ოდეს­მე თუ წარ­მო­იდ­გენ­და 1990 წლის ივ­ნის­ში, ჯერ კი­დევ საბ­ჭო­ურ კი­ევ­ში მყო­ფი "რკი­ნის ლედი“ - დიდი ბრი­ტა­ნე­თის პრე­მი­ერ-მი­ნის­ტრი მარ­გა­რეტ თეტ­ჩე­რი, რომ თით­ქმის 32 წლის შემ­დეგ უკ­რა­ი­ნას­თან პო­ლი­ტი­კუ­რი პაქ­ტი მომ­ზად­დე­ბო­და (პო­ლო­ნე­თის მო­ნა­წი­ლე­ო­ბით) და რომ მისი შო­რე­უ­ლი პო­ლი­ტი­კუ­რი მემ­კვიდ­რე, პრე­მი­ერ-მი­ნის­ტრი ბო­რის ჯონ­სო­ნი კი­ევს ეწ­ვე­ო­და? ალ­ბათ, არა, რად­გან მარ­გა­რეტ თეტ­ჩერს იმ დროს სხვა მიზ­ნე­ბი ჰქონ­და - იგი უკ­რა­ი­ნის იმ­ჟა­მინ­დელ ხელ­მძღვა­ნე­ლებს არ­წმუ­ნებ­და - ნუ ჩქა­რობთ, ნუ ფიქ­რობთ და­მო­უ­კი­დებ­ლო­ბა­ზე, მი­ხე­ილ გორ­ბა­ჩოვს და­უ­ჯე­რე­თო...

მაგ­რამ 32-წლი­ან­მა პე­რი­ოდ­მა თა­ვი­სი სი­ახ­ლე­ე­ბი და ცვლი­ლე­ბე­ბი მო­ი­ტა­ნა. უკ­რა­ი­ნა ერთ-ერთი იყო, რო­მელ­მაც მი­ხე­ილ გორ­ბა­ჩო­ვის ჩა­ნა­ფიქ­რს ახა­ლი საბ­ჭო­თა კავ­ში­რის შე­სა­ხებ წირ­ვა გა­მო­უყ­ვა­ნა და და­მო­უ­კი­დე­ბე­ლი სა­ხელ­მწი­ფო გახ­და, რუ­სეთ­თან და ბე­ლა­რუს­თან სლა­ვუ­რად ძმობ­და და მე­გობ­რობ­და, დღეს კი ორი­ვეს­თვის მტრად არის ქცე­უ­ლი. დღეს უკ­რა­ი­ნა დიდ ბრი­ტა­ნეთ­თან და პო­ლო­ნეთ­თან სა­მო­კავ­ში­რეო პაქტს აფორ­მებს, რუ­სე­თის წი­ნა­აღ­მდეგ...

ყვე­ლა­ფე­რი კი ასე და­ი­წყო...

• ჩრდი­ლო­ე­თის ზღვი­დან, ბალ­ტი­ის გავ­ლით, შავ ზღვამ­დე...

ჯერ კი­დევ 21 იან­ვარს დიდი ბრი­ტა­ნე­თის სა­გა­რეო საქ­მე­თა მი­ნის­ტრმა ელი­სა­ბედ ტრას­მა მი­ა­ნიშ­ნა, რომ ინ­გლი­სი უკ­რა­ი­ნას­თან და პო­ლო­ნეთ­თან კავ­ში­რის და­დე­ბის შე­საძ­ლებ­ლო­ბას გა­ნი­ხი­ლავ­და: "თა­ვი­სუფ­ლე­ბას, დე­მოკ­რა­ტი­ას და კა­ნო­ნის უზე­ნა­ე­სო­ბას საფრ­თხე ექ­მნე­ბა არა მხო­ლოდ რე­გი­ო­ნულ, არა­მედ გლო­ბა­ლურ დო­ნე­ზე. ამი­ტო­მაც ჩვენ ერ­თად უნდა გავ­ცეთ პა­სუ­ხი ამ გა­მოწ­ვე­ვას. ამ­ჟა­მად ვი­წყებთ პარტნი­ო­რო­ბი­სა და სამმხრი­ვი კავ­ში­რე­ბის გან­მტკი­ცე­ბას პო­ლო­ნეთ­თან და უკ­რა­ი­ნას­თან, რუ­სე­თის ეს­კა­ლა­ცი­ის აღ­საკ­ვე­თად“, - გა­ნა­ცხა­და მი­ნის­ტრმა.

გარ­და ამი­სა, უფრო ადრე, გა­სუ­ლი წლის შე­მოდ­გო­მა­ზე უკ­რა­ი­ნის სა­გა­რეო საქ­მე­თა სა­მი­ნის­ტრო­მაც აღ­ნიშ­ნა, რომ აუ­ცი­ლე­ბე­ლია ბალ­ტი­ი­სა და შავი ზღვის ქვეყ­ნე­ბის უსაფრ­თხო­ე­ბის ღერ­ძის გან­ვი­თა­რე­ბაო. ეს იდეა იმ­დე­ნად კარ­გად ჩა­ე­წე­რა სამი ქვეყ­ნის სა­გა­რე­ო­პო­ლი­ტი­კურ ხედ­ვებ­ში, რომ ალი­ან­სის შექ­მნის კონ­ტუ­რე­ბი გა­მო­იკ­ვე­თა.

უკ­რა­ი­ნის სა­გა­რეო საქ­მე­თა მი­ნის­ტრის დი­მიტ­რი კუ­ლე­ბას თქმით, ახა­ლი ფორ­მა­ტის პარტნი­ო­რო­ბის შექ­მნის ინი­ცი­ა­ტი­ვა უკ­რა­ი­ნას ეკუთ­ვნის და მცი­რე ალი­ან­სე­ბის შექ­მნის უკ­რა­ი­ნუ­ლი სტრა­ტე­გი­ის ნა­წი­ლად მი­იჩ­ნე­ვა: "ვა­ერ­თი­ა­ნებთ რა ჩვე­ნი ძა­ლის­ხმე­ვით ატ­ლან­ტი­კას, ბალ­ტი­კას და შავ ზღვას, ამით ჩვენ ვქმნით ახალ შე­საძ­ლებ­ლო­ბებს ჩვე­ნი ქვეყ­ნე­ბი­სათ­ვის და მთლი­ა­ნო­ბა­ში - რე­გი­ო­ნი­სათ­ვი­საც“.

აქვე ვი­ტყვით, რომ უკ­რა­ი­ნა მი­იჩ­ნე­ვა მთე­ლი რიგი მი­ნი­ა­ლი­ან­სე­ბის ნა­წი­ლად, სა­დაც მე­გო­ბა­რი ქვეყ­ნე­ბი შე­დი­ან:

მა­გა­ლი­თად, "ასო­ცი­რე­ბუ­ლი ტრი­ოს“ (მოლ­დო­ვა­სა და სა­ქარ­თვე­ლოს­თან ერ­თად), "ლი­უბ­ლი­ა­ნის სამ­კუ­თხე­დის“ (პო­ლო­ნეთ­თან და ლი­ე­ტუ­ვას­თან) და "კვად­რი­გას“ (თურ­ქეთ­თან) წევ­რად. ასე­თი მცი­რე ალი­ან­სე­ბი უკ­რა­ი­ნის­თვის სა­სარ­გებ­ლო და მომ­გე­ბი­ა­ნია. პირ­ველ რიგ­ში იმი­ტომ, რომ ჩნდე­ბა ნა­ტოს ქვეყ­ნებ­თან თა­ნამ­შრომ­ლო­ბის გან­მტკი­ცე­ბის შე­საძ­ლებ­ლო­ბა მას­ში გა­ერ­თი­ა­ნე­ბის გა­რე­შე და მე­ო­რე ის, რომ ასე­თი პარტნი­ო­რო­ბა არ ეწი­ნა­აღ­მდე­გე­ბა უკ­რა­ი­ნის სწრაფ­ვას ნა­ტო­ში მი­ღე­ბის მიზ­ნით.

"ყა­ლიბ­დე­ბა ნა­ტოს ქვეყ­ნებ­თან გაღ­რმა­ვე­ბუ­ლი თა­ნამ­შრომ­ლო­ბის ის­ტო­რი­უ­ლი პრე­ცე­დენ­ტი რო­გორც "ლი­უბ­ლი­ა­ნის სამ­კუ­თხე­დის“ ჩარ­ჩო­ებ­ში, ასე­ვე ვარ­შა­ვას­თან და ლონ­დონ­თან. იმით, რომ კავ­შირ­ში შე­დი­ან ნა­ტოს წევ­რე­ბი - პო­ლო­ნე­თი და დიდი ბრი­ტა­ნე­თი, უკ­რა­ი­ნა ადას­ტუ­რებს ტენ­დენ­ცი­ას უსაფრ­თხო­ე­ბის სუბ­რე­გი­ო­ნუ­ლი ალი­ან­სე­ბის ჩა­მო­ყა­ლი­ბე­ბის თა­ო­ბა­ზე... ასე­თი ტი­პის და­ახ­ლო­ე­ბა უკ­რა­ი­ნის­თვის ნა­ტო­ში გა­წევ­რე­ბის მომ­გე­ბი­ან გზას წარ­მო­ად­გენს. ბრი­ტა­ნე­თი მხარს უჭერს უკ­რა­ი­ნის­თვის ია­რა­ღის მი­წო­დე­ბას და უარს არ ამ­ბობს ჯა­რის გაგ­ზავ­ნა­ზეც, თუ ამის­თვის სი­ტუ­ა­ცია იქ­ნე­ბა, ვთქვათ, რუ­სე­თის შეჭ­რის შემ­თხვე­ვა­ში. გარ­და ამი­სა, ასე­თი პარტნი­ო­რო­ბა კარგ შე­საძ­ლებ­ლო­ბას იძ­ლე­ვა დი­ა­ლო­გი გლო­ბა­ლუ­რი გა­ერ­თი­ა­ნე­ბე­ბის გვერ­დის ავ­ლით ვა­წარ­მო­ოთ და ყუ­რა­დღე­ბა არ მი­ვაქ­ცი­ოთ "მე­სა­მე“ ქვეყ­ნის თვალ­საზ­რი­სებს“, - ამ­ბობს უსაფრ­თხო­ე­ბის უკ­რა­ი­ნე­ლი ექ­სპერ­ტი იუ­ლია ომო­ლოვ­სკა­ია.

უკ­რა­ი­ნა­ში ახა­ლი ალი­ანსს აბ­რე­ვი­ა­ტუ­რაც გა­მო­უ­ნა­ხეს - УПА (სა­წყი­სი ასო­ე­ბის მი­ხედ­ვით - Украина-Польша-Англия), რაც, სხვა­თა შო­რის, კი­დევ ერთ სამ­ხედ­რო-პო­ლი­ტი­კურ ორ­გა­ნი­ზა­ცი­ას მოგ­ვა­გო­ნებს - უკ­რა­ი­ნელ ამ­ბო­ხე­ბულ­თა არ­მი­ას“ (Українська повстанська армія – УПА), რო­მე­ლიც მე­ო­რე მსოფ­ლიო ომის დროს, გან­სა­კუთ­რე­ბით 1943 წლი­დან, რუ­სე­თის (სსრ კავ­ში­რის) წი­ნა­აღ­მდეგ იბ­რძო­და.

ცხა­დია, სამ­ხედ­რო და უსაფრ­თხო­ე­ბის სფე­რო­ებ­ში თა­ნამ­შრომ­ლო­ბის გარ­და, სამი ქვეყ­ნის ალი­ან­სი გუ­ლის­ხმობს აგ­რეთ­ვე პარტნი­ო­რო­ბას ვაჭ­რო­ბა­ში, ინ­ვეს­ტი­ცი­ე­ბის და­ბან­დე­ბა­ში და ენერ­გე­ტი­კა­ში.

• ალი­ან­სი იუ­რი­დი­უ­ლად იქ­მნე­ბა, მაგ­რამ რო­დის?

ექ­სპერ­ტე­ბის აზ­რით, უკ­რა­ი­ნას, პო­ლო­ნეთ­სა და დიდი ბრი­ტა­ნეთს შო­რის ახა­ლი ალი­ან­სის იუ­რი­დი­უ­ლად გა­ფორ­მე­ბა არ უნდა დაგ­ვი­ან­დეს, რად­გან დახ­მა­რე­ბა უკ­რა­ი­ნას სწო­რედ ახლა სჭირ­დე­ბა. პრინ­ცი­პი - "მე­გო­ბა­რი სწო­რედ უბე­დუ­რე­ბის დროს გა­მო­იც­ნო­ბა“ - რუ­სე­თის აგ­რე­სი­ის შემ­თხვე­ვა­ში ფრი­ად აქ­ტუ­ა­ლუ­რი ხდე­ბა. ბოლო რამ­დე­ნი­მე თვის გან­მავ­ლო­ბა­ში აშ­კა­რად გა­მოჩ­ნდა, რომ რუ­სუ­ლი ჯა­რის უკ­რა­ი­ნა­ში სა­ვა­რა­უ­დო შეჭ­რის დროს ბევ­რი ქვე­ყა­ნა გვერ­დზე გად­გე­ბა და იქი­დან და­უ­წყებს ცქე­რას, თუ რო­გორ გან­ვი­თარ­დე­ბა სი­ტუ­ა­ცია. მა­გა­ლი­თად, უნ­გრე­თის სა­გა­რეო საქ­მე­თა სა­მი­ნის­ტრომ უკვე გა­ნა­ცხა­და, რომ მას შე­ზღუ­დუ­ლი შე­საძ­ლებ­ლო­ბე­ბი აქვს უკ­რა­ი­ნის­თვის მხარ­და­სა­ჭე­რად და თუ კი­ე­ვი ეროვ­ნუ­ლი უმ­ცი­რე­სო­ბე­ბის მი­მართ თა­ვის პო­ლი­ტი­კას არ შეც­ვლის, უნ­გრე­თი მის­კენ არც გა­ი­ხე­დავს. გერ­მა­ნია სი­ტყვით თით­ქო­და მხარს უჭერს, საქ­მით კი უკ­რა­ი­ნას მხო­ლოდ... ჩა­ფხუ­ტე­ბი გა­მო­უგ­ზავ­ნა.

შე­იძ­ლე­ბა ით­ქვას, რომ სამი ქვეყ­ნის ალი­ან­სის იუ­რი­დი­უ­ლად გა­ფორ­მე­ბა, ანუ შე­სა­ბა­მი­სი ხელ­შეკ­რუ­ლე­ბის და­დე­ბა დრო­ის საქ­მეა. ყვე­ლა ელო­დე­ბო­და, რომ ეს დიდი ბრი­ტა­ნე­თის პრე­მი­ერ-მი­ნის­ტრის ბო­რის ჯონ­სო­ნის კი­ევ­ში ვი­ზი­ტის დროს მოხ­დე­ბო­და, მაგ­რამ სა­კი­თხი გა­და­ი­დო, რად­გან სა­გა­რეო საქ­მე­თა მი­ნის­ტრი ელი­სა­ბედ ტრა­სი კო­რო­ნა­ვირუ­სით ავად გახ­და და პრე­მი­ერს კი­ევ­ში თან ვერ გაჰ­ყვა.

მი­უ­ხე­და­ვად ამი­სა, დიდი ბრი­ტა­ნე­თის მთავ­რო­ბამ, მო­მა­ვა­ლი ალი­ან­სის სა­ხე­ლით, გა­ნა­ცხა­და, რომ უკ­რა­ი­ნას 88 მი­ლი­ონ გირ­ვან­ქა სტერ­ლინ­გის (და­ახ­ლო­ე­ბით 120 მი­ლი­ო­ნი დო­ლა­რის) დახ­მა­რე­ბას გა­მო­უ­ყოფს ენერ­გე­ტი­კუ­ლი სფე­როს გან­მტკი­ცე­ბის მიზ­ნით. ბო­რის ჯონ­სონ­მა ხაზი გა­უს­ვა, რომ იგი დარ­წმუ­ნე­ბუ­ლია - უკ­რა­ი­ნე­ლე­ბი სის­ხლის უკა­ნას­კნელ წვე­თამ­დე იბ­რძო­ლე­ბენ რუ­სე­ბის წი­ნა­აღ­მდეგ, თუ ისი­ნი თავს და­ეს­ხმე­ბი­ან. ბრი­ტა­ნე­თის პრე­მი­ე­რი კრემლს უკი­დუ­რე­სად მკაც­რი სან­ქცი­ე­ბი­თაც და­ე­მუქ­რა. თა­ვის მხრივ, მე­ზო­ბელ­მა პო­ლო­ნე­თის პრე­მი­ერ-მი­ნის­ტრმა მა­თე­უშ მო­რა­ვეც­კი­მაც გა­ნა­ცხა­და, რომ უკ­რა­ი­ნას და­ეხ­მა­რე­ბა რო­გორც ჰუ­მა­ნი­ტა­რულ, ასე­ვე სამ­ხედ­რო სფე­რო­ში - მი­ა­წო­დებს უპი­ლო­ტო საფ­რენ აპა­რა­ტებს, სა­ზე­ნი­ტო რა­კე­ტებს და ა.შ. სხვა­თა შო­რის, პო­ლო­ნე­თი ასე­ვე არ გა­მო­რი­ცხავს უკ­რა­ი­ნე­ლი ლტოლ­ვი­ლე­ბის მი­ღე­ბას რუ­სე­თის თავ­დას­ხმის შემ­თხვე­ვა­ში.

• უკ­რა­ი­ნე­ლე­ბის რე­აქ­ცია

გა­სუ­ლი თვის ბო­ლოს, როცა УПА-ს ალი­ან­სის კონ­ტუ­რე­ბი უკვე აშ­კა­რად გა­მო­იკ­ვე­თა, უკ­რა­ი­ნულ­მა სო­ცი­ო­ლო­გი­ურ­მა ჯგუფ­მა "რე­ი­ტინ­გმა“ სა­ზო­გა­დო­ე­ბის გა­მო­კი­თხვა ჩა­ა­ტა­რა აღ­ნიშ­ნუ­ლი იდე­ის თა­ო­ბა­ზე. გა­მო­კი­თხვის შე­დე­გად, იდე­ას მხა­რი და­უ­ჭი­რა 61%-მა, წი­ნა­აღ­მდე­გი იყო 21%, გულ­გრი­ლად მო­ე­კი­და 12%. ალი­ან­სის შექ­მნის ინი­ცი­ა­ტი­ვის იდე­ამ ყვე­ლა­ზე მეტი მხარ­და­ჭე­რა ჰპო­ვა უკ­რა­ი­ნის და­სავ­ლეთ და ცენ­ტრა­ლურ ნა­წილ­ში, აგ­რეთ­ვე კი­ევ­ში (65%-დან 76%-მდე), ყვე­ლა­ზე ნაკ­ლე­ბი - ქვეყ­ნის სამ­ხრეთ-აღ­მო­სავ­ლეთ ნა­წილ­ში (40%-დან 51%-მდე).

უკ­რა­ი­ნა-პო­ლო­ნეთ-დიდი ბრი­ტა­ნე­თის ალი­ანსს მხარს უჭერს "ვერ­ხოვ­ნა რა­დას" წევ­რი "ევ­რო­პუ­ლი სლი­და­რო­ბი­დან“ ივა­ნა კლიმ­პუშ-ცინ­ცა­ძე, რომ­ლის თქმით, ლონ­დო­ნი­სა და ვარ­შა­ვის მიერ გა­წე­ულ სამ­ხედ­რო-პო­ლი­ტი­კურ დახ­მა­რე­ბას უკ­რა­ი­ნის თავ­დაც­ვი­სათ­ვის გა­ნუ­ზო­მე­ლი მნიშ­ვნე­ლო­ბა აქვს. იგი­ვე თვალ­საზ­რი­სი აქვს სა­კა­ნონ­მდებ­ლო ორ­გა­ნოს ბევრ წევ­რს, მათ შო­რის, რა თქმა უნდა მმარ­თვე­ლი პარ­ტი­ის "ხალ­ხის მსა­ხუ­რის“ ფრაქ­ცი­ას. მოკ­ლედ, უკ­რა­ი­ნის პო­ლი­ტი­კუ­რი ელი­ტა ალი­ან­სის შექ­მნის იდე­ას იწო­ნებს და მი­ე­სალ­მე­ბა.

• რუ­სე­თის რე­აქ­ცია

ბუ­ნებ­რი­ვია, ახა­ლი კავ­ში­რის შექ­მნას­თან და­კავ­ში­რე­ბით რუ­სე­თის ხე­ლი­სუფ­ლე­ბაც და რუს ექპერტთა დიდი ნა­წი­ლიც უარ­ყო­ფი­თად არის გან­წყო­ბი­ლი. მა­გა­ლი­თად, ანა­ლი­ზი­სა და სტრა­ტე­გი­ის მოს­კო­ვის ცენ­ტრის ხელ­მძღვა­ნე­ლის რუს­ლან პუ­ხო­ვის თქმით, "კი­ე­ვის ან­ტი­რუ­სუ­ლი მცდე­ლო­ბე­ბი თე­ატ­რში სცე­ნის მიღ­მა ატე­ხილ ხმა­ურს მოგ­ვა­გო­ნებს - ვი­ღაც ჭექა-ქუ­ხილს ხმას გა­მოს­ცემს, ვი­ღაც ქა­რის ხმას, ვი­ღაც ჰყვი­რის... რო­გორც იტყვი­ან ხოლ­მე, როცა არ­გუ­მენ­ტე­ბი სუს­ტია, მას ყვი­რილს უმა­ტე­ბენ. ევ­რო­პის ქვეყ­ნე­ბი­დან ამ­გვარ ალი­ანსს ბევ­რი სკეპ­ტი­კუ­რად უყუ­რებს, თვით ნა­ტოს წევ­რე­ბიც კი. ამე­რი­კე­ლე­ბი შორს არი­ან“.

რო­გორც ექ­სპერ­ტი აღ­ნიშ­ნავს, ახა­ლი ალი­ან­სის შექ­მნის ძი­რი­თად მი­ზანს უკ­რა­ი­ნის ია­რა­ღით დახ­მა­რე­ბა წარ­მო­ად­გენს. "პო­ლო­ნე­ლე­ბი ია­რაღს უკ­რა­ი­ნას ად­რეც აძ­ლევ­დნენ, ვთქვათ, გა­და­სა­ტან სა­ზე­ნი­ტო-სა­რა­კე­ტო კომ­პლექსს "გრომს“, რო­მე­ლიც ჩვე­ნი "იგ­ლას“ გა­უმ­ჯო­ბე­სე­ბუ­ლი ვა­რი­ან­ტია. 1990-იან წლებ­ში ჩვენ პო­ლო­ნე­ლებს მისი წარ­მო­ე­ბის ლი­ცენ­ზია კა­პი­კის ფა­სად მივ­ყი­დეთ. ანუ ჩვენ ჩვე­ნი­ვე ია­რა­ღით შე­იძ­ლე­ბა დავ­ზა­რალ­დეთ. სხვა­თა შო­რის, პო­ლო­ნე­თი იგი­ვე გა­და­სა­ტან რა­კე­ტებს სა­ქარ­თვე­ლო­საც აწ­ვდი­და. სა­ერ­თოდ, უნდა ვი­ფიქ­როთ იმა­ზე, რომ ჩვენს ის­ტო­რი­ულ მტრებს [პო­ლო­ნე­ლებს] ია­რა­ღი არა­სო­დეს არ უნდა მივ­ყი­დოთ.

რაც შე­ე­ხე­ბა უშუ­ა­ლოდ უკ­რა­ი­ნა-პო­ლო­ნეთ-დიდი ბრი­ტა­ნე­თის ალი­ან­სის პერ­სპექ­ტი­ვას, გა­ვიხ­სე­ნოთ, რომ მსგავ­სი წარ­მო­ნაქ­მნი უკვე იყო პოსტსაბ­ჭო­თა სივ­რცე­ში, ან­ტი­რუ­სუ­ლი ბლო­კი "სუამ“-ის (ГУАМ) სა­ხელ­წო­დე­ბით, რომ­ლის და­არ­სე­ბას წინ ასე­ვე დიდი ხმა­უ­რი უძღო­და. სად არის დღეს "სუ­ა­მი“? ვფიქ­რობ, დღე­ვან­დელ «УПА»-საც იგი­ვე ბედი ექ­ნე­ბა“.

თა­ვის მხრივ, რუ­სე­თის ელჩმა დიდ ბრი­ტა­ნეთ­ში ან­დრეი კე­ლინ­მა კი­ე­ვის, ლონ­დო­ნი­სა და ვარ­შა­ვის თა­ნამ­შრომ­ლო­ბა უპერ­სპექ­ტი­ვოდ მი­იჩ­ნია და გა­ნა­ცხა­და, რომ თუ ის სა­ბო­ლო­ოდ იუ­რი­დი­უ­ლად მა­ინც შე­იქ­მნე­ბა, მხო­ლოდ მცი­რე წარ­მო­ნაქ­მნად დარ­ჩე­ბა. "ვფიქ­რობ, საქ­მე ლაყ­ბო­ბის იქით არ წავა. ად­რეც შექ­მნი­ლა მსგავ­სი კავ­ში­რე­ბი, მაგ­რამ სი­ტუ­ა­ცი­ა­ზე გავ­ლე­ნა არ მო­უხ­დე­ნი­ათ. აშ­კა­რაა ახ­ლაც ასე იქ­ნე­ბა“, - გა­ნა­ცხა­და ელჩმა.

• დას­კვნის მა­გი­ერ

რა­საკ­ვირ­ვე­ლია, ჯერ მცი­რე დროა გა­სუ­ლი სამი სა­ხელ­მწი­ფოს ალი­ან­სის შექ­მნის შე­სა­ხებ გა­კე­თე­ბუ­ლი გან­ცხა­დე­ბე­ბი­დან და აქე­დან გა­მომ­დი­ნა­რე, რა­ი­მე მტკი­ცე, ზუს­ტი პროგ­ნო­ზის გა­კე­თე­ბა მისი პერ­სპექ­ტი­ვის შე­სა­ხებ, შე­უძ­ლე­ბე­ლია. მით უმე­ტეს, რომ ახა­ლი ალი­ან­სის მი­მართ ევ­რო­პის სა­ხელ­მწი­ფო­ებ­შიც არ არის ერ­თსუ­ლო­ვა­ნი მიდ­გო­მა.

რაც შე­ე­ხე­ბა სა­ქარ­თვე­ლოს პო­ზი­ცი­ას, ჯერ­ჯე­რო­ბით ოფი­ცი­ა­ლუ­რი გან­ცხა­დე­ბა ამ კონ­კრე­ტულ მოვ­ლე­ნა­ზე თბი­ლისს არ გა­უ­კე­თე­ბია, მაგ­რამ უნდა ვი­ვა­რა­უ­დოთ, რომ სა­ქარ­თვე­ლო, რო­გორც "ასო­ცი­რე­ბუ­ლი ტრი­ოს“ წევ­რი უკ­რა­ი­ნას­თან ერ­თად, ალი­ან­სის შექ­მნას მი­ე­სალ­მე­ბა და მხარს და­უ­ჭერს. ასე­ვე სა­სურ­ვე­ლია, რომ პრო­ცე­სებ­ში "სუ­ა­მიც“ ჩა­ერ­თოს, რო­მე­ლიც, უნდა ვა­ღი­ა­როთ, ერ­თგვარ "ზამ­თრის ძილს“ მის­ცე­მია და გა­მო­ფხიზ­ლე­ბა ჭირ­დე­ბა.

ასე­ვე მო­სა­ლოდ­ნე­ლია, რომ რუ­სე­თი ყვე­ლა­ნა­ი­რად ეც­დე­ბა ოფი­ცი­ა­ლურ თუ არა­ო­ფი­ცი­ა­ლურ დო­ნე­ზე ხელი შე­უ­შა­ლოს სამი სა­ხელ­მწი­ფოს ალი­ან­სის იუ­რი­დი­უ­ლად გა­ფორ­მე­ბას, რა­საც უკვე და­წყე­ბუ­ლი ან­ტი­უკ­რა­ი­ნუ­ლი კამ­პა­ნია მოწ­მობს.

ასეა თუ ისე, უკ­რა­ი­ნა-პო­ლო­ნეთ-დიდი ბრი­ტა­ნე­თის კავ­ში­რი უსაფრ­თხო­ე­ბის სფე­რო­ში ახალ დიპ­ლო­მა­ტი­ურ ნა­ბიჯს წარ­მო­ად­გენს და მის აქ­ტი­უ­რო­ბა­ზე ბალ­ტი­ი­სა და შავი ზღვის რე­გი­ონ­ში ბევ­რი რამ იქ­ნე­ბა და­მო­კი­დე­ბუ­ლი.

ავ­ტო­რი: სი­მონ კი­ლა­ძე.