ლეონარდო დიკაპრიოს ასაკობრივი ზღვარი - მას არასდროს ჰქონია სასიყვარულო ურთიერთობა 25 წელს გადაცილებულ ქალთან: რა დაადგინეს მსახიობის ფანებმა

ჰოლივუდის ვარსკვლავი, ლეონარდო დიკაპრიო სტაბილური ურთიერთობებით არასდროს გამოირჩეოდა. ყოველ 3-4 წელიწადში მის გვერდით სხვადასხვა მომხიბვლელ ქალს ვხედავთ.

მსახიობის ფანებმა საინტერესო კვლევა ჩაატარეს და აღმოჩნდა, რომ ლეო ყოველთვის თავისზე ბევრად ახალგაზრდა ქალებს ხვდება და მისთვის სასიყვარულო ურთიერთობაში ქალის ასაკის ზღვარი 25 წელია.

სოციალური ქსელის, Reddit-ის ერთ-ერთმა მომხმარებელმა შეისწავლა ჰოლივუდის 47 წლის მსახიობის ყველა გახმაურებული ურთიერთობა და დაასკვნა, რომ ლეონარდო, 25 წელს გადაცილებულ ქალებთან ურთიერთობის წინააღმდეგია!

ერთი შეხედვით, სახალისო პოსტი მალევე პოპულარული გახდა.

მომხმარებლის მიერ შედგენილ გრაფაზე, იმ გოგონების ასაკია ნაჩვენები, ვისაც ლეონარდო დიკაპრიო წლების განმავლობაში ხვდებოდა.

8 გოგონას შორის, მხოლოდ სამი იყო 25 წლის იმ პერიოდში როცა ლეოსთან ჰქონდათ ურთიერთობა. დანარჩენები კი უფრო პატარა ასაკის.

დიკაპრიოს გოგონებს შორის, ასაკით ყველაზე პატარა, მათი ერთად ყოფნის პერიოდში, სუპერმოდელი ჯიზელ ბიუნდჰენი იყო - 18 წლის. წყვილი ერთმანეთს 5 წლის განმავლობაში ხვდებოდა.

ლეოს, როგორც წესი, ქერა და მოდელი გოგონები მოსწონს, მაგრამ მან 2011 წელს გზიდან "ოდნავ გადაუხვია" და რამდენიმე თვის განმავლობაში მსახიობ ბლეიკ ლაივლის ხვდებოდა.

დიკაპრიოს ამჟამინდელი შეყვარებული, მოდელი კამილა მორონეა, რომელიც ახლა 24 წლისაა. ისინი ერთმანეთს 2017 წლიდან ხვდებიან.

წყარო: dailymail

მოამზადა ანა სიბოშვილმა