"უკრაინელი პარტნიორებისაგან გვაქვს ინფორმაცია, რომ “ქართული ოცნების“ რეზოლუციის პროექტით იმედგაცრუებული არიან" - ლევან ბეჟაშვილი
"უკრაინასთან დაკავშირებულ პარლამენტის რეზოლუციის პროექტში რუსეთის არმოხსენიება და არდადანაშაულება რუსული საქმის გაკეთებას ნიშნავს" - აღნიშნული განცხადება ჟურნალისტებთან “ნაციონალური მოძრაობის“ დეპუტატმა ლევან ბეჟაშვილმა გააკეთა.
ბეჟაშვილის თქმით, უკრაინელი პარტნიორებისაგან აქვთ ინფორმაცია, რომ “ქართული ოცნების“ რეზოლუციის პროექტით იმედგაცრუებული არიან.
როგორც ბეჟაშვილმა აღნიშნა, რეზოლუციის პროექტი ელემენტარულ სტანდარტებს ვერ პასუხობს.
“ქართული ოცნება“ სამხედრო ესკალაციისგან თავის შეკავებისკენ ორივე მხარეს მოუწოდებს, მაშინ როდესაც მთელი მსოფლიოს თვალწინ ხდება რუსეთის პირდაპირი აგრესია უკრაინის წინააღმდეგ. ბუნებრივია, ასეთ რეზოლუციის პროექტს ჩვენ მხარს ვერ დავუჭერთ“, - განაცხადა ლევან ბეჟაშვილმა.
ბეჟაშვილის ინფორმაციით, პარლამენტის ოპოზიციური ფრაქციები ალტერნატიული პროექტის წარდგენას არ აპირებს.