ლეონარდო დიკაპრიოსა და მისი შეყვარებულის პიკანტური ფოტოები კარიბის ზღვის სანაპიროდან - "კამილას თვალს ვერ სწყვეტდა და წამითაც არ შორდებოდა

სოციალურ ქსელში ბოლო დღეებია ჰოლივუდის ვარსკვლავის, ლეონარდო დიკაპრიოსა და მისი შეყვარებულის კამილა მორონეს ზღვის სანაპიროზე გადაღებული ფოტოებია პოპულარული.

პაპარაცულ ფოტოებზე ჩანს, 47 წლის ლეო თავის 24 წლის შეყვარებულთან ერთად დროს მხიარულად ატარებს.

მედიის ცნობით, "ლეო შეყვარებულს თვალს ვერ სწყვეტდა და მას გვერდიდან წამითაც არ შორდებოდა."

წყვილი ცდილობს ურთიერთობის შესახებ საჯაროდ არ ისაუბროს და მაქსიმალურად დაიცვან პირადი სივრცე. ისინი კამერებთან გამოჩენას ერიდებიან, თუმცა პაპარაცები მაინც ახერხებენ ხოლმე ერთად აღბეჭდონ.

ლეო და კამილა უკვე სამი წელია ერთმანეთს ხვდებიან. ლეოს თაყვანისმცემლებმა იციან მისი უამრავი სასიყვარულო ისტორიის შესახებ, თუმცა მსახიობი ოფიციალურ ქორწინებაში არასოდეს ყოფილა.

ბოლო დროს ბულვარული გამოცემები ხშირად წერენ, რომ ქალი, რომელზეც დიკაპრიო დაქორწინდება, სწორედ კამილა მორონე იქნება, რადგანაც წყვილს სერიოზული ურთიერთობა აქვს.