მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საინტერესო ფაქტები ვაჟა-ფშაველას ცხოვრებიდან და სიახლე, რომელიც არ უნდა გამოტოვოთ
11:33 / 14-12-2021
ცნობილმა ქართველმა მწერალმა ლუკა რაზიკაშვილმა ფსევდონიმი ვაჟა-ფშაველა პეტერბურგში შეიძინა, სადაც 22 წლის ასაკში სწავლის გასაგრძელებლად გაემგზავრა. ხელმოკლეობის გამო ერთ წელიწადში უკანვე დაბრუნდა. ვაჟა-ფშაველა მას თუშმა მეგობარმა შეარქვა, რადგან ფშავ-ხევსურეთში „ვაჟა“ „კარგ ბიჭს“, „ვაჟკაცს“ ნიშნავდა.
ვაჟას წარმატება ილია ჭავჭავაძემ ჯერ კიდევ მაშინ იწინასწარმეტყველა, როცა მისი პირველი ნაწარმოები „შვლის ნუკრის ნაამბობი“ მოისმინა. აღფრთოვანებულ ილიას უთქვამს: „კოჭებზევე ეტყობა, რა ვაჟიკა იქნება, შორს წავა, შორს!“ ვაჟაც, როდესაც კი თბილისში წამოვიდოდა, თავის ნაწერებს ერთ ჭრელ ხურჯინში ჩააწყობდა და პირველად ილიასთან შეივლიდა, შემდეგ კი მისი შემოქმედება ქართული ჟურნალ-გაზეთების ფურცლებზე იბეჭდებოდა. ვაჟა-ფშაველას შემოქმედება ხალხს ძალიან უყვარდა. მას ხშირად იწვევდნენ ქუთაისში, გორში, ჭიათურასა და ფოთში.
„მთის არწივი“ (ასე მოიხსენიებდნენ მწერალს) 1888-იდან ჩარგალში ცხოვრობდა, სხვა გლეხებივით ხნავდა მიწას, უვლიდა საქონელს და ნადირობდა. მთის ხალხში დიდი გავლენით სარგებლობდა. იშვიათად ჩამოდიოდა ბარად. ფშაური ზამთრის გრძელ ღამეებში დაიწერა მისი გენიალური პოემები, მოთხრობები და ლექსები.
ქართველ პოეტთა შორის, ვაჟა-ფშაველა ყველაზე ღრმად ჩასწვდა ბუნების საიდუმლოებას. მისი პოეტური სტილი მკვეთრად გამოირჩევა მთელი XIX საუკუნის ფონზე. ვაჟა-ფშაველას პოეზიის ენა კამათის საგნად იქცა და მისი ენობრივი პოზიცია დაეჭვებას იწვევდა ჩვენს დროშიც. ვაჟა-ფშაველამ გააფართოვა ქართული პოეტური მეტყველების ჩარჩოები, კერძოდ, დიალექტური და ძველი ქართული ფორმების შემოტანით გაამდიდრა ლექსიკა.
ვაჟა თავის დაუსრულებელ ავტობიოგრაფიაში წერდა, რომ ხშირად ყოფილა შეყვარებული. ის ცნობილი თავადის, ოთარ ამილახვრის ოჯახში შინა მასწავლებლად მიიწვიეს. სწორედ აქ გაიცნო ამილახვრის უკანონო შვილი, დაქვრივებული კეკე და შეუყვარდა. კეკეს დედის გვარი - ნებიერიძე ჰქონდა, რადგან იმ პერიოდში, უკანონო ქორწინებაში დაბადებულ ბავშვებს არ ეძლეოდათ მამის გვარი. ვაჟას და კეკეს ოთხი შვილი შეეძინათ. კეკე მეხუთე შვილზე მშობიარობას გადაჰყვა.
ცოლის გარდაცვალების შემდეგ, ვაჟას ბავშვების აღზრდაში მისი ძმის ცოლი ეხმარებოდა, მაგრამ მწერალს მეორე ცოლის მოყვანას ყველა ურჩევდა. მეორე ცოლის მოყვანისას ვაჟამ ქალის მამას ხელშეკრულება დაუდო, სადაც ეწერა, რომ ქალი მას ხასად მოჰყავდა, მაგრამ ხასა არ ნიშნავდა საყვარელს. ვაჟა დააკვირდებოდა თამარს, როგორ გაართმევდა ის თავს შვილების და ოჯახის მოვლას და ამის შემდეგ გადაწყვეტდა მასზე დაქორწინებას.
ვაჟა-ფშაველას არასდროს შეეძლო ერთ საქმეზე კონცენტრირება. ლექსების წერის დროს ყოფით პრობლემებზე ფიქრობდა, ხოლო როცა მიწას ამუშავებდა, ხშირად ეწვეოდა მუზები. ბევრჯერ შუადღისას ხელიდან ბარი გაუგდია და ლექსი დაუწერია.
ვაჟა-ფშაველას ნაწერები პოეტის სიცოცხლეში ცალკე წიგნად იშვიათად იბეჭდებოდა. 1925-56 წლებში ალექსანდრე აბაშელის თაოსნობით გამოქვეყნდა მწერლის თხზულებათა ყველაზე სრულყოფილი კრებული შვიდ ტომად. ვაჟა-ფშაველას ნაწერები თარგმნილია რუსულ, ინგლისურ, ფრანგულ, გერმანულ და სხვა ენებზე.
20 დეკემბრიდან მკითხველს შესაძლებლობა ეძლევა შეაგროვოს ვაჟა-ფშაველას განსაკუთრებული გამოცემა ვაჟას ხელნაწერებით.
ახალი სერია გაზეთ „კვირის პალიტრასთან“ ერთად, სპეციალურ ფასად - 13.50 ლარად (გაზეთთან ერთად 15.50 ლ.) გაიყიდება. ოთხტომეული მოიცავს ლექსებს, მოთხრობებს, პოემებს და პუბლიცისტურ წერილებს და ეძღვნება მწერლის 160 წლის იუბილეს.
20 დეკემბრიდან წიგნის შეძენა შესაძლებელი იქნება ბიბლუსის მაღაზიათა ქსელში, პრესის გავრცელების ჯიხურებში ან საიტზე.
არ გაუშვათ ხელიდან შანსი, შეაგროვოთ ლეგენდარული ქართველი მწერლის შემოქმედება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენ დიდებას გაუმარჯოს.