მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ რუსეთის მხრიდან შესაბამისი ნება იქნება, შესაძლოა, ავიარეისები აღდგეს" - ზურაბ აბაშიძე
23:24 / 21-01-2022
"არგუმენტი, რომ თითქოს აქ რუსეთის მოქალაქეების უსაფრთხოების გარანტიები საკმარისი არ არის, უსაფუძვლოა; რაც შეეხება ანტირუსულ რიტორიკას, კ რიტიკას ვერავის ავუკრძალავთ, მით უმეტეს, როდესაც კრიტიკის საფუძველი არსებობს"- ამის შესახებ რუსეთთან ურთიერთობის საკითხებში პრემიერ- მინისტრის სპეციალურმა წარმომადგენელმა ზურაბ აბაშიძემ "ინტერპრესნიუსს“ განუცხადა, რითაც გამოეხმაურა რუსეთ-საქართველოს შორის პირდაპირი ავიამიმოსვლის შესახებ რუსეთის საგარეო უწყების განცხადებას.
როგორც აბაშიძემ აღნიშნა, თუ რუსეთის მხრიდან შესაბამისი ნება იქნება, პანდემიის ვითარების გაუმჯობესების შემთხვევაში, შესაძლებელია გადაიდგას კონკრეტული ნაბიჯები, რათა ავიარეისები აღდგეს. მისი განმარტებით, ქართულ მხარეს ამის მზაობა აქვს.
"პირდაპირი ავიამიმოსვლის აღდგენის თემაზე ადრეც არაერთხელ გვქონია საჯაროდ საუბარი. ვისაუბრე კონკრეტულად ამ საკითხზე ნოემბრის თვეში გამართულ მორიგ შეხვედრაზე, ე.წ. პრაღის ფორმატის ფარგლებში. ჩვენ აღვნიშნეთ, რომ თუკი რუსეთის მხარე მზად იქნება და მას შესაბამისი ნება ექნება, რათა პირდაპირი ავიამიმოსვლა აღდგეს, ერთადერთ პრობლემად პანდემიას მივიჩნევთ. პანდემიის ვითარების გაუმჯობესების კვალზე, ვთვლით, რომ შესაძლებელია გაიმართოს სამუშაო შეხვედრა და შემდგომ გადაიდგას კონკრეტული ნაბიჯები, რათა ავიარეისები აღდგეს. ჩვენი მხრიდან სრული მზაობაა ამისთვის. პირდაპირი ავიამიმოსვლა 2019 წელს რუსეთის მხარის გადაწყვეტილებით შეჩერდა და თუ იქნება მათი მხრიდან მზაობა, ამას წინ არაფერი უდგას პანდემიის გარდა. რაც შეეხება ორ არგუმენტს, რაც მათ ამ საკითხის კონტექსტში მოჰყავთ - თითქოს აქ რუსეთს მოქალაქეების უსაფრთხოების გარანტიები საკმარისი არ არის. ადრეც გვითქვამს, მათაც არაერთხელ, ხაზგასმით ვუთხარი, რომ ბოლო წლებში ბევრი რუსი ტურისტი ჩამოდის საქართველოში. წელსაც, მიუხედავად პანდემიისა, გარკვეული რაოდენობა ჩამოვიდა და ამჟამადაც აქ იმყოფება. მათ უსაფრთხოების არავითარი პრობლემები არ აქვთ. ასე რომ, რუსეთის მხარის ეს არგუმენტი უსაფუძვლოა. რაც შეეხება ანტირუსულ რიტორიკას, რომელსაც ისინი ახსენებენ, ჩვენი ხედვა ასეთია, რომ კრიტიკას ვერავის ავუკრძალავთ, მით უმეტეს, როდესაც კრიტიკის საფუძველი არსებობს. ასე რომ, თუ მათი მხრიდან მზაობა და ნება იქნება, ჩვენ მზად ვართ“,- განაცხადა ზურაბ აბაშიძემ.
რაც შეეხება რუსეთის საგარეო უწყების განცხადების იმ ნაწილს, რომ რუსეთი იმედოვნებს, საქართველოს ხელისუფლება რუსეთის მიმართ უფრო დაბალანსებულ პოლიტიკას განახორციელებს, აბაშიძე ამბობს: "რას ნიშნავს ეს და მხედველობაში რა აქვთ, ვეცდები გავარკვიო, როდესაც ჩემს კოლეგასთან კომუნიკაცია მექნება“.
ცნობისთვის, როგორც რუსეთის საგარეო საქმეთა სამინისტროს ვებგვერდზე განთავსებულ ინფორმაციაშია აღნიშნული, რუსეთი ერთგული რჩება "რუსეთ-საქართველოს ურთიერთობების ნორმალიზების, არსებული უთანხმოების დაძლევის, ორმხრივი კავშირების აღდგენისა და განვითარების“.
"ეს ყველაფერი ჩვენი ორი ქვეყნის ხალხების ინტერესებშია, თუმცა, ასეთი პროცესი ორმხრივი უნდა იყოს. იმედი გვაქვს, საქართველოს ხელისუფლება წარსულიდან დასკვნებს გამოიტანს და რუსეთის მიმართ უფრო დაბალანსებულ პოლიტიკას განახორციელებს“,- აღნიშნულია რუსეთის საგარეო უწყების მიერ გავრცელებულ ინფორმაციაში.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა დროული განცზადებაა! სულზე მოგვისწრესბს...
რუსეთმა გაგვიუქმა უვიზო მიმოსვლა, რუსეთმა გაგვიუქმა ავიარეისები. აბა ვინ უნდა აღადგინოს?