ვიტამინი D3 - როგორ გავიძლიეროთ იმუნიტეტი COVID-19 პანდემიის ფონზე
იმუნური სისტემა უდიდეს როლს თამაშობს ადამიანის ჯანმრთელობაში, რადგან მისი გამართული მუშაობა განაპირობებს ჩვენი ორგანიზმის მდგრადობას ინფექციების მიმართ. იმუნური სისტემის მნიშვნელოვანი ფუნქციაა ადეკვატურად უპასუხოს ორგანიზმში შეჭრილ ნებისმიერ უცხო ნივთიერებას და შეინარჩუნოს შინაგანი წონასწორობა. COVID-19 პანდემიის პირობებში ექიმები საზოგადოებას მოუწოდებენ, საკუთარ თავს მეტი დრო დაუთმონ და გაიძლიერონ იმუნიტეტი.
ძლიერ იმუნიტეტს, უმეტეს წილად, ორგანიზმის ვიტამინებითა და მინერალებით გაჯერება განაპირობებს. იმუნოლოგებისა და ენდოკრინოლოგების აზრით, ამ მხრივ D3 ვიტამინი - ქოლეკალციფეროლი, ყველაზე მნიშვნელოვან ვიტამინს-ჰორმონს წარმოადგენს, რომელსაც თავისი მნიშვნელობის გამო D ჰორმონსაც კი ეძახიან. გარდა იმისა, რომ ის ნივთიერებათა ცვლის სხვადასხვა პროცესში აქტიურად მონაწილეობს, ასევე დადებით გავლენას ახდენს იმუნური პროცესების მიმდინარეობაზე, ხშირ ავადობაზე, დიაბეტისა და გულ-სისხლძარღვთა სისტემის ნორმალურ ფუნქციონირებაზე და ა.შ. D ვიტამინის ნაკლებობა იწვევს იმუნიტეტის დაქვეითებას, რის ფონზეც ორგანიზმი ვეღარ უმკლავდება ბაქტერიულ და ვირუსულ ინფექციებს და მატულობს გრიპითა და გაციებით ავადობის სიხშირე.
„ორგანიზმში პრაქტიკულად ყველა უჯრედს, მათ შორის იმუნური სისტემის უჯრედებს, აქვთ D ვიტამინის რეცეპტორები. სწორედ ამ რეცეპტორების საშუალებით D ვიტამინი არეგულირებს იმუნური სისტემის ბალანსირებულ მუშაობას ისე, რომ ორგანიზმი სელექციურად ძლიერდება მასში შემოჭრილ პათოგენებთან (ვირუსები, ბაქტერიები) მიმართებაში და არ აზიანებს საკუთარ უჯრედებს. დღეისათვის, კლინიკური კვლევებით უკვე დადასტურებულია, რომ D3 ვიტამინი, იგივე ქოლეკალციფეროლი, მძლავრი იმუნომოდულატორია. ის ხელს უწყობს ჩვენს ორგანიზმში ბუნებრივი ანტიმიკრობული ცილების - კათელიციდინისა და დეფენსინის წარმოქნას, რითაც აძლიერებს ორგანიზმის ანტიბაქტერიულ და ანტივირუსულ პასუხს, ხელს უშლის ვირუსის გავრცელებას ორგანიზმში.
დღეს, COVID-19 პანდემიის პირობებში, ყველა ვცდილობთ ვიპოვოთ ის ნივთიერება ან ნივთიერებების კომბინაცია, რომელსაც შესაძლოა დამცველობითი ეფექტი ჰქონდეს ჩვენი ჯანმრთელობისთვის, დაგვეხმაროს იმუნიტეტის ამაღლებაში და ა.შ. მართალია, ასეთი ჯადოსნური წამალი არ არსებობს, თუმცა ჩატარებულია ძალიან საინტერესო კვლევები, რომელთა მიხედვითაც ნანახი იქნა D ვიტამინის დეფიციტსა და ახალი კორონავირუსული ინფექციის მიმდინარეობის სიმძიმეს შორის კავშირი. აღნიშნული კვლევების მიხედვით, D ვიტამინი ამცირებს COVID-19-ის დროს ე.წ. „ციტოკინური შტორმის“ ალბათობას, შესაბამისად მცირდება რესპირაციული დისტრეს სინდრომის განვითარებისა და სიკვდილიანობის რისკი. ამერიკულ სამეცნიერო ჟურნალში 2020 წელს გამოქვეყნებული, 235 პაციენტზე ჩატარებული კვლევის (Maghbooli at. al) თანახმად, D ვიტამინის დეფიციტი ასოცირდება ახალი კორონავირუსული ინფექციის უფრო მძიმე მიმდინარეობასა და სიკვდილიანობის გაზრდილ სიხშირესთან“ – განმარტავს ექიმი-ენდოკრინოლოგი, პროფესორი რამაზ ყურაშვილი.
აღნიშნული კვლევების საფუძველზე, ზამთრის, ადრეული გაზაფხულისა და გვიანი შემოდგომის პერიოდში, D ვიტამინის დეფიციტის თავიდან ასაცილებლად, მედიკოსები რეკომენდაციას უწევენ საპროფილაქტიკოდ D3 ვიტამინის შემცველი დანამატების მიღებას. 11 321 პაციენტში ჩატარებულმა კვლევამ (Martineau et.al) დაადასტურა, რომ D3 ვიტამინის დანამატების მიღება, D ვიტამინის დეფიციტის მქონე პირებში, 70%-ით ამცირებს მწვავე რესპირაციული ინფექციების განვითარების სიხშირეს.
“საქართველოში, საბედნიეროდ გვაქვს ხარისხიანი D ვიტამინის შემცველი პრეპარატი, როგორიცაა გერმანული ფარმაცევტული კომპანია „ველტფარმას“ მიერ წარმოებული ბიოლოგიურად აქტიური დანამატი – „დეტრივიტი“, რომელიც აღადგენს ორგანიზმში D3 ვიტამინის ბალანსს, აუმჯობესებს ორგანიზმის ანტიბაქტერიულ-ანტივირუსულ პასუხს და ახდენს რესპირაციული ინფექციების განვითარების პრევენციას. „დეტრივიტი“ სრულიად უსაფრთხოა ჯანმრთელობისთვის და მისი მიღება რეკომენდებულია როგორც D ვიტამინის დეფიციტის საპრევენციოდ, ასევე სამკურნალოდ. წარმოდგენილია გამოშვების სამი ფორმით: „დეტრივიტი“ 2000 სე, „დეტრივიტი ფორტე“ – 5000 სე, „დეტრივიტი მაქსი“ – 10000 სე. D ვიტამინის დეფიციტის სამკურნალოდ გამოიყენება „დეტრივიტი ფორტე“ (5000 სე) ან „დეტრივიტი მაქსი“ (10000 სე), არანაკლებ 2 თვის განმავლობაში, ხოლო შემდგომ შემანარჩუნებელი თერაპიის სახით ინიშნება „დეტრივიტი“ (2000 სე).
ასე რომ, „დეტრივიტი“ სწორედ ის საკვები დანამატია, რომელიც დაგეხმარებათ იმუნური სისტემის გაძლიერებაში, შესაბამისად დაიცავს თქვენს ორგანიზმს სასუნთქი გზების ინფექციებისგან“ – განმარტავს ექიმი-ენდოკრინოლოგი.
R