თოშა ქებურიასა და 23 წლის მოდელ ქეთი ჟღენტს მესამე შვილი შეეძინათ - მილიონერმა ქმარმა შინ დაბრუნებულ სამი შვილის დედას გრანდიოზული დახვედრა მოუწყო

თოშა ქებურიასა და ქეთი ჟღენტს სამი დღის წინ თბილისში, გაგუას კლინიკაში მესამე შვილი შეეძინათ. წყვილმა ქალიშვილს ლიანა დაარქვა... ქეთი უკვე გამოწერეს სამშობიაროდან და შინ დაბრუნებულ სამი შვილის დედას საყვარელმა მეუღლემ გრანდიოზულად მორთული სახლი დაახვედრა...

პოპულარული წყვილის მდიდრული ცხოვრებით ხშირად ინტერესდება საზოგადოება. ქეთი "ინსტაგრამის" საკუთარ გვერდზე გამომწერებისთვის ოჯახური ცხოვრების შესახებ პოსტებს ხშირად აქვეყნებს, წერს მეუღლეზეც, რომელიც ძვირადღირებული საჩუქრებით ანებივრებს და შვილებზე, რომელთა გაზრდაშიც თავადაც აქტიურად არის ჩართული.

ქეთი ორსულობის პერიოდში თავის გამომწერებს ხშირად პასუხობდა ფეხმძიმობასთან დაკაშირებულ კითხვებზე. 7 თვის ორსული მოდელი კორონავირუსით მეორედ ნოემბერში დაინფიცირდა. მაშინ ქეთი წერდა, რომ აცრაზე იყო ჩაწერილი და ვირუსი წინა დღეს დაუდასტურდა.

თოშა ქებურია სასურველი სასიძოს ტიტულს წლების განმავლობაში ინარჩუნებდა. პერიოდულად კი მედიაში ჩნდებოდა ინფორმაცია, რომ ქებურია რომელიმე ცნობილ ქართველ ქალზე იყო შეყვარებული. ქრისტინე იმედაძისა და თოშა ქებურიას "ლავსთორი“ ლამის დაოჯახებამდეც მივიდა, თუმცა მოსკოვში მოღვაწე მილიონერ ბუბა ქებურიას ვაჟმა 2017 წელს 18 წლის მოდელ ქეთი ჟღენტზე იქორწინა. გოგონას წარმატებულ კარიერას უწინასწარმეტყველებდნენ, თუმცა არჩევანი ოჯახზე გააკეთა.

მათ 2019 წელს პირველი შვილი კატერინა შეეძინათ, 2020 წლის სექტემბერში კი ვაჟი, რომელსაც მშობლებმა ბაბუის, ბიზნესმენ ბუბა ქებურიას სახელი დაარქვეს.

ბუბა ქებურიას ბიზნესაქტივები რუსეთში, საფრანგეთსა და საქართველოში აქვს. ბიზნესცენტრი, 4 ვარსკვლავიანი სასტუმრო "ქებურ პალასი", რესტორნები "ტიფლისი", თავადი ბაგრატიონი" და "ტიფლისკი დვორი" მოსკოვში მისი საკუთრებაა. პარიზში რესტორან "ქართული სახლის" მფლობელია. საქართველოში ღვინის ქარხანა აქვს, თბილისსა და კაჭრეთში ის მაღალი კლასის სასტუმრო-რესტორნების ქსელს", ამბასადორს" ფლობს. ბუბა ქებურიას თოშას გარდა, ორი შვილი ჰყავს - გიორგი და ლიკა.