"სამსახურში ავტობუსით მივდიოდი, შინ კი ბუგატით ვბრუნდებოდი" - ესპანელი კონკიას ამბავი: ჯორჯინა როდრიგესი კრიშტიანუ რონალდუსთან თანაცხოვრებაზე

საზოგადოებას ფეხბურთის პორტუგალიელი ვარსკვლავის, კრიშტიანუ რონალდუს არა მხოლოდ სპორტული მიღწევები, არამედ მისი პირადი ცხოვრებაც აინტერესებს.

რონალდუს მსგავსად, მისი მეგობარი ქალი, ჯორჯინა როდრიგესი სოციალურ ქსელში პოპულარულია და მილიონობით გამომწერი ჰყავს.

ჯორჯინას შესახებ "ნეტფლიქსმა" დოკუმენტური ფილმიც კი გადაიღო სახელად - "მე ჯორჯინა ვარ." ფილმში ვარსკვლავური წყვილის ცხოვრების უცნობი მხარეა აღწერილი. პრემიერა ჯორჯინას დაბადების დღეზე შედგა.

ჯორჯინა როდრიგესი ფუფუნებაში არ გაზრდილა, ის "გუჩის" მაღაზიაში, კუნსულტანტად მუშაობდა და სწორედ აქ გაიცნო მსოფლიოს ერთ-ერთი საუკეთესო ფეხბურთელი.

"სამსახურში ავტობუსით მივდიოდი, სახლში კი ბუგატით ვბრუნდებოდი", - იხსენებს ჯორჯინა.

რონალდუსა და ჯორჯინას ერთი საერთო შვილი, 4 წლის გოგონა ჰყავთ და ტყუპის მოლოდინში არიან. მათ ჰყავთ კიდევ სამი შვილი, რომლებიც სუროგაციის გზით გაჩდნენ..

ჯორჯინამ მისი და რონალდუს ტურინში მდებარე სახლის კარი სიხარულით გაუღო მაყურებელს, ასევე აჩვენა მათი 5.5-ფუნტიანი იახტაც:

"როცა კრიშტიანუს სახლში პირველად შემოვედი, რამდენჯერაც სამზარეულოში წყლის დასალევად გავიდოდი, უკან დასაბრუნებელ გზას ვეღარ ვპოულობდი. დაახლოებით ნახევარი საათი მჭირდებოდა, რომ სასტუმრო ოთახამდე მიმეღწია. ბავშვობიდან პატარა სახლებში ცხოვრებას ვიყავი მიჩვეული", - ამბობს ესპანელი ქალი და დასძენს, რომ ნახევარი წელი დასჭირდა იმისთვის, რომ კრიშტიანუს მდიდრულ სახლს შეჩვეოდა.

ქვეყნიდან ქვეყანაში გადასაადგილებლად, ჯორჯინა და კრიშტიანუ კერძო თვითმფრინავს იყენებენ: "საკუთარი თვითმფრინავი მოგზაურობას, ყველაფერს აადვილებს. აეროპორტში რომ გვიწევდეს მე და რონალდუს 2 საათი გასაფრენად ლოდინი, ალბათ გავგიჟდებოდი. ამას მირჩევნია საერთოდ არ ვიმოგზაურო."

დოკუმენტურ ფილმში კიდევ ერთი საინტერესო მომენტია, როცა ჯორჯინა სამოგზაურო აგენტს საზაფხულო არდადეგებზე ესაუბრება, მისი მოთხოვნების ჩამონათვალი ასეთია - ბევრი ოთახი, საცურაო აუზი, ნავსადგომთან მარტივი წვდომა, ბავშვებისთვის გარკვეული მიწის ნაკვეთი, რომ მათი ვილიდან გაყვანა არ დასჭირდეთ სათამაშოდ, ან სასეირნოდ.

ჯორჯინა სატელევიზიო შოუში ყველაზე დიდი ინტერესით და სიხარულით დიზაინერების ტანსაცმელს, ჩანთებსა და ფეხსაცმელებს განიხილავს:

"მე თავს ძალიან იღბლიან ქალად ვთვლი, რადგან ვიცი, როგორია არაფერი გაგაჩნდეს და ისიც ვიცი, როგორია, როცა ყველაფერი გაქვს. თავდაპირველად ძვირადღირებულ ტანისამოსს ვყიდდი, ახლა კი თავად მაცვია ისინი წითელ ხალიჩაზე", - ამბობს რონალდუს საყვარელი ქალი.

ჯორჯინა შვილებისთვის ძიძის დაქირავებაზე არც კი ფიქრობს და მადლიერია, რომ საშუალება აქვს სახლიდან იმუშაოს და ბავშვების აღზრდაში თავად იკისროს მთავარი როლი: "მე მომხიბვლელ პრინცზე ვოცნებობდი და ახლა უკვე მყავს! შემიძლია ვთქვა, რომ ოცნებები სრულდება".

წყარო: thesun

მოამზადა ანა სიბოშვილმა