მნიშვნელოვანი ინფორმაცია
18
ივლისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 00:07-ზე. მთვარე კუროში გადავა 11:57-ზე –
ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ მნიშვნელოვანი საქმეები. გააძლიერეთ თქვენი ფინანსური მდგომარეობა. დაიწყეთ რემონტი. იყიდეთ უძრავი ქონება. დღე იდეალურია ოჯახის შესაქმნელად. განსაკუთრებით თუ წყვილი ბევრ შვილზე ოცნებობს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პრეზიდენტის ვეტო იქნებოდა განაცხადი, რომ ქვეყანაში არსებობენ ადამიანები და ინსტიტუტები, რომლებსაც მკაცრი რეაქცია აქვთ სამსახურის გაუქმებაზე" - ლონდა თოლორაია
19:10 / 13-01-2022
სახელმწიფო ინსპექტორი ლონდა თოლორაიას სამსახურის გაუქმების გამო საკონსტიტუციო სასამართლოს სარჩელით რამდენიმე დღეში მიმართავს, მოგვიანებით კი, სარჩელს ევროსასამართლოშიც წარადგენს.
როგორც თოლორაიამ "ინტერპრესნიუსს“ საქართველოს პრეზიდენტის გადაწყვეტილების შეფასებისას განუცხადა, მას ვეტოს მოლოდინი ჰქონდა, რასაც სალომე ზურაბიშვილის განცხადებები აჩენდა.
"ვეტოს მოლოდინი ნამდვილად არსებობდა იმ განცხადების ფონზე, რაც პრეზიდენტმა რამდენიმე დღის წინ გააკეთა. დღევანდელ განცხადებასაც თუ დააკვირდებით, ის საკმაოდ საინტერესოა, რადგან ერთის მხრივ, იგი ამბობს ვეტო არ დაადო კანონს, თუმცა, თავადვე ხედავს არაერთ სამართლებრივ პრობლემას ამ საკითხში. პრეზიდენტის გადაწყვეტილებაზე შესაძლოა გავლენა იმანაც იქონია, რომ პარლამენტის მხრიდან ძალიან ცხადად და ნათლად იყო გამოთქმული მოსაზრება, რომ ვეტოს დაძლევდნენ და ამას არანაირი აზრი არ ექნებოდა. ფაქტია, რომ მეც და პრეზიდენტიც ამ პროცესში ძალიან ბევრ სამართლებრივ პრობლემას ვხედავთ. იმ ფონზე, როდესაც კანონი დაჩქარებული წესით არის მიღებული, იმ ფონზე, როცა პროცესები ფაქტობრივად დახურულ კარს მიღმა მიმდინარეობდა კონსპირაციულად, ყველანაირი სპეციალისტის და თავად სამსახურის ჩართულობის გარეშე, იმ ფონზე, როცა არჩევითი თანამდებობა გაუქმდა, რომლის პრეცედენტებიც გვახსოვს საქართველოში და საკონსტიტუციო სასამართლომაც არაკონსტიტუციურად სცნო ეს რამდენჯერმე, რა თქმა უნდა, ვეტოს სამართლებრივი მოლოდინი არსებობდა. მე აბსოლუტურად ვიყავი დარწმუნებული, რომ ვეტო პარლამენტში დაიძლეოდა, რადგან მათი გადაწყვეტილება სამსახურის გაუქმებასთან დაკავშირებით მტკიცე იყო. თუმცა ვეტოს ძალიან დიდი მნიშვნელობა ექნებოდა ქვეყნისთვის და ამ სამსახურისთვის და ეს იქნებოდა განაცხადი იმისა, რომ ამ ქვეყანაში არსებობენ ადამიანები, ინსტიტუტები, რომლებსაც მკაცრი რეაქცია აქვთ ასეთ სიტუაციაში, როცა ორკესტრირებულად ხდება ასეთი ინსტიტუტის სამ დღეში გაუქმება“, - განაცხადა თოლორაიამ.
მისივე თქმით, ახლა პირველი ნაბიჯი არის საკონსტიტუციო სასამართლო, სადაც სარჩელს რამდენიმე დღეში შეიტანს.
"ჩვენ და პირადად მეც სარჩელს შევიტან. ასევე გაუქმებულია არჩევითი თანამდებობა, რომლის პრეცედენტებიც არსებობს, თუმცა, ევროსასამართლომ არაერთხელ დაადგინა ასეთ პრეცედენტებზე დარღვევა. ამიტომ შიდა სახელმწიფოებრივი მექანიზმი იქნება საკონსტიტუციო სასამართლოსთვის მიმართვა, ხოლო გარე მექანიზმი - ევროსასამართლოში ბრძოლა, სადაც რამდენიმე მუხლით ვიდავებთ. საკონსტიტუციო სასამართლოს რამდენიმე დღეში მივმართავთ“, - განაცხადა თოლორაიამ.
რაც შეეხება პრეზიდენტის განცხადებაში აღნიშნულს, რომ გამოსავალი იქნება, თუ სახელმწიფო ინსპექტორს საკუთარი საქმიანობის გაგრძელების შესაძლებლობა, დამოუკიდებლობის ყველა გარანტიით მიეცემა ახლად შექმნილ ერთ-ერთ სამსახურში, თოლორაია ამბობს, რომ ამის შესაძლებლობას კანონი არ იძლევა.
"ამის შესაძლებლობას ეს კანონი არ ტოვებს. მოქმედ სახელმწიფო ინსპექტორს, ლონდა თოლორაიას რჩება პრაქტიკული შესაძლებლობა, რომ შეიტანოს ახალ კონკურსში განაცხადი, თუმცა, ამ კონკურსში მონაწილეობას აზრი არ აქვს. პარლამენტს რომ ლონდა თოლორაია რომელიმე თანამდებობაზე სდომოდა, ამას კანონში ჩაწერდა. პირიქით, რეფორმა გატარებულია ერთი ადამიანისთვის, ლონდა თოლორაიასთვის, რადგან მისი პოლიტიკა ამ სამსახურში მიუღებელი იყო, როგორც ჩანს პარლამენტისთვის. ვინც სახლში მიდის, ეს არის ლონდა თოლორაია და მისი სამი მოადგილე. ამხელა ამბები მენეჯმენტის მიუღებლობის გამო ატყდა და ეს იყო ძალიან ცუდი მესიჯი ქვეყნის გარეთ საქართველოში ადამიანის უფლებების დაცვის თვალსაზრისით“, - განაცხადა თოლორაიამ "ინტერპრესნიუსთან“ საუბრისას.
თოლორაიას თქმით, ჯერჯერობით გადაწყვეტილი არ აქვს, სად გააგრძელებს მუშაობას.
"ამ ეტაპზე სიმართლე რომ გითხრათ, ამაზე არ მიფიქრია. ჯერ ისევ სახელმწიფო ინსპექტორის თანამდებობა მიკავია, ამიტომ ამაზე 1-ელ მარტს ვისაუბროთ“, - განაცხადა თოლორაიამ.
ცნობისთვის, პრეზიდენტმა სალომე ზურაბიშვილმა სახელმწიფო ინსპექტორის სამსახურის გაუქმების შესახებ კანონს ხელი მოაწერა.
ამასთან, როგორც პრეზიდენტის განცხადებაშია ნათქვამი, მიუღებლად მიმაჩნია ასეთი მნიშვნელოვანი კანონის მიღება დაჩქარებული წესით, ყოველგვარი კონსულტაციებისა და სათანადო დისკუსიის გარეშე, თუმცა სამსახურის გაუქმება და ახალი სტრუქტურების დაარსება თავისთავად არ იძლევა საფუძველს პრეზიდენტის მხრიდან სამართლებრივი ხასიათის მოტივირებული შენიშვნებისათვის.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები და ფარული ჩანაწერები, რომლებშიც "ქურდულ სამყაროსთან" კავშირში მყოფი ფიგურირებენ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქალბატონო ლონდა პრეზიდენტმა თქვენს განთავისუფლებას უნდა დაადოს ვეტო თუ რას ითხოვთ? გაეცანით ახალ კანონს და იქნებ განმარტოთ გარდა თქვენი განთავისუფლებისა რა შეიზღუდა რა დააკლო ახალმა კანონმა ან პერსონალურ უფლებათა დაცვის ან სამართალდამცავი ორგანოს წარმომადგენლის, მოხელის ან მასთან გათანაბრებული პირის მიერ ადამიანის უფლებებისა და თავისუფლებების წინააღმდეგ ჩადენილი განსაკუთრებით მძიმე დანაშაულის და ძალადობით ან დაზარალებულის პირადი ღირსების შეურაცხყოფით ჩადენილი სამოხელეო დანაშაულის მიუკერძოებელი და ეფექტიანი გამოძიების წარმოების წარმართვის კუთხით.თქვენი წყენა გასაგებია მაგრამ პრეზიდენთის ფუნქცია ვინმეს დამშვიდება არ არის ის კანონის კონსტიტუციასთან შესაბამისობით და კანონში ჩადებულ ნორმათა შინაარსის მიხედვით წყვეტს ვეტოს გამოყენების საკითხს
ადამიანს თავი იმიტომ აბია...