უკრაინაში ახალწვეულმა სამხედრო მოსამსახურეებს ცეცხლი გაუხსნა - დაღუპულია 5 ადამიანი
უკრაინის ქალაქ დნეპრში ახალწვეულმა ცეცხლი გახსნა, დაიღუპა 5 სამხედრო მოსამსახურე, მათ შორის ერთი ქალი, ხუთი კი - დაშავდა, - ინფორმაციას მედია საშუალებები უკრაინის შინაგან საქმეთა სამინისტროზე დაყრდნობით ავრცელებს.
შემთხვევა მანქანათმშენებელი ქარხანა „იუჟმაშის“ ტერიტორიაზე მოხდა.
"უკრაინის ეროვნული გვარდიის სამხედრო მოსამსახურემ, 2001 წელს დაბადებულმა ახალწვეულმა არტემ რიაბჩუკმა გაურკვეველი მიზეზების გამო, "კალაშნიკოვის“ ავტომატიდან სამხედრო მოსამსახურეებს ცეცხლი გაუხსნა, რის შემდეგაც ის იარაღით გაიქცა. დაიღუპა ხუთი და დაშავდა კიდევ ხუთი ადამიანი“, - აცხადებენ უკრაინის შინაგან საქმეთა სამინიტროში.