როგორი იქნებოდა საქართველო, ანაკლიის პორტი რომ აშენებულიყო? (სპეცპროექტი)
"პროექტი, რომელიც თამაშის წესებს ცვლის" - ეს სიტყვები "ანაკლიის პორტის" შესახებაა. დღეს აღარ ვიცით, როგორ, და რომელი თამაშის წესები შეიცვლებოდა ანაკლიის ღრმაწყლოვანი პორტის აშენებით.
პროექტი, რომელიც, გეგმის თანახმად, 50 წლის განმავლობაში 60 მილიარდი დოლარის ეკონომიკურ ღირებულებას შექმნიდა, განუსაზღვრელი დროითაა გაჩერებული.
ამიტომ, ჯერჯერობით ისღა დაგვრჩენია, მხოლოდ წარმოვიდგინოთ, რა ცვლილებებს მოიტანდა საქართველოსთვის ქალაქ ანაკლიაში პორტის მასშტაბური მშენებლობა, დიდი რაოდენობის ტვირთის მუდმივი შემოდინება, განხორციელებული უზარმაზარი ინვესტიცია და ქალაქის, მისი გავლით კი - ქვეყნის გაძლიერებული კავშირი დასავლეთთან.
AMBEBI.GE-მ მოამზადა სპეცპროექტი, რომელშიც გრაფიკულად ჩანს, რა შეიცვლებოდა საქართველოში, ანაკლიის პორტი რომ აშენებულიყო, რა მიმართულებებს მოიცავს პროექტი და რა გავლენას იქონიებდა ის ქართულ ეკონომიკაზე.