"შეცდომა, რომ ჩვენ ვერ შევქმენით დამოუკიდებელი სასამართლო, შეეხო ყველას, შემეხმო მეც" - მიხეილ სააკაშვილმა განაცხადა, რომ ის "საქართველოს სახელმწიფოს დამფუძნებელია"

თბილისის საქალაქო სასამართლოში, საკუთარ სასამართლო პროცესზე, მიხეილ სააკაშვილმა სასამართლო სისტემის შესახებ ისაუბრა. მან საზოგადოებას ბოდიში მოუხადა იმის გამო, რომ როგორც თავად თქვა, მისი ხელისუფლებაში ყოფნის პირობებში დამოუკიდებელი სასამართლოს შექმნა ვერ მოხერხდა.

"როდესაც მე ვყვები ჩვენს წარმატებებზე, მინდა ვთქვა, გვქონდა თუ არა ჩვენ შეცდომები - საკმარისზე მეტი! ბევრი ისეთი შეცდომა, რომელსაც ძალიან მწარედ ვნანობ, პირველ რიგში, ჩემი შეცდომაა ეს სასამართლო. ძალიან კარგად მახსოვს, ნიკა რურუასთან საუბარი 2011 წელს. ის მეუბნებოდა, თუ სასამართლოს არ მივეცით სრული დამოუკიდებლობა, თუ ადამიანს არ ექნება განცდა, რომ იგი სამართალს იპოვნის, ჩათვალე რომ ყველაფერი, რასაც ახლა ჩვენ ვაკეთებთ წყალში გადაყრილიაო. ნიკა ახლა არ არის ცოცხალი, მაგრამ მან ყველაფერი ზუსტად გამოიცნო. ის შეცდომა, რომ ჩვენ ვერ შევქმენით დამოუკიდებელი სასამართლო, შეეხო ყველას, შემეხმო მეც და ბოდიშს ვუხდი ყველას, ვისაც ეს შეცდომები შეეხო. მაგრამ შეცდომები და გაცდომები ერთია და დანაშაული - მეორე. მე ვარ მიხეილ სააკაშვილი და საქართველოს არ ჰყოლია დამნაშავე პრეზიდენტი, ყველა ქართველმა იცის, რომ საქართველოს სახელმწიფოს დამფუძნებელი არ შეიძლებოდა ყოფილიყო დამნაშავე. დამნაშავეები სახელმწიფოებს კი არ აშენებენ, არამედ ანგრევენ და ამის კლასიკურ მაგალითს ხედავთ ახლა თქვენ, როდესაც ბანდიტების ხელშია ჩავარდნილი ქვეყანა" - განაცხადა მიხეილ სააკაშვილმა.