მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პირბადე დღეს ყველამ რომ ვატაროთ, მოსახლეობის 90%-95%-მა, მარტო ამით იანვრამდე დავზოგავთ კიდევ 200-300 ადამიანის სიცოცხლეს" - ამირან გამყრელიძე
15:42 / 24-11-2021
"პირბადე დღეს ყველამ რომ ვატაროთ, მოსახლეობის 90%-95%-მა, მარტო ამით იანვრამდე დავზოგავთ კიდევ 200-300 ადამიანის სიცოცხლეს" - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ განაცხადა.
მან ამასთანავე, აღნიშნა, რომ პანდემიის მართვა არ არის მხოლოდ იმ ადამიანების პასუხისმგებლობა, ვინც ამას მართავს, რადგან გამოცდილებამ აჩვენა, რომ ქვეყანაში ყველაზე კარგად ვირუსის გავრცელება მაშინ იმართებოდა, როდესაც საზოგადოება მაქსიმალურად სოლიდარული და დამყოლი იყო.
"ხარვეზები ყველაფერში არის. პანდემიის მართვა ეს არ არის მარტო იმ ადამიანების პასუხისმგებლობა, ვინც ამას მართავენ, აქ უნდა იყოს სერიოზული დამყოლობა. როდესაც დამყოლობა იყო უკეთესი, შარშან გაზაფხულზე, როდესაც ჩვენ ყველა ვიყავით ერთად, იყო დიდი სოლიდარობა ქვეყანაში პანდემიის მართვასთან დაკავშირებით და საზოგადოება ვიყავით ერთიანი, მაშინ პანდემია იმართებოდა.
სამწუხაროდ, ეპიდმაჩვენებლები გვიუარესდება ქვეყანაში, რაც არ არის კარგი. ის, რომ პირბადის ტარების მაჩვენებელი გვაქვს ძალიან დაბალი და აღსრულება არ არის, მე ამას ხშირად აღვნიშნავ და ეს არის ერთ-ერთი ხარვეზი. უნდა მოეთხოვოს პასუხი ყველას, ვინც აღსრულებაზეა პასუხისმგებელი, მაგრამ მე ხშირად გეუბნებით, მარტო შოლტის და მათრახის პრინციპი არ მუშაობს. უკვე 2 წელი გავიდა და უნდა გვესწავლა და ვისწავლოთ, რომ ეს უმარტივესი, რაც არის როგორმე ყველამ ვატაროთ. ჩვენ რომ ყველა ვიყოთ სოლიდარული და პირბადე დღეს ყველამ ვატაროთ, მოსახლეობის 90%-95%-მა, ჩვენ იანვრამდე დავზოგავთ კიდევ 200-300 ადამიანის სიცოცხლეს მარტო ამით. ხომ შეიძლება ეს შევიგნოთ, გავითავისოთ და გავაკეთოთ. მარტო ის, რომ მე თქვენ დაგადგეთ თავზე და გინდა თუ არა დაგაჯარიმოთ, დაგიჭიროთ, არ მუშაობს, ბატონო, ეს“, - განაცხადა ამირან გამყრელიძემ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საზგადოებრივი ტრანსპორტით ვმოძრაობ და ყველა პირბადეს ატარებს, ყველგან მარკეტებშიც, მოლებში, მეტრო ავტობუსებში, სამარშუტო ტაქსებში, ქუჩაში,სამსახურში, 99 % პირბადეს ატარებს. საიდან მოგაქვთ ეს მცდარი ციფრები.
თქვენი კი არა უფალი ქრისტე და მისი მოციქულების ქადაგებებს ვერ აცნობიერებდა ყველა მსმენელი. კატეგორიულად მოსთხოვეთ ხელისუფლებას რეგულაციების გაკონტროლება, წინაღმდეგ შემთხვევაში პროტესტის ნიშნად ღია განცხადებით დატოვეთ პოსტი. თქვენი ორ სკამზე ჯდომით გადაშენებისკენ მიდის ქვეყანა, ზეცისკენ არ იხედებით?