მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სააკაშვილმა დაბადების დღეზე მისულ სტუმრებს შიმშილობა დააწყებინა" - არჩილ თალაკვაძე
13:10 / 22-12-2021
"სააკაშვილმა დაბადების დღეზე მისულ სტუმრებს შიმშილობა დააწყებინა - ცინიკურ დამოკიდებულებაზე მიუთითებს ის, რომ საკუთარი მხარდამჭერები ქუჩაში, საშიმშილოდ კარვებში დასვეს მაშინ, როცა დიდი, კეთილმოწყობილი ოფისი აქვთ", - ამის შესახებ ჟურნალისტებთან პარლამენტის ვიცე- სპიკერმა არჩილ თალაკვაძემ განაცხადა.
ამასთან, როგორც თალაკვაძე აღნიშნავს, სავარაუდოდ, "ნაციონალური მოძრაობის" შიგნით გარკვეული ბრძოლა მიმდინარეობს სააკაშვილსა და მელიას შორის და ამასთან კავშირშია საქართველოში თემურ ალასანიას ჩამოსვლაც.
"მსურს, ჯანმრთელობა ვუსურვო ყველა მოქალაქეს, მათ შორის მათაც, ვინც პროტესტს გამოხატავს. სააკაშვილის დავალება, რომ მისმა მხარდამჭერებმა იშიმშილონ, ვთვლი, რომ ეს არის მორიგი პროვოკაცია. დაბადების დღეზე მისულ სტუმრებს რომ შიმშილობას დააწყებინებ, ალბათ, ყველამ ვიცით, ეს რას ნიშნავს. რაც შეეხება შიმშილობის მოთხოვნას, წარმოუდგენელია, რომ ქვეყანაში ვინმემ ამ ფორმით მართლმსაჯულებას თავი დააღწიოს. როგორც ჩანს, "ნაციონალური მოძრაობის" შიგნით მიმდინარეობს ბრძოლა ნიკა მელიასა და გვარამია-სააკაშვილს შორის, ასე იკვეთება და ეს მეორე ჯგუფი ცდილობს, როგორმე ნიკა მელია ჩაანაცვლოს ან შეასუსტოს, რადგან ის პარტიის თავმჯდომარეა. ვიდრე სააკაშვილი პატიმრობაშია, ცხადია, ნიკა მელიას თანამდებობას და მის გავლენას პარტიაში საფრთხე არ ემუქრება. ამასთან, გარკვეულ კავშირში უნდა იყოს თემურ ალასანიას საქართველოში ჩამოსვლა, რომელიც რუსული სპეცსამსახურების თანამშრომელი გახლავთ და ასევე, ამასთან კავშირში უნდა იყოს ოპოზიციის მიერ მართული ტელევიზიების შიგნით ფინანსური კრიზისი და ის განცხადებები, რაც ტელევიზიების შიგნით კეთდება.
აშკარაა, რომ რუსული სპეცსამსახურების თანამშრომელი თემურ ალასანია საქართველოში კონკრეტული დავალებით, კონკრეტული ინსტრუქციით ჩამოვიდა და პარტიულ ტელევიზიებს დაემუქრა, რომ დაფინანსებას შეუწყვეტდა, თუ უფრო რადიკალურ მოქმედებებზე არ გადავიდოდნენ. მან იგივე ინსტრუქცია ჩამოიტანა "ნაციონალური მოძრაობის" ლიდერების მიმართ და სავარაუდოდ, სწორედ ამის შედეგია, რომ ალასანიას საქართველოდან წასვლის მეორე დღესვე დაიწყო შიმშილობა, რასაც ისინი შიმშილობას ეძახიან, სინამდვილეში, სააკაშვილმა დაბადების დღეზე მისულ სტუმრებს შიმშილობა დააწყებინა, რაც არის არა ლიდერობა, არამედ ეგოიზმი, როცა შენ ჰოსპიტალში ხარ, საუკეთესო სამედიცინო მომსახურებას იღებ და შენ მიმართ ყველა პირობა უზრუნველყოფილია, ხოლო ზამთარში, პანდემიის პერიოდში, საკუთარ მხარდამჭერებს შიმშილობისკენ მოუწოდებ, ეს არის ეგოიზმი და არა ლიდერობა. თუმცა ვიცოდით, როგორი ხელმძღვანელი იყო სააკაშვილი, მათ შორის, გორში, თვითმფრინავის გამოჩენაზე ის გაიქცა და თავისი ფრანგი კოლეგა მიატოვა. "ნაციონალური მოძრაობის" ლიდერების მხრიდან ცინიკურ დამოკიდებულებაზე მიუთითებს ის, რომ საკუთარი მხარდამჭერები ქუჩაში, საშიმშილოდ კარვებში დასვეს მაშინ, როცა დიდი, კეთილმოწყობილი ოფისი აქვთ,"- განაცხადა თალაკვაძემ.
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მიხომ-მე აქ ვიჯდე და მაგათ საცივი ჭამონ, ერთი გადატრიალება რომ ვერ მოახერხესო.
ყველა რომ ჭორაობთ .ხალხის მომავალზე ილაპარკეთ .ხმა რომ მოგცათ სამაგიეროდ საკეთილდღეოდ. რაღაცა შესუბუქება რაღაცაში ხომ უნდა იგძნონ.არა თქვენ ხალხი არაფერში გჭირდებათ.იმიტომ რომ არჩევნები გაყალბეთ როგორც ყოველთვის.ციხე შიგნიდან ტყდება.