"ღამის განმავლობაში მომხდარ არეულობას ათობით დემონსტრანტი ემსხვერპლა" - ალმათის პოლიცია
ყაზახეთის ქალაქ ალმათის პოლიციის ინფორმაციით, ღამის განმავლობაში მომხდარ არეულობას ათობით დემონსტრანტი ემსხვერპლა.
მათივე ცნობით, აქტივისტები პოლიციის დეპარტამენტის შენობის შტურმით აღებას ცდილობდნენ.
„ალმათის ადმინისტრაციულ შენობებსა და პოლიციის დეპარტამენტზე ღამით მასშტაბური შეტევა მოხდა. ათობით თავდამსხმელი ლიკვიდირებულია, მიმდინარეობს მათი ვინაობის დადგენა“, - აცხადებენ ქალაქ ალმათის პოლიციის დეპარტამენტში.
მანამდე ყაზახეთის შინაგან საქმეთა სამინისტრომ გაავრცელა ცნობა, რომ არეულობის დროს პოლიციისა და ეროვნული გვარდიის 8 თანამშრომელი დაიღუპა. შეტაკებების დროს დაშავდა 300-ზე მეტი სამართალდამცავი.