29
ივნისიდღის ზოგადი ასტროლოგიური პროგნოზი
"თურქეთის კლინიკებმა უარი გვითხრეს მკურნალობაზე, მხოლოდ ისღა დამრჩენია, ძველებურად გაგრძელდეს მკურნალობა - უფლის წყალობითა და ხალხის შემწეობით", - გვეუბნება შშმ პირი გოგიტა მურცხვალაძე, თავის ასევე შშმ შვილზე. ბატონი გოგიტა სხვა დროსაც ყოფილა ჩვენი რესპონდენტი, რომელიც მუდმივად შვილის ჯანმრთელობის მძიმე მდგომარეობაზე საუბრობდა.
- ამჯერად ოჯახს იმედი გვქონდა, რომ თურქეთში ყველაფერი ჩემი შვილის სასიკეთოდ, დადებითად გადაწყდებოდა, მაგრამ ასე არ მოხდა...
მქონდა მიმოწერა ანკარის ნეიროქირურგიულ კლინიკასთან და ასევე სტამბოლის "აჯიბადენის“ ცნობილ კლინიკასთან. იქ გამოკვლევებზეც მყავდა. მისი იქ მკურნალობა მქონდა გადაწყვეტილი, მაგრამ გამოკვლევის შემდეგ დღის წესრიგში ოპერაცია დადგა. გარანტია კი ვერ მოგვცეს, რომ ჯაბას სიცოცხლე შეუნარჩუნდებოდა. მშობლებისთვის იმის მოსმენა, რომ შესაძლოა, ოპერაცია ფატალურად დასრულდეს, დამეთანხმებით, უმძიმესია.
- ე.ი. მკურნალობას ითხოვდით და გითხრეს - საოპერაციოაო?
- კი, მკურნალობის გაგრძელება მინდოდა. იმედი მქონდა, რომ მედიკამენტოზური მკურნალობის შედეგად მოხდებოდა იმ კისტის დაშლა, რომელიც მას თავში აქვს (და არა ერთი კისტოზური წარმონაქმნია). მოკლედ, იმის გამო, რომ გარანტია ვერ მოგვცეს, ოპერაციაზე უარი ვთქვით. საბოლოოდ ისე მოხდა, რომ ისევ იმ ძველი მეთოდებით მკურნალობის გაგრძელებას უნდა დავჯერდეთ, როგორსაც მანამდე ვუტარებდით.
- ოპერაციის გადატანაში რა უშლიდა ხელს?
- მას 5 ოპერაცია აქვს საერთოდ ჩატარებული და 6 სერიოზული გამოკვლევა - თან ეს ყველაფერი სულ ნარკოზით, მეთორმეტედ ნარკოზის მიღება მისთვის უკვე დაუშვებელია...
გერმანიისა და ისრაელის კლინიკების ფასები ჩვენთვის მიუწვდომელია. წარმოუდგენლად ძვირია, რომ იქ ჩასვლა მოვახერხოთ. მოკლედ, ამ ყველაფრის გათვალისწინებით, ახლა იძულებულები ვართ, როგორც გითხარით, რა მკურნალობასაც ვუტარებდით, ისევ ის კურსი გავაგრძელოთ.
არადა, თუ კისტის დაშლა შესაბამისი მკურნალობით მოხდებოდა, მისი გონებრივი მდგომარეობა გაუმჯობესდებოდა.
ახლა უკვე უფალზე ვართ მინდობილი და იმ ხალხზე, რომლებიც ამდენი წელია, გვერდში გვიდგანან.
ჯაბა 29 წლის არის და ამ წლების განმავლობაში ბევრი ადამიანი დაგვეხმარა. მადლობა, რომ ჩვენი რთული მდგომარეობა გულთან ახლოს მიაქვთ...
ახლა მის წამლებს, პრეპარატებს სჭირდება შესაბამისი თანხები. ამასთანავე, ჯაბას ყოველდღიურად სჭირდება პამპერსი, განსხვავებული, მაღალკალორიული კვება. მინდა, საზოგადოებას ვუთხრა, რომ ჩემი შვილის სიცოცხლე ისევ მათ მხარდაჭერაზეა დამოკიდებული. მინდა, ამ იმედით ვიყო და ჯაბამაც ამ იმედით იცოცხლოს. გარდა ამისა, მაისის დასაწყისიდან სექტემბრის ბოლომდე ჩვენ საქართველოს მასშტაბით ეკლესია-მონასტრებში მოსალოცად დავდივართ. ვლოცულობთ როგორც ჯაბას ჯანმრთელობისთვის, ისე იმ ადამიანებისთვის, ვინც ყურადღებას არ გვაკლებს. ვლოცულობთ ჩვენი ქვეყნისთვის, მისი ერთიანობისთვის და იმისთვის, რომ ასეთმა კეთილმა და გულისხმიერმა ხალხმა იმრავლოს.
საქველმოქმედო ფონდი "ხომლი" ჯაბა მურცხვალაძის დასახმარებლად. ანგარიშის ნომერი:
საქართველოს ბანკი: GE42BG0000000162421607
თიბისი ბანკი: GE45TB7420136080100007
ამ სტატიის ძირითადი მიზანია, რომ ადამიანები გამოიჩენენ მოწყალებას და დახმარების მიზნით გადარიცხავენ გარკვეულ თანხებს. როგორც იტყვიან ღმერთმა ხელი მოუმართოს და გამოაჯამრთელოს ჯაბა მურცხვალაძე!
ნათქვამია, რომ უფალმა ბრძანა „გაანძრიე ხელი და გეშველებაო!“
ახლა, ამ მდგომარეობაში საკუთარი თავის ღმერთი თვითონაა, ხოლო მშობლები მისი მფარველი ანგელოზები არიან.
თანდათანობით, ნელ-ნელა შეაჩვიეთ დამოუკიდებლად მოქმედებას.
პირველ რიგში საწოლიდან ადგომა და შემდეგ დაწოლა.
ტანსაცმლის ჩაცმა და გახდა. ტუალეტში პირის დაბანა.
როგორც სურათზე ჩანს გადაადგილდება მშობლის დახმარებით ხდება. ასწავლეთ ხელჯოხით გადაადგილება ჯერ ბინაში - ოთახიდან ოთახში, შემდეგ კიბეებზე ჩასვლა-ამოსვლა, ბოლოს ეზოში და ტროტუარზე გადაადგილება და სიარული.
ხელ-ფეხის კუნთების გასამაგრებლად ბინაში დაუმონტაჟეთ ე.წ. შვედური კედელი (მარტივი კონსტრუქციის და აქედან გამომდინარე დაბალი ფასის), სადაც ყოველდღიურად შეძლებს ვარჯიშს.
აუცილებლად გადააჩვიეთ პამპერსის ტარებას. ამისათვის ჯერ გამოიყენეთ ე.წ. „სუდნო“ და „უტკა“. შემდეგ ნელ-ნელა შეაჩვიეთ ტუალეტში შესვლა და უნიტაზზე ჯდომა (თქვენი დახმარებით). დაჯდომა-ადგომის გასაადვილებლად ტუალეტის მარჯვენა კედელზე მყარად დაამაგრეთ ხელის ჩასაჭიდი სახელური (მგონი მისი მარცხენა ხელი სათანადოდ არ ფუნქციონირებს).
რამოდენიმე თვის შემდეგ წინსვლა და შედეგი აუცილებლად გექნებათ!
პ.ს. ინტერნეტში, კერძოდ „youtube“-ში ბევრი ვიდეოა ინგლისურ და რუსულ ენებზე ადამიანის სხეულის რეაბილიტაციის შესახებ.
სცადეთ კონსულტაცია ვენს ნეიროქირურგებთან. ინგოროყვაში არიან ოთარ გახოკია და მიხეილ გურასპაშვილი. კონსულტაცია მაინც შეიძლება, სცადეთ.. მე გამიკეთეს ოპერაცია და თითქმის უშანსო მდგომარეობიდან გადამარჩიეს. მე სხვა პრობლემა მქონდა მაგრამ კონსულტაცია მაინც შეგიძლიათ, ძალიან ჭკვიანები არიან.