მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ტექნოლოგიებში ქალთა როლის გასაძლიერებლად მთელი ქვეყნის მასშტაბით გადამზადების პროგრამა იწყება
17:56 / 22-12-2021
500 ქალი ტექნოლოგიებში - საქართველოში მასშტაბური გადამზადების პროექტი იწყება, რომლის პრეზენტაციაც BTU-მ პროექტის პარტნიორ ორგანიზაციებთან ერთად განახორციელა. ტექნოლოგიების სფეროში ქალთა როლის გაძლიერებისა და მეტი ჩართულობის უზრუნველყოფის მიზნით, გაეროს ქალთა ორგანიზაციისა და ნორვეგიის მთავრობის მხარდაჭერით, ბიზნესისა და ტექნოლოგიების უნივერსიტეტი, პროექტის მხარდამჭერ ორგანიზაციებთან ერთად, საქართველოს მასშტაბით, 500 ქალის გადამზადების პროგრამას იწყებს. გადამზადება ტექნოლოგიების სფეროში რამდენიმე მიმართულებით განხორციელდება. მათ შორის:
- Front-end დეველოპმენტი;
- Back-end დეველოპმენტი;
- UI/UX დიზაინი;
- გრაფიკული დიზაინი;
- ციფრული მარკეტინგი;
- ციფრული პროდუქტების ტესტირება;
მონაწილეებს შეარჩევენ როგორც თბილისიდან, ისე საქართველოს სხვადასხვა რეგიონიდან: კახეთი, ქვემო ქართლი, შიდა ქართლი, მცხეთა-მთიანეთი, სამცხე-ჯავახეთი, იმერეთი, რაჭა-ლეჩხუმი, ქვემო სვანეთი, აჭარა, გურია, სამეგრელო და ზემო სვანეთი.
გადამზადების ტექ-მოდულები ჩატარდება როგორც დამწყებებისთვის, ასევე მათთვის ვისაც აქვს გამოცდილება ტექნოლოგიების სფეროში, ტექ მოდულების გარდა, ჩატარდება ინგლისური ენის ინტენსიური კურსები და კარიერული ბუთქემფი, რომელიც შესძენს კანდიდატებს, ტექნოლოგიურ სფეროში სამუშაოს მოძიებისთვის საჭირო უნარ-ჩვევებს. ბუთქემფის ფორმატში, მონაწილეები გაივლიან ტრენინგებს ლიდერობის, გუნდური მუშაობის, კრიტიკული აზროვნების, მეწარმეობის, ბიზნეს კომუნიკაციისა და კარიერული დაგეგმვის მიმართულებით. მათთან ინტენსიურად იმუშავებენ ინდივიდუალური მენტორები, რომლებიც დაეხმარებიან კარიერულ განვითარებაში და შესაბამისი სამუშაოს მოძიებაში.
სირთულის მიხედვით დონეებად დაყოფილი კურსების გავლა მონაწილეებს საშუალებას მისცემს მაქსიმალურად მათზე მორგებული პროგრამით მიიღონ ცოდნა და დასაქმდნენ.
გადამზადების მნიშვნელობას პროექტში ჩართული პარტნიორი ორგანიზაციები აფასებენ:
"პროექტის მიზანია არამხოლოდ ქალების ცოდნის ამაღლება ტექნოლოგიების სფეროში, არამედ - მათი დასაქმება სხვადასხვა ადგილობრივ და საერთაშორისო IT კომპანიაში. ქალების გადამზადება ტექში, რა თქმა უნდა, ვერ დაამარცხებს იმ გამოწვევას, რაც არსებობს, დღესდღეობით ამ სფეროში, მაგრამ ეს არის ძალიან დიდი წინგადადგმული ნაბიჯი იმისთვის, რომ დავარწმუნოთ ქალები საკუთარ შესაძლებლობებში - მზარდი ტექნოლოგიური მიმართულებით მუშაობა და წარმატებული კარიერის შექმნა განხორციელებადი იდეაა“, - ნინო ენუქიძე, BTU-ს რექტორი.
„კომპანია Sweeft Digital-ი მუდმივად გამოთქვამს ინტერესს, რაც შეიძლება მეტი სტუდენტი დაასაქმოს სხვადასხვა მზარდი ტექნოლოგიური მიმართულებით. პროექტის „500 ქალი ტექში“ ფარგლებში ძალიან დიდი სურვილი გვაქვს, რომ ქალების საკმაოდ დიდი ნაწილი დავასაქმოთ, შემდეგ წელს ვგეგმავთ 150-ზე მეტი სტაჟიორის დასაქმებას. აქედან გამომდინარე, დიდი მხარდაჭერითა და ენთუზიაზმით ვერთვებით ამ პროექტში“, - ქეთო თოფურიძე, Sweeft Digital-ის მარკეტინგის სპეციალისტი.
“თავდაპირველად, როდესაც პროექტის შესახებ შევიტყვეთ, ძალიან გაგვიხარდა, რომ მსგავს ღონისძიებებში ჩართვის საშუალება მოგვეცა, გამოვყოთ ჩვენი კომპანიიდან რამდენიმე ადგილი სტაჟირებისთვის. ზოგადად, ჩვენი კომპანია იწყებს ახალ მიმართულებას Gamify და NFT პროექტების კუთხით, რაც საქართველოს ბაზრისთვის ახალია, და მოხარულები ვიქნებით, რომ შევიტანოთ ჩვენი წვლილი ქალების კარიერულ განვითარებაში“, - გიორგი ქუთათელაძე, მარკეტინგის დირექტორი, Sambrela.
პროექტის განხორციელებაში ერთვებიან საქართველოში არსებული მსხვილი ადგილობრივი და საერთაშორისო ორგანიზაციები, რომლებიც სხვადასხვა კომპონენტში გადაამზადებენ მონაწილეებს და ითანამშრომლებენ მათთან შემდგომი დასაქმების ხელშეწყობისთვის.
პარტნიორ კომპანიათა რიცხვი სისტემატიურად იზრდება, ამ ეტაპზე, პროექტის მხარდაჭერისთვის მზაობა გამოთქვეს ორგანიზაციებმა: GITA, თიბისი, Epam, Exadel, ExactPro, GeoSTQB, ნოქსტონი, b2c, Phubber, სამბრელა, Sweeft Digital, ციფრული ინდუსტრიის აკადემია, Travel Guide, Total Courage - Georgia, და სხვ..
კურსებზე რეგისტრაცია შეუძლიათ როგორც ტექნოლოგიების სფეროში გამოცდილ, ასევე გამოუცდელ ქალებს - 16 წლის ასაკიდან.
კურსებზე რეგისტრაცია მიმდინარეობს მითითებულ ბმულზე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
