"დემნა მონასტრისთვის ამზადებს?" -  "ბალენსიაგას" სამოსში გამოწყობილ ჯასტინ ბიბერს სასულიერო პირს ამსგავსებენ: გამოხმაურებები სოციალური ქსელიდან

Balenciaga-ს ახალი სარეკლამო კამპანიის ფარგლებში კიდევ ერთხელ გამოჩნდა მომღერალი ჯასტინ ბიბერი, რომელიც ბრენდის სახეა.

ჯასტინმა და ფრანგულმა მოდის სახლმა "ინსტაგრამზე“ ერთდროულად გამოაქვეყნეს ერთი და იგივე ფოტო.

"ეს მოდაა, ძვირფასო“, - წერს ბიბერი ფოტოს აღწერაში. როგორც ფოტოზე ხედავთ, ბიბერი ისეთ სამოსშია გამოწყობილი, რომელიც ძალიან ჰგავს, სასულიერო პირის ფორმას.

როგორც ჩანს, "ბალენსიაგას" კრეატიული დირექტორის, დემნა გვასალიასთვის ახალ კოლექციაზე მუშაობის დროს შთაგონების წყარო სასულიერო პირების სამოსი იყო.

ჯასტინისა და "ბალენსიაგას" კოლაბორაციას მედიაში დიდი გამოხმაურება მოჰყვა, სოციალურ ქსელებში კი მომღერალს "მამა ჯასტინი უწოდეს."

"მოძღვარი მაღალ მოდაში“,

"მამა ბიბერ."

"მონასტრიდან გაქცეულს ჰგავს.“

"თუ ბიბერი ბალენსიაგას ამ სამოსში მოგწონთ, შეიძლება ეკლესიაში დაგპატიჟოთ?", - ასე ეხმაურებიან ფანები კომენტარებში ჯასტინის ახალი ფოტოს.

ჯასტინის ფოტოს გამოხმაურებები მოჰყვა სოციალური ქსელის ქართველი მომხმარებლებისგანაც:

"სახეზე ეტყობა რომ ძალით ჩააცვეს."

"დემნამ ყველა გააშავა."

"დემნა მონასტრისთვის ამზადებს."

"შინაგანადაც უნდა გქონდეს გამოვლილი 90-იანების საქართველოს უშუქობა, უგაზობა, უპურობა, რომ გაკვდებოდეს ტანზე და რაღაცნაირად შენი იყოს" - წერენ სოციალურ ქსელში.