6
ივლისიდღის ზოგადი ასტროლოგიური პროგნოზი
საქართველოს მესამე პრეზიდენტის მიხეილ სააკაშვილის დედის, გიული ალასანიას განცხადებით, საქალაქო სასამართლოში დღეს ჩანიშნული მისი შვილის საქმე, ძალიან სასაცილოა.
ამის შესახებ მან ჟურნალისტებს საქალაქო სასამართლოსთან განუცხადა.
"ჩემი აზრით, ძალიან სასაცილო საქმეა. ყველა პრეზიდენტს, ყველა მაღალი თანამდებობის პირს ეკუთვნის, რომ ჰქონდეს ფული, რომელსაც გამოიყენებს ამ საქმიანობისთვის. რაზეა საუბარი? კაჩინსკის ყვავილები, ვაცლავ ჰაველისთვისაც, ასეთ რაღაცებზეა საქმე აღძრული“, - განაცხადა ალასანიამ.
ცნობისთვის, თანხების გაფლანგვის საქმეზე, რომელზეც საქართველოს ყოფილი პრეზიდენტი მიხეილ სააკაშვილია ბრალდებული, სხდომა თბილისის საქალაქო სასამართლოში დღეს გაიმართება. როგორც მისმა ადვოკატმა აღნიშნა, მიხეილ სააკაშვილი დღევანდელ პროცესზე წარმოთქვამს სიტყვას, რომლითაც ფარდა აეხდება პოლიტიკურ ბრალდებებს.
საქმის მასალებში შეტანილია ყველა ის ხარჯი, რაც უკანონოდ, საიდუმლო მუხლით გაიხარჯა. ნებისმიერი სისხლის სამართლის დანაშაულია, თუნდაც მცირე თანხა. მსგავსი რამ ევროპის რომელიმე ქვეყანაში მომხდარიყო, უმაღლესი თანამდებობის პირს ციხეში მაქსიმალური ვადით გაისტუნრებდნენ და სირცხვილით ხმის ამოღებასაც ვერ გაბედავდა. აქ კი, დედიკო და მისი მხარდამჭერები უმძიმესი დანაშაულის "გათეთრებას" ცდილობენ. დაფიქრდით მაინც, სპეციალური დაცვის სახელმწიფო სამსახურის საიდუმლო ხარჯებით პრეზიდენტი საყვარლებისთვის ძვირფას საჩუქრებს ყიდულობდა, დროს ატარებდა და პირადი სიამოვნებისთვის ხარჯავდა. სხვა რომ არაფერი დაეშავებინა, უმკაცრესად უნდა დაისაჯოს.
კი, ქალბატონო გიული, მართლა ძალიან სასაცილოა თქვენგან ამის მოსმენა. 🙄