"იგეგმებოდა ფსიქოტროპული მედიკამენტის დოზის გაზრდა დაახლოებით 10-ჯერ... მიხეილ სააკაშვილი სასამართლო პროცესზე დასწრებას ვერ შეძლებდა" - ნიკოლოზ ყიფშიძე
"გამოკვეთილია საერთო სისუსტე, არის არასტაბილურ სიტუაციაში, რაც ახასიათებს პოსტრავმულ სინდრომს და წამების შემდეგ მდგომარეობას და ეს არ არის კარგი." - ეს განცხადება ექსპრეზიდენტის პირადმა ექიმმა, ნიკოლოზ ყიფშიძემ გორის სამხედრო ჰოსპიტალში სააკაშვილის მონახულების შემდეგ გააკეთა.
ნიკოლოზ ყიფშიძის განმარტებით, ფსიქოტროპული მედიკამენტები, რომელსაც სააკაშვილს გორის სამხედრო ჰოსპიტალში ასმევდნენ, რუსთავის სასჯელაღსრულების დაწესებულებაში ყოფინსას ერთ-ერთმა ფსიქიატრმა დაუნიშნა. მისივე განმარტებით, სააკაშვილს რომ აღნიშნული მედიკამენტი იმ დოზით მიეღო, როგორც მას ექიმის მიერ ჰოქნდა განსაზღვრული, იგი სასამრთლო პროცესზე გამოსვლას ვერ შეძლებდა.
"დღეს ვესაუბრე მის პირად ექიმს ჰოლანდიაში და გავარკვიე, რომ სააკაშვილი იღებდა მხოლოდ ორ წამალს, რომელიც არ არის ფსიქოტროპული მედიკამენტები. წამალი, რომელსაც იგი იღებდა, არ არის ჰოლანდიელი ექიმის დანიშნულება, ეს დაინიშნა რუსთავის ციხეში. შევწყვიტეთ პარასკევს ამ მედიკამენტების მიღება, პირველი სასამართლოს წინ. იგეგმებოდა დოზის გაზრდა დაახლოებით 10-ჯერ, მე ვნახე ისტორია ჩემი თვალით. ეს მაღალი დოზა არ არის, მაგრამ საშუალოზე მეტი დოზაა და გამოიწვევდა უფრო სისუსტეს და უფრო მძიმე მდგომარეობას. ხუთშაბათს და პარასკევს აქ ვიყავი დიდი ხანი და ვგეგმავდი როგორ შეძლებდა ის სასამრთლოს წინაშე წარდგომას. ამ ვფიქრობდი, რომ ერთ საათზე მეტი ხნის განმავლობაში შეძლებდა გამოსვლას. ვფიქრობდით ნახევარ საათს."- აღნიშნა ნიკოლოზ ყიფშიძემ.
ჟურნალისტის კითხვაზე, რა შედეგს გამოიწვევდა წამლის დოზის იმ მითითებით გაზრდა, როგორც ეს მიხეილ სააკაშვილის სამედიცინო ისტორიაში იყო ჩანიშნული, ნიკოლოზ ყიფშძემ უპასუხა, რომ სააკაშვილი " ვერ გამოვიდოდა სასამართლო პროცესზე":
რაც შეეხება სააკაშვილის რუსთავის სასჯელაღსრულების დაწესებულებაში გადაყვანის საკითხს, ნიკოლოზ ყიფშიძის თქმით, ეს შეუძლებელია.
"შეუძლებელია რუსთავის ციხეში გადაყვანა. ამას არცერთი ექიმი არ მოაწერს ხელს. ასეთ ექიმს მე არ ვიცნობ არც საქართველოში, არც - უცხოეთში" - განაცხადა ნიკოლოზ ყიფშიძემ.