ფიზიკური დაპირისპირება ბათუმის საკრებულოში - „ნაციონალური მოძრაობის“ წევრები მოითხოვენ, რაულ თავართქილაძემ საკრებულოს შენობა დატოვოს, რადგან ის კოვიდინფიცირებულია
ბათუმის საკრებულოში, აჭარის უმაღლეს საბჭოში "ნაციონალური მოძრაობის“ წევრ ელგუჯა ბაგრატიონსა და საკრებულოს დამოუკიდებელ დეპუტატ რაულ თავართქილაძეს შორის ფიზიკური დაპირისპირებაა.
"ნაციონალური მოძრაობის“ წევრები მოითხოვენ, რაულ თავართქილაძემ საკრებულოს შენობა დაუყოვნებლივ დატოვოს, რადგან ის კოვიდინფიცირებულია.
ამასთან, "ნაციონალური მოძრაობის“ წევრის, ლევან ანთაძის თქმით, რაულ თავართქილაძე გუშინ ბიუროს სხდომაზეც გამოცხადდა, ამიტომ ბიუროს სხდომაზე მყოფი ყველა დეპუტატი თვითიზოლაციაში უნდა გადავიდეს.
ლევან ანთაძის თქმით, რაულ თავართქილაძე საკრებულოს სხდომაზე იმიტომ გამოჩნდა, რომ წინა მოწვევის საკრებულოსთან ერთად ბიუჯეტის დამტკიცებაში მიიღოს მონაწილეობა.
თავის მხრივ, რაულ თავართქილაძე აცხადებს, რომ ინფიცირებული არ არის და მას ამის დასადასტურებლად სწრაფი ანტიგენ ტესტი აქვს გაკეთებული. თავართქილაძის თქმით, მისი მეუღლე არის ინფიცირებულთან კონტაქტში მყოფი პირი და ამის გამო თვითიზოლაციაში იმყოფება.
რაულ თავართქილაძე ამბობს, რომ საზოგადოებისთვის საშიში არ არის.
პოლიცია ამ დროისთვის რაულ თავართქილაძეს ესაუბრება, რათა დაადგინოს მისი კოვიდტესტის სიზუსტე.