ახმეტაში ავტოსაგზაო შემთხვევის შედეგად ერთი ადამიანი დაიღუპა
ახმეტის მუნიციპალიტეტში, სოფელ კოღოთოში ავტოსაგზაო შემთხვევა მსხვერპლით დასრულდა. „ოპელის " მარკის ავტომანქანის მძღოლმა საჭე ვერ დაიმორჩილა, მოცურდა და ხეს შეეჯახა. შედეგად, დაშავდა ორი ადამიანი, მიღებული დაზიანებებით ერთი ადგილზე გარდაიცვალა.
შემთხვევის ადგილზე მობილიზებული იყო პოლიცია და სასწრაფო დახმარების ჯგუფები.