის თითქმის სრული არარსებობის გამო რთულია იმის გაგება, თუ რა ბრალი მიუძღვის დაწესებულ სანქციებს კორეელების უმძიმეს სოციალურ-ეკონომიკურ მდგომარეობაში ყოფნასთან დაკავშირებით. წყარო
მოამზადა სიმონ კილაძემ
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერთი ამასთან კარგად მაქეიფა რააა,,,,,,მაგარი კაცია))))
იმ აფიორას რასაც კრიპტოვალუტა ჰქვია, ამ საშუალებებითაც უნდა შევეწინააღმდეგოთ.