მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ლონდა თოლორაიამ საქმით დაამტკიცა, რომ მას შეუძლია დამოუკიდებელი გადაწყვეტილებების მიღება - სწორედ ეს არ აპატიეს" - ალექსანდრე ბარამიძე
19:16 / 26-12-2021
"ლონდა თოლორაიამ საქმით დაამტკიცა, რომ მას შეუძლია დამოუკიდებელი, სწორი და სამართლიანი გადაწყვეტილებების მიღება, მიუხედავად იმისა, რომ ხელისუფლებაში მყოფთ ეს შეიძლება ძალიან არ მოეწონოთ. სწორედ ეს არ აპატიეს. სწორედ იმიტომ ანადგურებენ სახელმწიფო ინსპექტორის ინსტიტუტს, რომ პირადად ლონდას გაუსწორონ ანგარიში"- ასე ეხმაურება სოციალურ ქსელში იუსტიციის მინისტრის ყოფილი მოადგილე ალექსანდრე ბარამიძე სახელმწიფო ინსპექტორის სამსახურის გაუქმების გადაწყვეტილებას.
როგორც ბარამიძე აღნიშნავს, დამოუკიდებელი საგამოძიებო მექანიზმის შექმნას დიდი ხნის განმავლობაში ითხოვდნენ დასავლელი პარტნიორები.
იუსტიციის სამინისტროში ბევრი ვიმუშავეთ იმისთვის, რომ ეს ინსტიტუტი შექმნილიყო. ცხადია, რომ მას ბევრი მოწინააღმდეგე ჰყავდა ე.წ. ძალოვან სტრუქტურებში და "ქართული ოცნების“ ანტილიბერალურ ნაწილში (მაშინ ჯერ არსებობდა ლიბერალური ნაწილიც). ბოლოს მაინც გაიმარჯვა ამ იდეამ. თუმცა, რატომღაც იმ პირობით, რომ ეს ინსტიტუტი პერსონალურ მონაცემთა ინსპექტორის ინსტიტუტს შეერთებოდა, რაც არ იყო მთლად სწორი იდეა, მაგრამ დამოუკიდებელი საგამოძიებო მექანიზმის შექმნა იმდენად საშური საქმე იყო, რომ ეს უცნაურობა დიდად საქმეს ვერ გააფუჭებდა.
ძალიან გამიხარდა, როდესაც გავიგე, რომ ამ ახალ გაერთიანებულ ინსტიტუტს უხელმძღვანელებდა ლონდა თოლორაია - ერთ-ერთი მაღალი კვალიფიკაციის პროფესიონალთაგანი, ვისაც კი ვიცნობდი პროკურატურაში.
კიდევ უფრო მოხარული დავრჩი, როდესაც ლონდამ საქმით დაამტკიცა, რომ მას შეუძლია დამოუკიდებელი, სწორი და სამართლიანი გადაწყვეტილებების მიღება, მიუხედავად იმისა, რომ ხელისუფლებაში მყოფთ ეს შეიძლება ძალიან არ მოეწონოთ. სწორედ ეს არ აპატიეს. სწორედ იმიტომ ანადგურებენ ამ ინსტიტუტს, რომ პირადად ლონდას გაუსწორონ ანგარიში. ეს ცხადზე უცხადესია. კი ცდილობენ ახსნან, რომ ორი სხვადასხვა ფუნქცია ერთ ინსტიტუტში არ უნდა იყოსო, ამას ენჯიოებიც ამბობდნენო, მაგრამ აქ სულელი არავინაა. მთავარი ის არის, რომ ახლა ლონდა და მისი აპარატი გაუშვან, თორემ მერე "შეცდომას" აღარ დაუშვებენ და გაყოფილ ინსტიტუტებში ორივეგან ისეთ "სანდო" კადრებს დანიშნავენ, რომელთაგან მხოლოდ უსიტყვო მორჩილებას მიიღებენ. "ოცნებამ" კიდევ ერთხელ დაამტკიცა, რომ მისთვის აკრძალული არაფერია. და რაც ასევე აღსანიშნავია, ამას აკეთებენ ისევ დაჩქარებული წესით - 2-3 დღეში, და ისევ ახალი წლის წინა დღეებში, როდესაც ჩვენი ფიქრები საახალწლო სუფრის ირგვლივ ტრიალებს“, - წერს ალექსანდრე ბარამიძე სოციალურ ქსელში.
ცნობისთვის, სახელმწიფო ინსპექტორის სამსახურის გაუქმება იგეგმება და ნაცვლად სპეციალური საგამოძიებო სამსახური და პერსონალურ მონაცემთა დაცვის სამსახური იქმნება. შესაბამისი საკანონმდებლო პაკეტი, რომელიც უმრავლესობის დეპუტატების მიერ მომზადდა, ინიცირებისთვის მზად არის და პარლამენტის ბიუროს ხვალ წარედგინება.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არაპროფესიონალებით დაკომპლექტებული უწყება, რომელმაც ის ვერ მოახერხა რომ საზოგადოების ცნობიერება აემაღლებინა და მოსახლეობას ნათელი სურათი ქონოდა თუ რას აკეთებენ საერთოდ, თუ რამეს აკეთებდნენ.თავისივე გასწორებულ კამერების რაკურსებზე ჯარიმა გამომიწერეს ,არაპროფესიონალი უმაქნისები რომ ყავდათ უწყებაში იმიტომ.
ძაან კი შინებიათ მაგისი, ძმოოო, ამ ხელისუფლებასა, გაიგულეს თუარა ჰე! ჰეყე-ჰეყე, რით დააშინა კაცო ასეეე? თავისი სიმართლითაა? ისე მაგ სიმართლით იააარეთ.