"მანქანიდან რომ გადმოვედი, ერთი პატარა ბიჭი ადგილზე იყო დაღუპული და ასევე დაღუპული იყო ქალბატონი“ - მძღოლი ჟინვალთან მომხდარი ავარიის დეტალებს იხსენებს

ჟინვალთან, ხევში გადავარდნილი მიკროავტობუსის მძღოლი მომხდარის დეტალებზე საუბრობს.

"გუდაურის მიმართულებით მოვდიოდი, წინ მიდიოდა "ნივა“, რომელმაც მომიჭრა და გვერდიდან დავარტყი, რის შედეგადაც ინერციით მარცხნივ გადავვარდი. ხრამში გადავიჩეხეთ, მანქანა გადატრიალდა. მანქანიდან რომ გადმოვედი, ერთი პატარა ბიჭი ადგილზე იყო დაღუპული და ასევე დაღუპული იყო ქალბატონი“, - აცხადებს "მთავარ არხთან" მიკროავტობუსის მძღოლი.

როგორც ის აღნიშნავს, თავად ნასვამ მდგომარეობაში არ ყოფილა.

ცნობისთვის, ჟინვალთან მიკროავტობუსი გადავარდა, დაიღუპა 2 და დაშავდა 6 ადამიანი.

არსებული ინფორმაციით, დაღუპულები უცხო ქვეყნის მოქალაქეები არიან. შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლის მე-8 ნაწილით არის აღძრული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადმიანის სიცოცხლის მოსპობა გამოიწვია.