მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
განაწყენებული პუტინის განცხადება საქართველოში ამერიკელი სამხედროების შემოსვლაზე და შევარდნაძის დიპლომატიური პასუხი - ვიდეო არქივიდან
16:33 / 20-01-2022
"ფეისბუქის" გვერდი "ედუარდ შევარდნაძის ცენტრი" (The Eduard Shevardnadze Center) ავრცელებს მეტად საინტერესო საარქივო ვიდეოს, რომელიც დსთ-ს ლიდერების არაფორმალურ შეხვედრაზე, ყაზახეთის სამთო-სათხილამურო კურორტ ჩიმბულაკშია გადაღებული და რომელშიც რუსეთის პრეზიდენტ ვლადიმერ პუტინის განცხადებას, საქართველოში ამერიკელი სამხედროების შემოსვლაზე, ედუარდ შევარდნაძე პასუხობს. ვიდეოში ჩანს, რომ პუტინის განცხადების შემდეგ არავინ ელის, რომ მას პასუხს გასცემენ და სცენაზე მდგარი ლიდერები იშლებიან და ამ დროს საქართველოს იმჟამინდელი პრეზიდენტი საუბარს იწყებს.
"ამერიკის მიერ საქართველოსთვის სამხედრო დახმარების შესაძლებლობა პირველად ჟურნალმა "თაიმმა“ გაახმოვანა, შემდეგ "ვაშინგტონ პოსტსა“ და "ნიუ-იორკ თაიმსში“ გაჩნდა ინფორმაცია, CNN-მა კი პენტაგონის ბრიფინგი გადმოსცა, სადაც ითქვა, რომ საქართველოს პრეზიდენტის პასუხად აშშ საქართველოში გააგზავნიდა 200-მდე სპეცდანიშნულების ძალების ინსტრუქტორს. როგორც გელა ჩარკვიანი იხსენებს თავის ბესტსელერში "ნაცნობ ქიმერათა ფერხული“ - " მათ ევალებოდათ ქართველი ჯარისკაცების გაწვრთნა. ეგრეთ წოდებული წვრთნისა და აღჭურვის პროგრამა (T&E) 64 მილიონი დოლარი ჯდებოდა და გულისხმობდა ოთხი 600-კაციანი ქართული ბატალიონის სრულ აღჭურვასა და გაწვრთნას 18 თვის პერიოდში. საქართველოში ამერიკელი სამხედროების შემოსვლის თაობაზე ინფორმაციამ რუსეთის რეაქციულ წრეებში პარანოიდალური რეაქცია გამოიწვია...ატყდა საქართველოსა და მისი პრეზიდენტის აღვირახსნილი ლანძღვა. როგოზინი, ზატულინი, ჟირინოვსკი წინასწარმეტყველებდნენ, რომ მალე საქართველო დაიშლებოდა... ამის მიუხედავად, ედუარდ შევარდნაძე დსთ-ს ლიდერების არაფორმალურ შეხვედრაზე ყაზახეთის სამთო-სათხილამურო კურორტ ჩიმბულაკში მაინც ჩავიდა და ღია ცისქვეშ მოწყობილ პრესკონფერენციაზე რუსეთის პრეზიდენტის ვლადიმერ პუტინის გამოსვლას დიპლომატიური პასუხი გასცა", - წერს "ფეისბუქგვერდი" ვიდეოს აღწერაში.
შეხვედრაზე გვერდიგვერდ დგანან: ედუარდ შევარდნაძე, ალექსანდრე ლუკაშენკო, ლეონიდ კუჩმა, ვლადიმერ პუტინი და ნურსულთან ნაზარბაევი. ვიდეოში სიტყვით ვლადიმერ პუტინი გამოდის და საქართველოს შესახებ ამბობს:
ვლადიმერ პუტინი:
"ჩვენ ყველა და მათ შორის მეც, მადლიერები ვართ, რომ დღეს ის (შევარდნაძე) აქ ჩამოვიდა. როგორც ვიცით, შიდაპოლიტიკური სიტუაცია გამწვავებულია, მათ შორის უშიშროების საბჭოს მდივნის დაღუპვის გამოც, მაგრამ ამის მიუხედავად საქართველოს პრეზიდენტი აქ, ჩვენ შორის არის და ეს ძალიან კარგი, პოზიტიური ფაქტორია, რომელიც საშუალებას გვაძლევს გავარკვიოთ ჩვენი ურთიერთქმედების ზოგიერთი ასპექტი, მათ შორის ტერორიზმთან ბრძოლის საკითხებშიც.
ესე იგი, რა ხდება რუსეთის შიდაპოლიტიკურ ცხოვრებაში ამერიკელი სამხედროების დამატებითი კონტიგენტის საქართველოში გამოჩენასთან დაკავშირებით, ამაში არანაირი ტრაგედია არ არის და არც შეიძლება იყოს.
ვთქვათ, თუ შუა აზიაში შეიძლება, საქართველოში რატომ არა. საქართველო რატომ უნდა იყოს გამონაკლისი. რა თქმა უნდა არა, საკითხი ასე არ დგას, საქმე იმაშია, რომ ჩვენ არაფერი ვიცოდით. მე ეს ედუარდ ამბროსევიჩს ვუთხარი და ასეთი რეაქცია იმან გამოიწვია, რომ ვერ გავიგეთ რა ხდებოდა. ჩვენთან ინფორმაცია ამერიკული მხრიდან შემოდიოდა. ქართველი კოლეგების მხრიდან კი, სამწუხაროდ, დაიგვიანა. აი, სწორედ ამის გამო იყო ასეთი ბობოქარი რეაქცია. თუმცა არ მგონია, ეს სასარგებლო იყოს სიტუაციის განსამუხტად. პირიქით, სასარგებლო უნდა იყოს საქმისთვის.
მთლიანად ტერორიზმთან ბრძოლისა და ორმხრივი ურთიერთობების, ერთობლივი, ეფექტიანი, დაჟინებული და მიზანმიმართული მუშაობისთვის, რომლის გაგრძელებას საქართველოს პრეზიდენტთან ერთად მომავალშიც ვაპირებთ... როგორც ეს ბოლო თვეების განმავლობაში ხდებოდა..."
ვლადიმერ პუტინის გამოსვლას ედურად შევარდნაძემ დიპლომატიური თუმცა საკმაოდ მწვავე პასუხი გასცა. იმჟამინდელი საქართველოს პრეზიდენტი ამბობს, რომ არანაირი საიდუმლო არ იყო იმაში, რომ ამერიკელები სასაზღვრო ჯარების შექმნაში დაგვეხმარნენ...
ედუარდ შევარდნაძე:
"ვეთანხმები ვლადიმერ ვლადიმეროვიჩის ნათქვამს, ჩვენ მართლაც სასარგებლოდ ვთანამშრომლობთ. მუდმივად მიმდინარეობს კონსულტაციები ორგანიზებულ დანაშაულთან და განსაკუთრებულად ტერორიზმის წინააღმდეგ საბრძოლველად. ჩვენ საერთო ენა გამოვნახეთ სპეცსამსახურებთან თანამშრომლობის საკითხებში და ეს პრაქტიკა გრძელდება. ჩვენ ასევე არც თუ ისე ცუდად ვთანამშრომლობთ სხვა ქვეყნებთან, უფრო მეტად ახლო მეზობლებთან და აქ განსაკუთრებული პრობლემები არ გვაქვს.
მინდა დავაზუსტო, ამერიკელების მხრიდან საქართველოს მხარდაჭერასა და დახმარებასთან დაკავშირებით. იცით, აქ არანაირი საიდუმლო არ არსებობს. ორ სახელმწიფოს შორის თანამშრომლობის საფუძველი არის საბაზისო ხელშეკრულება. მათ შორის სამხედრო სფეროში ამგვარი შეთანხმება ხელმოწერილია. არანაირი საიდუმლო არ იყო იმაში, რომ ამერიკელები სასაზღვრო ჯარების შექმნაში დაგვეხმარნენ. მათი დახმარების გარეშე ჩვენ ვერ შევძლებდით. ახლა მათ სერიოზულად აქვთ განზრახული დაგვეხმარონ ანტიტერორისტული ჯგუფის მომზადებაში. ვერცერთი სხვა ქვეყანა ამას ვერ გააკეთებს...
რაც შეეხება ატეხილ აურზაურს, აქ რომ ითქვა, ვფიქრობ, ბევრი რამ გაზვიადებულია. სულ სამი-ოთხი კაცი ჩამოვიდა, შემდგომში ალბათ უფრო მეტიც ჩამოვა, იმიტომ, რომ ასეთი სამაგალითო, საეტალონო, ანტიტერორისტული ჯგუფებისა თუ ქვედანაყოფის ჩამოყალიბება საკმაოდ ძვირადღირებული საქმეა და ჩვენ ამ ქვეყანასთან ვითანამშრომლებთ. რუსეთისგან კი ჩვენ არაფერს ვმალავთ. სხვათა შორის რუსეთის საელჩომაც იცოდა ამის შესახებ. ზუსტად ვიცი, რომ რუსეთის ხელმძღვანელობას ამერიკელებმაც აცნობეს. ეს ჩვეულებრივი მოვლენაა ამ მძიმე ბრძოლაში. თუ რამე საკმარისი არ არის, სჯობს, დასკვნები გამოვიტანოთ".
00:00 / 00:00
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ " კაცს" საქართველოსთვის ცუდის მეტი არაფერი უკეთებია! თუ ვინმეს გახსოვთ ერთი კარგი საქმე-დაწერეთ! იუდა და გველი.ერთმა სასულიერო პირმა მაშინ თქვა-ღმერთმა მოგვივლინა მხსნელად საქართველოს-ედუარდი გიორგი შევარდნაძეო.....(დააქცია ამან და კიდევ ერთმა სულიერმა საქართველო)"კარგი" მოვლენა იყო
პუტინი ინფორმაციას და ისტორიას ყოველთვი აყალბებს... ამის მაგალითია ესეც:::::
NATO-ს ოპერაცია “ელლაიდ ფორს” დაიწყო იმ მიზნით, რათა აღკვეთილიყო ადამიანის უფლებების მასშტაბური განგრძობადი დარღვევები და სამოქალაქო პირთა მკვლელობები. საჰაერო კამპანიის დასრულების შემდეგ, გაერო-ს მანდატის (გაერო-ს უშშროების საბჭოს 1244 რეზოლუციის) შესაბამისად, ნატო-ს თაოსნობით ჩატარდა სამშვიდობო ოპერაცია რუსეთის მონაწილეობით, რომლის მიზანს კოსოვოში უსაფრთხო და დაცული გარემოს უზრუნველყოფა წარმოადგენდა.