"სამიტზე უთხრეს - ბატონო ედუარდ, ნატოს კარი საქართველოსთვის მუდამ ღიააო, - ღია კარში დიდხანს ნუ დაგვაყენებთ, ორპირი იცისო" - რას წერს თათია შარანგია ედუარდ შევარდნაძეზე
პიანისტი და ტელეწამყვანი თათია შარანგია, რომელიც ედუარდ შევარდნაძის ყოფილი რძალია, გარდაცვლილ პრეზიდენტს ყოველთვის დიდი სიყვარულით იხსენებს.
შევარდნაძე 25 იანვარს 94 წლის გახდებოდა. აღნიშნულთან დაკავშირებით თათია შარანგია სოციალურ ქსელში პოსტს აქვეყნებს:
"ედუ ბაბუს სანი გავს პოლიტიკის მიმართ ინტერესით. მსოფლიო ამბებს მისგან ვიგებ. სხვა ბავშვები თუ მულტფილმებს ან ფილმებს უყურებენ, სანიკო ახალ ამბებს ან დოკუმენტურ ფილმს უყურებს, გარეგნულადაც მას გავს.
ბავშვობის ფოტოს ვერ განასხვავებთ. დიდი იმედი მაქვს, რომ მასავით ნიჭიერი და დიდი მასშტაბების ადამიანი იქნება.
ისტორია კი აუცილებლად იტყვის თავის სათქმელს. ერთ-ერთ სამიტზე უთხრეს - ბატონო ედუარდ, ნატოს კარი საქართველოსთვის მუდამ ღიააო,- ღია კარში დიდხანს ნუ დაგვაყენებთ, ორპირი იცისო. შევი 94", - წერს შარანგია.