"ქართული ოცნების" პოლიტიკურ საბჭოს ორი წევრი დაემატა... " - ირაკლი კობახიძე
"ქართული ოცნების" პოლიტიკური საბჭოს ორი წევრი დაემატა, კერძოდ, ანრი ოხანაშვილი და ირაკლი ჩიქოვანი. ამის შესახებ "ქართული ოცნების“ თავმჯდომარემ ირაკლი კობახიძემ პარტიის ოფისში გამართულ ბრიფინგზე განაცხადა.
"პარტიის პოლიტიკურმა საბჭომ მიიღო გადაწყვეტილება პოლიტსაბჭოს შემადგენლობის გაძლიერების შესახებ. კერძოდ, პოლიტსაბჭოს შემადგენლობას დაემატება ჩვენი პოლიტიკური გუნდის ორი წევრი:
პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი და "ქართული ოცნების" საპარლამენტო ფრაქციის თავმჯდომარის მოადგილე და ზუგდიდის მაჟორიტარი დეპუტატი, ირაკლი ჩიქოვანი. წარმატებებს ვუსურვებ ანრის და ირაკლის“, - განაცხადა კობახიძემ.