რის შეძენას შეძლებთ ახალ ინოვაციურ სავაჭრო სივრცე „მულტიში“?

10 ბრენდი, ათასობით განსხვავებული პროდუქტი და ერთი სალარო - ეს ინოვაციური სავაჭრო სივრცე „მულტია“, რომელიც თბილისში, ვაკის პარკის მიმდებარედ სამი კვირის წინ გაიხსნა.

„მულტი“ 1000 კმ/მ ფართობზეა განთავსებული და მისი გეგმარება მომხმარებელს პროდუქციის სწრაფად და კომფორტულად შეძენის საშუალებას აძლევს.

იმისათვის, რომ სტუმარმა როგორც საკვები, ისე საყოფაცხოვრებო, გასართობი თუ სასაჩუქრე პროდუქცია ერთ სივრცესა და მაქსიმალურად მოკლე დროში შეიძინოს და შოპინგის პროცესი კიდევ უფრო სასიამოვნო გახდეს, „მულტიმ“ პარტნიორობა დაიწყო ისეთ ცნობილ ბრენდებთან, როგორიც არის:

• სპარი
• სუფთა სახლი
• ფარმადეპო
• ნოსტე
• ბრიკორამა
• ბიბლუსი
• XS სათამაშოები
• ალკორიუმი
• ჩიზი
• კაფე პიატო

რას ნიშნავს პრემიუმ ხარისხის სერვისი „მულტისთვის“ და კიდევ რა განსხვავებულ მომსახურებას მიიღებს მომხმარებელი სავაჭრო ცენტრისგან, ამის შესახებ კომპანიის კომერციულ დირექტორს თამუნა როსტიაშვილს ვესაუბრეთ:

საინტერესოა, როგორ გაჩნდა „მულტის“ შექმნის იდეა და რას ეფუძნება მისი კონცეფცია?

პანდემიამ კიდევ უფრო წინ წამოსწია მოქნილი სერვისის საჭიროება. ასევე, დრო დღეს იმაზე უფრო ღირებულია, ვიდრე ოდესმე. სწორედ ამიტომ, გაჩნდა იდეა, შეგვექმნა მულტიფუნქციური სივრცე, სადაც შეიძენთ ყველაფერს, რაც ყოველდღიურად გჭირდებათ, იქნება ეს საკვები, მედიკამენტები, პარაფარმაცია, საყოფაცხოვრებო საშუალებები, საოჯახო ქიმია, წიგნები თუ საკანცელარიო ნივთები და სათამაშოები. ამის გათვალისწინებით გადავწყვიტეთ, შეგვექმნა „მულტი“, რომელიც იქნებოდა არასტანდარტული კონცეფციის მატარებელი. უფრო კონკრეტულად კი მომხმარებელს დროის დაზოგვის საშუალებას მისცემდა ერთი სალაროს პრინციპი, რაც წარმატებით განვახორციელეთ. გარდა ამისა, „მულტის“ სტუმრებს ვთავაზობთ „ვალეტ სერვისს“, რომლის მეშვეობით მომხმარებელი ზოგავს პარკინგის ძებნის დროს, ჩვენს წარმომადგენელს გადასცემს ავტომობილის გასაღებს და შემდეგ პირდაპირ ხვდება სავაჭრო სივრცეში სადაც წარმოდგენილია ყოველდღიურობისთვის საჭირო ყველა პროდუქტი. ვფიქრობ, ეს მომხმარებლისთვის დიდი კომფორტია.

საინტერესოა, როგორი უკუკავშირი მიიღეთ და რა მოლოდინები გაქვთ მომხმარებლისგან?

ჩვენი მომხმარებლები აღნიშნავენ, რომ მართლაც გამორჩეული სერვისი გვაქვს. კარგი და საინტერესო სიახლე ყოველთვის იპყრობს მათს ყურადღებას, „მულტი“ კი თავისი კონცეფციით ჩვენი ბაზრისთვის მართლაც ინოვაციური და გამორჩეულია.

„მულტი“ ქართველი მომხმარებლისთვის კარგად ცნობილ და აღიარებულ ბრენდებს აერთიანებს. როგორ დაიწყეთ მათთან პარტნიორობა და გაგვაცნობთ თუ არა ახალ ბრენდებსაც, რომლებიც ხარისხიან პროდუქციას შემოგვთავაზებენ?

ბრენდებმა, რომლებიც „მულტიშია“ წარმოდგენილი, მომხმარებლის აღიარება უკვე მოიპოვეს. ამასთან, ისინი პროდუქციის მრავალფეროვნებითა და ხარისხით გამოირჩევიან. ყველა მათგანი აქცენტს მომხმარებლის კმაყოფილებაზე აკეთებს.

გარდა ჩამოთვლილი ბრენდებისა, ჩვენს სივრცეში ექსკლუზიურად წარმოდგენილი იქნება უმაღლესი ხარისხის, ნატურალური ყველის რითეილერი კომპანია „ჩიზი“, რომელიც მომხმარებლისთვის უკვე კარგად არის ცნობილი.

არსებული ბრენდები ჩვენი მუდმივი პარტნიორებია, რომლებიც ყველა ფილიალში იქნება წარმოდგენილი, სამომავლო ლოკაციების ფართი თუ მოგვცემს ახალი კომპანიების შემოყვანის საშუალებას, რა თქმა უნდა, განვიხილავთ.

რა გამოწვევები აქვს დღეს რითეილის სექტორს და კონკრეტულად „მულტის“ და როგორ აპირებთ უპასუხოთ?

ბაზარი გვკარნახობს, თუ რაზეა მოთხოვნა და ჩვენც ფეხს ვუწყობთ. გამოწვევას წარმოადგენს უსაფრთხო გარემო და დროის დაზოგვის საკითხი, რაც, ვფიქრობ, რომ „მულტიმ“ შესაძლებლობად გამოიყენა. ჩვენ მაქსიმალურად ვიცავთ რეგულაციებს და მომხმარებელს ვთავაზობთ ყველაფერს, იმისათვის, რომ უსაფრთხოდ და კომფორტულად შეიძინონ პროდუქტები. გვაქვს თვითმომსახურების სალაროც, რომელსაც ჩვენი მომხმარებლები აქტიურად იყენებენ. შოპინგი მართლაც სასიამოვნო პროცესია და ვცდილობთ, ის კიდევ უფრო კომფორტული გავხადოთ.

საინტერესოა, აპირებთ თუ არა დანერგოთ დამატებითი სერვისები, რომლებიც სხვა რითეილერებისგან კიდევ უფრო გამოგარჩევთ?

დიახ, ვმუშაობთ ახალი სერვისების დანერგვაზე, რომლებსაც მომხმარებელს ეტაპობრივად შევთავაზებთ. ისინი ისარგებლებენ როგორც სტანდარტული მიტანის სერვისით, ასევე, სხვა სახის მომსახურებითაც. უფრო კონკრეტულად ჩვენთან მოსულ მომხმარებელს საშუალება ექნება, კაფე „პიატოში“ მშვიდად მიირთვას პრემიუმ ხარისხის იტალიურ ესპრესოზე დამზადებული ყავა ან უგემრიელესი კერძი, სასურველ საყიდლებს კი ჩვენი კონსულტანტი შეუგროვებს და გადასცემს.

გარდა ამისა, მომხმარებელს შეეძლება შეიძინოს ყველაფერი, რაც სურს, დაგვიტოვოს, თავის საქმეებზე წავიდეს და ჩვენ პროდუქციას სასურველ მისამართზე მივიტანთ. ვფიქრობ, ჩამოთვლილი სერვისები ჩვენს უპირატესობას წარმოადგენს.

რაც შეეხება სამომავლო გეგმებს, „მულტი“ გაფართოვდება და წარმოდგენილი იქნება როგორც თბილისის სხვა უბნებში, ისე რეგიონებში. აქვე მინდა აღვნიშნო, რომ გლდანში, ნანეიშვილის ქუჩაზე ფილიალი გავხსენით, რომელიც უკვე სრული დატვირთვით ფუნქციონირებს. ამასთან, კომპანიამ ორივე ფილიალში უკვე 65 ადამიანი დაასაქმა და ახალი სამუშაო ადგილების შექმნას ეტაპობრივად, ახალი ფილიალების შექმნასთან ერთად განაგრძობს.

NS