მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ერთ-ერთ წერილში გრძელი წყევლა იყო ბოლო წინადადებით, "ფაიზერით" აცრისას ამოგხდეს სულიო" - რას წერს ექიმი ნანა გეგეჭკორი
09:47 / 28-11-2021
ამერიკის შეერთებულ შტატებში მომუშავე ქართველი ექიმი, ნანა გეგეჭკორი, რომელიც კორონავირუსის პანდემიის დაწყებიდან, სოციალურ ქსელში საზოგადოებას სხვადასხვა რეკომენდაციით მიმართავს, უზიარებს გამოცდილებას, აცნობს სიახლეებს ვირუსთან და მისი მკურნალობის მეთოდებთან დაკავშირებით, ამჯერად კიდევ ერთ პოსტს აქვეყნებს და წერს იმის შესახებ, თუ რა იწვევს კოვიდის კიდევ უფრო გავრცელებას და რამდენად მნიშვნელოვანია ვაქცინაცია, პირბადის ტარება და ჰიგიენის ნორმების დაცვა.
"პანდემიის დაწყების დღიდან ერთსა და იმავეს ვიმეორებ. რაც მეტად უგულებელვყოფთ პრევენციის წესებს, მეტი გავრცელების არეალს ვუქმნით ვირუსს. რაც უფრო მეტი ადამიანია ინფიცირებული, მით უფრო მეტად მრავლდება ვირუსი, გამრავლებისას კი უშვებს "შეცდომებს" ანუ ქმნის მუტაციას. მუტაციები, დიდწილად ვირუსის წინააღმდეგობასთან ადაპტირებას ემსახურება.
მუტაცია არასასურველ გარემოში გადარჩენას ასწავლის ვირუსს. ამიტომაც არ ვიღლებით წერით და საუბრით - აიცერით, დაიცავით დისტანცია, დაიბანეთ ხელ-პირი, პირბადე ნიკაპზე კი არა, ცხვირ-პირზე მოირგეთ.თქვენთვის, თქვენს გადასარჩენად ვამბობთ ამას, თორემ ჩვენ და ჩვენი საყვარელი ადამიანები პირველივე შესაძლებლობისთანავე ავიცერით და ნიღაბი არ მოგვიძვრია ცხვირ-პირიდან პანდემიის დაწყების დღიდან.
ასაცრელად მიმავალი ლიფტში, მესენჯერში დაგროვილ კითხვებს ვპასუხობდი. ერთ-ერთ წერილში გრძელი წყევლა იყო ბოლო წინადადებით, "ფაიზერით" აცრისას ამოგხდეს სულიო... ავტორს ფბ ეკლესია ჰქონდა გამართული და ლოზუნგად ეწერა - "მე მიყვარს ჩემი პატრიარქიო."
"ფაიზერით" ავიცერი აქედან სულ რამდენიმე წუთში. მეცნიერების წყალობით სული არ ამომხდა, ვერ მივანიჭე სიამოვნება ამ წერილის ავტორს. მიუხედავად წყევლის, ტალახში თრევის და ათასი საზიზღრობის რასაც ჩემზე წერთ, ჩემი ოჯახი კომენტარებში კითხულობს და განიცდის, მაინც გირჩევთ;აიცერით, თავს უშველეთ სანამ კოვიდ-სიკვდილის სტატისტიკის ნაწილი გამხდარხართ.
აიცერით + ატარეთ ნიღაბი ცხვირ-პირზე და არა ნიკაპზე + დაიცავით დისტანცია + დაიბანეთ ან გაისტერილეთ ხელები საეჭვო ზერაპირებზე შეხებისას + იზოლაციაში მოექეცით როგორც კი საეჭვო სიმპტომები გამოგივლინდებათ.
ეს ფორმულა არ მუშაობს რომელიმე მდგენელის ამოვარდნისას. ყველა წესის ერთდროულად დაცვაა საჭირო.და ბოლოს...სუფთად იცხოვრეთ და თქვენს ქმედებებს გონება მიაყოლეთო ამას გვასწავლის კორონავირუსი. უხერხულია უბრალოდ, კიდევ რომ შესახსენებელია ეს ამბავი", - წერს ნანა გეგეჭკორი.
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არც ოკეანის გაღმაა ისეთი სახარბიელო მდგომარეობა, რომ ვიღაცა გუშინდელმა დამთავრებულმა "ექიმმა" აქ მთელ მოსახლეობას ნოტაციები უკითხის...ან საერთოდ სად აქვს ამდენი დრო თუ მუშაობს საერთოდ...
წყევლა რა საკადრისია, მაგრამ მხარე ნამდვილად ხარ .