"ფეისბუქის" ყოველდღიურ მომხმარებელთა რაოდენობა შემცირდა - ცუკერბერგი ყოველივეს "ტიკტოკს" აბრალებს
"ფეისბუქის" არსებობის 18-წლიანი ისტორიის განმავლობაში, პირველად, ყოველდღიური მომხმარებელების რაოდენობა მნიშვნელოვნად შემცირდა.
კომპანია Meta-მ 2021 წლის მეოთხე კვარტლის ანგარიში წარადგინა, სადაც აღნიშნული იყო, რომ "ფეისბუქის" ყოველდღიურად აქტიურ მომხმარებელთა რაოდენობა გასულ წელთან შედარებით - 1.93 მილიარდიდან 1.929 მილიარდამდე შემცირდა.
"ფეისბუქის" დამფუძნებელი მარკ ცუკერბერგი კი ყოველივეს "ტიკტოკს" აბრალებს.
"ხალხს დიდი არჩევანი აქვს, როგორ გაატარებს დროს. ტიკტოკის მსგავსი აპლიკაციები ძალიან სწრაფად იზრდება", - ციტირებ Washington Post-ი ცუკერბერგის სიტყვებს.
ცუკერბერგმა ისიც თქვა, რომ "მეტა" - კომპანია, რომლის მფლობელობაშიცაა "ფეისბუქი","ინსტაგრამი" და "ვოთსაპი" - აპირებს, მოკლე ვიდეოების იმპლემენტაციას თავის აპლიკაციებში, რათა ტიკტოკს გაუწიოს კონკურენცია. ეს ცვლილება "ინსტაგრამზე" უკვე დაინერგა Reels-ის სახით და მარკის თქმით, ისინი კვლავ გააგრძელებენ ვიდეოფორმატის პოსტების პროპაგანდას.
"ფეისბუქის" ხელმძღვანელობა აღიარებს, რომ მისი აქციების ფასი 20%-ით დაეცა. ცნობილია, რომ კომპანიას ბოლო 3 წლის მანძილზე, ჯამში, 20 მილიარდი აქვს დახარჯული "მეტავერსის" პროექტებზე.
წყარო: dailymail
მოამზადა ანა სიბოშვილმა