ბათუმის საკონტეინერო ტერმინალის 60-მდე თანამშრომელი გაიფიცა
ბათუმის საკონტეინერო ტერმინალის 60-მდე თანამშრომელი შრომითი პირობების გაუმჯობესებას ითხოვს. მათ პროტესტის ნიშნად ტერმინალში მუშაობა შეაჩერეს.
როგორც ბათუმის ნავსადგურის პროფკავშირების თავმჯდომარე ამირან მიქელაძე აცხადებს, ტერმინალის თანამშრომლები ანაზღაურების გაზრდას მოითხოვენ. ამირან მიქელაძის თქმით, დარღვეულია შვებულების გამოყენების წესი, ამასთან, თანამშრომელთა დისკრიმინაცია ხორციელდება.
„უსაფრთხოების ნორმები ირღვევა, მაქსიმალურად ცდილობენ, რომ თითოეული თანამშრომელი ჯანმრთელობის ფასად ამუშაონ. ჩვენ კანონის ფარგლებში ვითხოვთ პირობების გაუმჯობესებას. ამის შესახებ შრომის ინსპექციამაც დადო დასკვნა",- აცხადებს ამირან მიქელაძე.