მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ დააკავეს გერმანიაში გენერალი კალანდაძე და უკავშირდება თუ არა მომხდარი მეგის ქარდავას ბინაში ნაპოვნ ვიდეოჩანაწერებს?
20:23 / 20-12-2021
19 დეკემბერს გავრცელდა ინფორმაცია, რომ გერმანიაში, კერძოდ, ბერლინის აეროპორტში საქართველოს შეიარაღებული ძალების გენერალური შტაბის ყოფილი უფროსი გიორგი (გიგი) კალანდაძე დააკავეს. არსებული ინფორმაციით, ის ქართული მხარის მოთხოვნით დააკავეს.
გენერალი გიორგი კალანდაძე გენერალური შტაბის უფროსის თანამდებობას 2012 წელს იკავებდა. ის პირველად საქართველოში 2012 წლის 7 ნოემბერს, ხელისუფლების შეცვლის შემდეგ დააკავეს და სამსახურებრივი უფლებამოსილების გადამეტების მუხლით სამ საქმეზე წაუყენეს ბრალი. სასამართლომ გიგი კალანდაძე გაამართლა თავისუფლების უკანონო აღკვეთის და სამსახურებრივი უფლებამოსილების გადამეტების ეპიზოდებში, მაგრამ სააპელაციო სასამართლომ ის დამნაშავედ ცნო 2011 წლის ოქტომბერში ვაზიანის სამხედრო ბაზაზე თავისი ხელქვეითების"შეურაცხყოფაში“, როდესაც ის გენშტაბის უფროსის მოადგილე იყო.
სააპელაციო სასამართლომ დაადგინა, რომ კალანდაძეს სასჯელის სახედ უნდა განესაზღვროს სამხედრო პირის სამსახურებრივი შეზღუდვა 3 თვის ვადით, თუმცა 2012 წლის 28 დეკემბრის "ამნისტიის შესახებ‘‘ საქართველოს კანონის თანახმად, ის გათავისუფლდა დანიშნული სასჯელისაგან.
2015 წელს კი მთავარმა პროკურატურამ წამებისა და თავისუფლების უკანონო აღკვეთის ბრალდებით სისხლის სამართლის პასუხისგებაში მისცა თავდაცვის მინისტრის ყოფილი მოადგილე დავით ახალაია, გენშტაბის უფროსის ყოფილი მოადგილე გიგი კალანდაძე, სამხედრო პოლიციის დეპარტამენტის ყოფილი უფროსი მეგის ქარდავა და შსს კონსტიტუციური უსაფრთხოების დეპარტამენტის აფხაზეთის ა/რ მთავარი სამმართველოს ყოფილი უფროსი რომან შამათავა. საქმე შეეხებოდა ელბერტ კობერიძის წამების საქმეს, თუმცა ამ დროისთვის გიგი კალანდაძე უკრაინაში იმყოფებოდა უკვე. ის სწორედ 2015 წლიდან ცხოვრობდა და საქმიანობდა უკრაინაში - ახალწვეულებისაგან დაკომპლექტებული ცალკეული ქვედანაყოფებისა და ბრიგადის დონის შტაბების მომზადებას ხელმძღვანელობდა. გიგი კალანდაძის დაკავებასთან დაკავშირებით აქამდე საქართველოს და უკრაინის შესაბამის უწყებებს კომენტარი არ გაუკეთებიათ. გავრცელებული ინფორმაციით, კალანდაძემ გერმანიაში ჩააკითხა შვილს, რომელიც იქ სწავლობს და სწორედ ამ დროს დააკავეს.
ambebi.ge-ს სანდო წყარო ძალოვანი უწყებიდან უყვება, რომ გიგი კალანდაძის დაკავება მეგის ქარდავას ბინიდან ამოღებულ ვიდეოკადრებს უკავშირდება.
"კალანდაძეს ბრალად ედება სამხედრო პოლიციის შენობაში ელბერტ კობერიძის წამება, რომლისგანაც ტერორისტობის აღიარებას მოითხოვდნენ. საქმე იმაშია, რომ სამართალდამცველებმა მეგის ქარდავას ბინიდან ამოიღეს "ფლეშკა", რომელზეც გამოძიებამ მოიპოვა წამების ამსახველი კადრები, რომელშიც გიგი კალანდაძეც ფიგურირებს. როგორც ვიცი, ძალიან მძიმე კადრებია, იმდენად მძიმე, რომ, არ ვიცი, გამოაქვეყნებენ თუ არა საერთოდ. ვიდეოჩანაწერების მოპოვების შემდეგ, სამართალდამცველებმა ოპერატიული ინფორმაციის საფუძველზე მოითხოვეს გერმანიის მხარისგან მისი დაკავება. კალანდაძე იმ დროს დააკავეს გერმანიის აეროპორტში, როცა უკან, უკრაინაში ბრუნდებოდა. ფაქტია, მან არ იცოდა, რომ დააკავებდნენ, თორემ გერმანიაში არც ჩავიდოდა".
გიგი წერეთელი, პოლიტიკოსი:
"ნამდვილად არ ვიცი, რა მოხდა, გიგისთან ურთიერთობა არც მქონია. ვიცი, რომ ის ადრე დაკავებული იყო და ეჭვიც არ შემპარვია, რომ თავის დროზეც პოლიტიკური მოტივები იყო. მიმაჩნია, რომ ახლა ამ ადამიანის დაკავება ძალიან ბევრ კითხვას აღძრავს მაშინ, როცა რაღაც ეროვნულ თანხმობაზე და პოლიტიკური დევნის დასრულებაზეა ლაპარაკი. ადამიანი, წლებია, აქ აღარ არის, მას თავის დროზე ბრალი წაუყენეს, მაგრამ ვერ დაუმტკიცეს. ის უკრაინაშია და იქაც რაღაც ოფიციალურ სამსახურშია თავისი მიმართულებით. ახლა, როცა რუსეთთან ასეთი დაძაბული სიტუაციაა, ხან ცხელი ომია, ხან - ცივი უკრაინასთან მიმართებაში, ეს დაკავება, რა თქმა უნდა, კითხვის ნიშნებს აღძრავს, ვის ინტერესში უნდა იყოს მისი დაკავებ?. ასეთი ტიპის დევნა კარგად თუ არ არის დასაბუთებული, თუ არ ახლავს ბევრი მტკიცებულება, ყოველთვის იქნება პოლიტიკურად მოტივირებული საქმეების სიაში... ეს სამწუხარო რეალობაა, რომელიც გვაქვს საქართველოში და მარტო გიგი კალანდაძეს არ შეეხება, ბევრი მაგალითია ამისა. ვფიქრობ, კარგია სალომე ზურაბიშვილის ინიციატივა, მაგრამ თუ მხოლოდ საუბრად დარჩა, გინდ ყოფილა, გინდ - არა.
- ერთი ვერსიით,კალანდაძის დაკავება შესაძლოა, მეგის ქარდავას ბინაში ნაპოვნ ფაილებს უკავშირდებოდეს...
- გამორიცხვით ვერაფერს გამოვრიცხავ იმიტომ, რომ, არ ვიცი ეს საქმე. მე გიგის ახლოს არ ვიცნობ, მაგრამ რასაც ადრე ვხედავდი, მას მწამებლის ჰაბიტუსი ნამდვილად არ აქვს და რა გითხრათ? არის სამხედრო გენერლის ჩინით, იღებდა აქტიურ მონაწილეობას საქართველოს თავდაცვის საქმეში და ახლა უკრაინაშია. ამ ვითარებაში, როცა ქვეყანაში პოლიტიკურად მოტივირებული მართლმსაჯულება ერთ-ერთი დიდი გამოწვევაა, არ გამოვრიცხავ, აქ რამე პოლიტიკური ელემენტი იყოს. მათ თუ კონკრეტული მტკიცებულებები აქვთ, 9 თვე ჰყავდათ დაკავებული გიგი და მაშინ სად იყვნენ? არ მაქვს ის ინფორმაცია, რომ ქარდავასგან ამოიღეს კადრები, თქვენგან გავიგე პირველად. იმედია, ოფიციალურად დროულად განმარტავენ, რა ხდება... არ არის ჩვეულებრივი ამბავი, როცა გერმანიაში აკავებენ ქართველ გენერალს, რომელიც უკრაინის მოქალაქეა.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რით ვერ გაიგეს რომ მორჩა მაგათი პარადი. გაჩერებულიყვნენ, ეგებ დაგვიწყებოდა რაღაც-რაღაცეები, არა ვერ ისვენებენ, ჰოდა წერს აგერ ვიღაც - ნაციონალების ხროვაში ყველა სისხლის სამართლის დამნაშავეა
დასაჭერი იყო და დაიჭირეს მაგას ადამიანები ჰყავს ნაწამები ენით ვერ აღწერ. არაკაცი და სადისტი. მინიმუმ 15-წლიანზე უნდა გაუშვან.