მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სოციალური ქსელიდან ჩემი ძმის "პოსტი" გაქრა.." - რას ამბობს გაუჩინარებული ექსპერტის, რამაზ გერლიანის ძმა
18:13 / 20-12-2021
ავჭალის პოლიციის სამმართველოსთან ეკონომიკური ექსპერტის, რამაზ გერლიანის გაუჩინარებასთან დაკავშირებით საგამოძიებო მოქმედებები მიმდინარეობს.
ექსპერტ-კრიმინალისტები შესაბამის პროცედურებს გერლიანის ავტომობილს უტარებენ, რომელიც მან ავჭალის სამმართველოს წინ, სადგომზე დატოვა.
რამაზ გერლიანის ძმის განცხადებით, რჩება შთაბეჭდილება, რომ ძალოვანი სტრუქტურის წარმომადგენლები ხელს აფარებენ პოლიციელს, რომელიც მისი ძმის "ფეისბუქ“ პოსტში არის მითითებული.
მისივე ინფორმაციით, რამაზ გერლიანის განცხადება, რომელშიც ის შსს-ს თანამშრომელ გიორგი გოგნიაშვილს შანტაჟსა და კერძო საკუთრებაში შეჭრაში ადანაშაულებდა, სოციალური ქსელიდან გამქრალია, თუმცა უცნობია ვინ წაშალა.
"ახლა ვიმყოფები სამმართველოსთან, ჩემი ძმის მანქანაზე მუშაობენ ექსპერტ-კრიმინალისტები, ანაბეჭდებს იღებენ და სხვა პროცედურებს გადიან. მიმდინარეობს ოჯახის წევრების და ახლობლების დაკითხვა. მოქმედებები მიდის, მაგრამ მაინც მრჩება შთაბეჭდილება, რომ ხელს აფარებენ პოლიციელს, რომელიც ჩემი ძმის "პოსტში“ არის მითითებული. სოციალური ქსელიდან ჩემი ძმის პოსტიც გაქრა, თუ ამაში ძალოვანების ხელი ურევია, ესეც კიდევ ერთი დანაშაულია, ვერ გეტყვით ვინ წაშალა და ვისი ხელი ურევია“, - აღნიშნა რომანოზ გერლიანმა.
შეგახსენებთ, ახლობლების ინფორმაციით, ეკონომიკური ექსპერტი რამაზ გერლიანი გაურკვეველ ვითარებაში გაუჩინარდა.
რამაზ გერლიანმა გაუჩინარებამდე გუშინ დილით "ფეისბუქ“ პოსტი გამოაქვეყნა, რომელშიც შსს-ს თანამშრომელ გიორგი გოგნიაშვილს შანტაჟსა და კერძო საკუთრებაში შეჭრაში ადანაშაულებს.
გერლიანის ცნობით, სამართალდამცველი 14 ნოემბერს საკუთარ ბინაში შეიარაღებული დახვდა და ცრუ მოტივით დაკითხა, მისივე თქმით, აღნიშნულ ფაქტზე პოლიციის სამმართველოს 35 დღის წინ მიმართა, თუმცა პასუხი არ მიუღია.
"ამ ნაგავმა პოლიციელმა ჩემივე ყოფილი ოჯახის წევრის გამოყენებით მოახერხა, ჩემს კერძო საკუთრებაში, ჩემს სამუშაო და ჩემი შვილების სამყოფელ სივრცეში ვირთხასავით შემოღწევა. 14 ნოემბერს შეიარაღებული დამხვდა ჩემს ბინაში თავხედურად და ცრუ მოტივით დაკითხვა მომიწყო, მომაყენე შეურაცხყოფა, განადგურებული ვარ!
როგორც ჩანს, პოლიციის მუნდირის გამოყენებით აგროვებდა პერსონალურ ინფორმაციას, როგორც საპოლიციო სისტემით, ასევე სხვადასხვა საშუალებით, ჩემი და ჩემი ოჯახის წევრების შესახებ. სავარაუდოდ, მოქმედებს დავალება/დაკვეთით. საფუძვლიანია ეჭვია, რომ ჩემ მონაცემებს გადაცემდა/ყიდიდა მესამე პირზე (ებზე). არ არის გამორიცხული, რომ ჩემს მიმართ იყენებდა თვალთვალის, მიყურადების და კონტროლის სხვა სისტემებს...დამარცხება გინდოდათ, მე განადგურებული ვარ, დისკრედიტაცია გინდოდათ - ფსკერზე ვარ, ჩემზე ზეგავლენა და მართვა გინდოდათ - ვერ მიიღებთ.
კანონი დუმს. ჩემთვის ყველაფერი სულერთია. ისე ვარ, მინდა მეც დავდუმდე, ოღონდ სამუდამოდ“, - წერს რამაზ გერლიანი.
რამაზ გერლიანის საკითხთან დაკავშირებით შინაგან საქმეთა სამინისტროში კომენტარი ჯერჯერობით არ კეთდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
