"ყველამ უნდა დატოვოს Twitter-ი და Facebook-ი, ისინი ყველას სძულს, ჩვენს ქვეყანას არცხვენენ" - დონალდ ტრამპი
აშშ-ის ყოფილი პრეზიდენტი სოციალურ პლატფორმა "ტვიტერს“ დემოკრატიის სირცხვილს უწოდებს. ამ განცხადებით დონალდ ტრამპი ამერიკელი კონგრესმენის, მარჯორი ტეილორ გრინის "ტვიტერის“ ანგარიშის სამუდამოდ დაბლოკვას გამოეხმაურა.
"Twitter-ი დემოკრატიის სირცხვილია. მას არ უნდა მიეცეს ამ ქვეყანაში ბიზნესის კეთების უფლება. მარჯორი ტეილორ გრინი პატიოსან, პატრიოტ და შრომისმოყვარე ადამიანებს წარმოადგენს. ისინი არ იმსახურებენ ასეთ დამოკიდებულებას Twitter-ისა და Facebook-სგან. ყველამ უნდა დატოვოს Twitter-ი და Facebook-ი. ისინი მოსაწყენები არიან და მხოლოდ რადიკალურ მემარცხენე თვალსაზრისს წარმოადგენენ. ისინი ყველას სძულს. ისინი ჩვენს ქვეყანას არცხვენენ”, - განაცხადა დონალდ ტრამპმა.
შეგახსენებთ, გასული წლის ბოლოს დონალდ ტრამპმა განაცხადა, რომ მისი პლატფორმა The Truth 2022 წლის პირველ ნახევარში ამუშავდება.