"ამე­რი­კი­დან კი ნუ გვე­დიდ­გუ­ლე­ბით, არა­მედ ჩა­მობ­რძან­დით აქ და ად­გილ­ზე შე­ე­ცა­დეთ იმა­ზე მეტი COVID ავად­მყო­ფი გა­და­არ­ჩი­ნოთ, ვიდ­რე ამას ჩვენ ვა­ხერ­ხებთ", - ასე მი­მარ­თავს ინ­ფექ­ცი­უ­რი სა­ა­ვად­მყო­ფოს გე­ნე­რა­ლუ­რი დი­რექ­ტო­რი თენ­გიზ ცერ­ცვა­ძე ამე­რი­კა­ში მცხოვ­რებ ქარ­თველ ექი­მებს ნანა გე­გეჭ­კორ­სა და ზუ­რაბ გუ­რულს.

თენ­გიზ ცერ­ცვა­ძე სო­ცი­ა­ლურ ქსელ­ში აღ­ნიშ­ნუ­ლი ექი­მე­ბის სა­ხელ­ზე ვრცელ წე­რილს აქ­ვეყ­ნებს სა­თა­უ­რით: "ქალ­ბა­ტონ ნანა გე­გეჭ­კორს და ბა­ტონ ზუ­რაბ გუ­რულს COVID-ის მარ­თვის და "ადა­მი­ა­ნო­ბის" თა­ო­ბა­ზე." ცერ­ცვა­ძე მათ ბოლო პე­რი­ოდ­ში გა­კე­თე­ბუ­ლი გან­ცხა­დე­ბე­ბის გამო აკ­რი­ტი­კებს.

გან­ცხა­დე­ბას უც­ვლე­ლად გთა­ვა­ზობთ.

"ამე­რი­კა­ში მცხოვ­რე­ბი ქარ­თვე­ლი ექი­მი ნანა გე­გეჭ­კო­რი თა­ვის პოს­ტში უკვე მე­რამ­დე­ნედ უაღ­რე­სად არა­კო­რექ­ტუ­ლად და ცი­ნი­კუ­რად მი­მარ­თავს სა­ქარ­თვე­ლოს მო­სახ­ლე­ო­ბას, კერ­ძოდ ის წერს - "იქ­ნებ ეს მა­ინც (რე­გე­ნე­რო­ნის მო­ნოკ­ლო­ნუ­რი ან­ტის­ხე­უ­ლე­ბი, თ.ც.) იქო­ნი­ოს სა­ქარ­თვე­ლომ, რომ ასე არ და­ხო­ცოს სა­კუ­თა­რი მო­სახ­ლე­ო­ბა (?! თ. ც.). ჩვენ (ამე­რი­კა­ში) უკვე დიდი ხა­ნია ვი­ყე­ნებთ რუ­ტი­ნუ­ლად. "იქ­ნებ მოს­თხო­ვოთ თქვენს მთავ­რო­ბას "სის­ხლი­ა­ნი ბა­ნე­რე­ბის" ნაც­ვლად სი­ცო­ცხლის გა­დარ­ჩე­ნა და­ა­ფი­ნან­სოს. და კი­დევ რაც მთა­ვა­რია, სი­ცო­ცხლეს­თან ერ­თად ადა­მი­ა­ნად დარ­ჩე­ნის სა­შუ­ა­ლე­ბა მოგ­ცეთ" (?! თ. ც.). ასე­ვე ამე­რი­კა­ში მცხოვ­რე­ბი მე­ო­რე ქარ­თვე­ლი ექი­მი ბ-ნი ზუ­რაბ გუ­რუ­ლი ნიშ­ნის მო­გე­ბით ამ­ბობს, რომ დღე­ში COVID-ით 100 კაცი გვიკ­ვდე­ბა (ტყუ­ი­ლი. თ. ც.) და რომ "ქარ­თუ­ლი COVID კლი­ნი­კე­ბი არ ცდი­ლო­ბენ პრო­აქ­ტი­უ­ლი ჩა­რე­ვით პრე­ვენ­ცი­უ­ლად აღ­კვე­თონ სი­ტუ­ა­ცი­ის დამ­ძი­მე­ბა და ცი­ტო­კი­ნუ­რი შტორ­მის­გან უკვე გა­ნად­გუ­რე­ბუ­ლი ფილ­ტვე­ბით ცდი­ლო­ბენ რე­ა­ნი­მა­ცი­ა­ში უშე­დე­გო ბრძო­ლას" (დიდი ტყუ­ი­ლი. თ. ც.).

ჩვენ პა­ტივს ვცემთ ქ-ნ ნა­ნას და მი­თუ­მე­ტეს ბ-ნ ზუ­რაბს მისი არა­ორ­დი­ნა­ლუ­რი (არა­მარ­ტო სა­ე­ქი­მო) ნი­ჭის გამო. მათი პო­ლი­ტი­კუ­რი გე­მოვ­ნე­ბაც მათი საქ­მეა, მაგ­რამ ვე­რაფ­რით ვერ მივ­ცემთ მათ ჩვე­ნი მო­სახ­ლე­ო­ბის და ექი­მე­ბის შე­უ­რა­ცხყო­ფის უფ­ლე­ბას მი­თუ­მე­ტეს, რომ მათი ინ­სი­ნუ­ა­ცი­ე­ბი და დე­მა­გო­გია სი­მარ­თლის­გან ძა­ლი­ან შორს არის. სა­ი­დან ამ­დე­ნი ღვარ­ძლი და ბოღ­მა?

ქ-ნო ნანა და ბ-ნო ზუ­რაბ. რა­ტომ მი­მარ­თავთ ასე­თი ღვარ­ძლით და ნიშ­ნის მო­გე­ბით სა­კუ­თარ სამ­შობ­ლოს? იმის­თვის, რომ მას არა აქვს ისე­თი მა­ტე­რი­ა­ლუ­რი შე­საძ­ლებ­ლო­ბე­ბი, რო­გო­რიც 21 ტრი­ლი­ო­ნი დო­ლა­რი GDP-ის მქო­ნე მსოფ­ლი­ო­ში უმ­დიდ­რეს და უძ­ლი­ე­რეს ამე­რი­კას? თქვენ მარ­თლა ხომ არ გგო­ნი­ათ, რომ ამე­რი­კის და მისი მე­დი­ცი­ნის ძლი­ე­რე­ბა­ში რა­ი­მე წვლი­ლი მი­გი­ძღვით. თუ რამე მარ­თლა შე­გიძ­ლი­ათ, ან რა­ი­მე ჩვენ­ზე მეტი იცით, ამე­რი­კი­დან კი ნუ გვე­დიდ­გუ­ლე­ბით, არა­მედ ჩა­მობ­რძან­დით აქ და ად­გილ­ზე შე­ე­ცა­დეთ იმა­ზე მეტი COVID ავად­მყო­ფი გა­და­არ­ჩი­ნოთ, ვიდ­რე ამას ჩვენ ვა­ხერ­ხებთ”, - წერს თენ­გიზ ცერ­ცვა­ძე.

თენ­გიზ ცერ­ცვა­ძის გან­ცხა­დე­ბით, ბოლო პე­რი­ოდ­ში სა­ქარ­თვე­ლო ნამ­დვი­ლა­დაა გარ­დაც­ვლილ­თა რა­ო­დე­ნო­ბით მსოფ­ლი­ო­ში ერთ-ერთი პირ­ვე­ლი, თუმ­ცა ეს არა­სა­თა­ნა­დო კლი­ნი­კუ­რი მარ­თვი­სა და მე­დი­კა­მენ­ტე­ბის არ ქო­ნის გამო არ ხდე­ბა.

მისი თქმით, ამის მი­ზე­ზე­ბი ვაქ­ცი­ნა­ცი­ის და­ბა­ლი მოც­ვა, პირ­ბა­დე­ე­ბი მოხ­მა­რე­ბის და­ბა­ლი მაჩ­ვე­ნე­ბე­ლი და ხალ­ხმრა­ვა­ლი აქ­ცი­ე­ბია.

"ახლა რაც შე­ე­ხე­ბა ფაქ­ტებს. სი­მარ­თლე ასე­თია:

სამ­წუ­ხა­როდ, ბოლო პე­რი­ოდ­ში სა­ქარ­თვე­ლო ახა­ლი COVID შემ­თხვე­ვე­ბის და შე­სა­ბა­მი­სად გარ­დაც­ვლილ­თა რა­ო­დე­ნო­ბით ნამ­დვი­ლად არის ერთ-ერთი პირ­ვე­ლი მსოფ­ლი­ო­ში, მაგ­რამ ეს არამც და არამც არ ხდე­ბა მე­დი­კა­მენ­ტე­ბის არ­ქო­ნის და/ან არა­სა­თა­ნა­დო კლი­ნი­კუ­რი მარ­თვის გამო, არა­მედ სულ სხვა მი­ზე­ზე­ბია - ვაქ­ცი­ნა­ცი­ით ძა­ლი­ან და­ბა­ლი მოც­ვა, პირ­ბა­დე­ე­ბის ძა­ლი­ან და­ბა­ლი მოხ­მა­რე­ბა და პერ­მა­ნენ­ტუ­ლი, ძა­ლი­ან ხალ­ხმრა­ვა­ლი პო­ლი­ტი­კუ­რად მო­ტი­ვი­რე­ბუ­ლი აქ­ცი­ე­ბი, რა­საც სამ­წუ­ხა­როდ, თქვენც ახა­ლი­სებთ.

უნდა იცო­დეთ, რომ სა­ქარ­თვე­ლოს კარ­გა ხა­ნია შე­მო­ტა­ნი­ლი აქვს ორი სხვა­დას­ხვა მწარ­მო­ებ­ლის "Regeneron/Roche"-ის და "Eli Lilly"-ის მო­ნოკ­ლო­ნუ­რი ან­ტის­ხე­უ­ლე­ბი და მათ ვი­ყე­ნებთ რო­გორც ამ­ბუ­ლა­ტო­რი­უ­ლი (ბი­ნა­ზე დარ­ჩე­ნი­ლი), ისე ჰოს­პი­ტა­ლი­ზე­ბუ­ლი COVID ავად­მყო­ფე­ბის (გან­სხვა­ვე­ბუ­ლი, უფრო მა­ღა­ლი დო­ზე­ბით) სამ­კურ­ნა­ლოდ ბრი­ტა­ნე­თის მიერ ა.წ. ივ­ნის­ში და­დე­ბუ­ლი ძა­ლი­ან სე­რი­ო­ზუ­ლი კვლე­ვის შე­დე­გე­ბის და NHS-ის რე­კო­მენ­და­ცი­ის გათ­ვა­ლის­წი­ნე­ბით. რამ­დე­ნა­დაც ვი­ცით, თქვენ­თან ამე­რი­კა­შიც კი ჯერ ამ ან­ტის­ხე­უ­ლებს ჰოს­პი­ტა­ლი­ზე­ბულ პა­ცი­ენ­ტებ­ში (კლი­ნი­კებ­ში) არ იყე­ნებთ, რად­გან FDA-ის რე­კო­მენ­და­ცი­ას ელო­დე­ბით. ეს ისე ცნო­ბის­თვის, თქვე­ნი ტყუ­ი­ლე­ბის პა­სუ­ხად. რაც შე­ე­ხე­ბა "ადა­მი­ა­ნად დარ­ჩე­ნას" - ნამ­დვი­ლად არ გვგო­ნია, რომ ეს თქვენ­გან შე­იძ­ლე­ბა გვეს­წავ­ლე­ბო­დეს. ყვე­ლამ თა­ვის ადა­მი­ა­ნო­ბას მი­ხე­დოს.

ბ-ნო ზუ­რაბ! რა­ტომ გე­ცო­ტა­ვე­ბათ სა­ქარ­თვე­ლო­ში დღე­ში 49,08 COVID გარ­დაც­ვლი­ლი (სა­შუ­ა­ლოდ ოქ­ტომ­ბერ-ნო­ემ­ბერ­ში) და რა­ტომ გინ­დათ მა­ინც და მა­ინც 100 იყოს? ან სა­ი­დან მო­ი­ტა­ნეთ ეს დიდი ტყუ­ი­ლი ქარ­თუ­ლი COVID კლი­ნი­კე­ბის შე­სა­ხებ. რა იცით იქ რო­გორ მკურ­ნა­ლო­ბენ, რო­მე­ლი­მე მათ­გან­ში ცალი თვა­ლით მა­ინც შე­გი­ხე­დავთ? სი­ნამ­დვი­ლე­ში ჩვენს კლი­ნი­კებ­ში გა­ცი­ლე­ბით ადრე და­ვი­წყეთ მულ­ტი­დის­ციპ­ლი­ნუ­რი მიდ­გო­მე­ბიც და პრო­აქ­ტი­უ­რი მკურ­ნა­ლო­ბაც, ვიდ­რე თქვენ ამე­რი­კა­ში. სწო­რედ ამი­ტომ ჰყავ­და ვაქ­ცი­ნა­ცი­ის და­წყე­ბამ­დე სა­ქარ­თვე­ლოს ამე­რი­კა­სა და ევ­რო­პის უმე­ტეს ქვეყ­ნებ­ზე გა­ცი­ლე­ბით ნაკ­ლე­ბი გარ­დაც­ვლი­ლი და მხო­ლოდ სრუ­ლად ვაქ­ცი­ნა­ცი­ის (და არა უკე­თე­სი კლი­ნი­კუ­რი მარ­თვის) შემ­დეგ გა­მო­ი­ხე­დეთ თვალ­ში. დღეს ჩვენს კლი­ნი­კებ­ში აქ­ტი­უ­რად და ძა­ლი­ან წარ­მა­ტე­ბუ­ლად ვი­ყე­ნებთ სწო­რედ პრო­აქ­ტი­ურ მე­თო­დებს და პრაქ­ტი­კუ­ლად ყვე­ლა თა­ნა­მედ­რო­ვე მე­დი­კა­მენ­ტებს და მიდ­გო­მებს (რემ­დე­სი­ვი­რი, ბა­რი­ცი­ტი­ნი­ბი, ტო­ცი­ლი­ზუ­მა­ბი, მო­ნოკ­ლო­ნუ­რი ან­ტის­ხე­უ­ლე­ბი, სის­ხლის ექ­სტრა­კორ­პო­რუ­ლი გაწ­მენ­და სხვა­დას­ხვა ფილტრე­ბი­სა და სორ­ბენ­ტე­ბის გა­მო­ყე­ნე­ბით და სხვ.) და თუ COVID ავად­მყო­ფი დრო­უ­ლად შე­მო­ვა კლი­ნი­კა­ში, ისი­ნი რე­ა­ნი­მა­ცი­ა­ში ძა­ლი­ან იშ­ვი­ა­თად ხვდე­ბი­ან. რე­ა­ნი­მა­ცი­ა­ში ხვდე­ბი­ან მხო­ლოდ დაგ­ვი­ა­ნე­ბით შე­მო­სუ­ლი პა­ცი­ენ­ტე­ბი და ისიც ძი­რი­თა­დად არა­ვაქ­ცი­ნი­რე­ბუ­ლი. აი, და­ბა­ლი ვაქ­ცი­ნა­ცია (მთლი­ა­ნი მო­სახ­ლე­ო­ბის მხო­ლოდ 25%) ნამ­დვი­ლად არის ჩვე­ნი სუს­ტი ად­გი­ლი და ამას გარ­კვე­ულ­წი­ლად ქ-ნი ნა­ნას არა­კო­რექ­ტულ­მა გა­მო­ნათ­ქვა­მებ­მაც შე­უ­წყო ხელი, რო­მე­ლიც ა.წ. აპ­რილ­ში აცხა­დებ­და, რომ სა­ქარ­თვე­ლოს "არ აქვს უნა­რი ვაქ­ცი­ნა­ცი­ის მარ­ტი­ვი გარ­თუ­ლე­ბე­ბი უპ­რობ­ლე­მოდ მარ­თოს" და "მისი (ქ-ნ ნა­ნას. თ.ც.) სი­ცო­ცხლე ქარ­თულ ჯან­დაც­ვის სის­ტე­მას რომ ება­როს, თავს და­უც­ვე­ლად ვერ იგ­რძნობ­და". არა­და, სა­ქარ­თვე­ლო­ში მო­სახ­ლე­ო­ბის სა­უ­კე­თე­სო COVID ვაქ­ცი­ნე­ბით ვაქ­ცი­ნა­ცი­ის­თვის პრაქ­ტი­კუ­ლად იდე­ა­ლუ­რი პი­რო­ბე­ბია შექ­მნი­ლი და 2 მი­ლი­ონ­ზე მეტი ვაქ­ცი­ნა­ცი­ი­დან მძი­მე გარ­თუ­ლე­ბით მხო­ლოდ ერთი შემ­თხვე­ვა დას­რულ­და.

ახლა ის ფაქ­ტე­ბი, რომ­ლის მოს­მე­ნაც თქვენ ყვე­ლა­ზე მე­ტად არ გიყ­ვართ.

თქვენ კარ­გად იცით, რომ COVID ავად­მყო­ფე­ბის კლი­ნი­კუ­რი მარ­თვის (და არა მთლი­ა­ნად პან­დე­მი­ის მარ­თვის) ხა­რის­ხის ერ­თა­დერ­თი ობი­ექ­ტუ­რი კრი­ტე­რი­უ­მია ყვე­ლა და­დას­ტუ­რე­ბუ­ლი შემ­თვე­ვი­დან გარ­დაც­ვა­ლე­ბის პრო­ცენ­ტი - ე.წ. CFR (case fatality rate). ისიც კარ­გად იცით, რომ ვაქ­ცი­ნა­ცია COVID სიკ­ვდი­ლო­ბას სულ ცოტა 10-ჯერ მა­ინც ამ­ცი­რებს და ამის მი­უ­ხე­და­ვად სრუ­ლად ვაქ­ცი­ნი­რე­ბულ ამე­რი­კა­ში მთლი­ა­ნი პან­დე­მი­ის მან­ძილ­ზე 48 558 229 COVID ავად­მყო­ფი­დან 793 539 ავად­მყო­ფი მო­გიკ­ვდათ (CFR-1.63%). მა­შინ, რო­დე­საც არა­ვაქ­ცი­ნი­რე­ბულ სა­ქარ­თვე­ლო­ში 812 246 COVID ავად­მყო­ფი­დან გარ­და­იც­ვა­ლა 11 498 ავად­მყო­ფი (CFR-1.42%). უფრო მე­ტიც - ჩვენ­თვის ყვე­ლა­ზე მძი­მე ა.წ. ოქ­ტომ­ბერ-ნო­ემ­ბერ­ში ამე­რი­კა­ში 4 270 281 COVID ავად­მყო­ფი­დან 76 488 ავად­მყო­ფი მო­გიკ­ვდათ (CFR - 1.79%), ხოლო სა­ქარ­თვე­ლო­ში ამა­ვე ოქ­ტომ­ბერ-ნო­ემ­ბერ­ში 199 234 COVID ავად­მყო­ფი­დან 2522 ავად­მყო­ფი გარ­და­იც­ვა­ლა (CFR – 1.27%). ანუ, სხვა სი­ტყვე­ბით რომ ვთქვათ- დღე­საც კი არა­ვაქ­ცი­ნი­რე­ბულ სა­ქარ­თვე­ლო­ში ყო­ვე­ლი 100 COVID ავად­მყო­ფი­დან მეტი ავად­მყო­ფის გა­დარ­ჩე­ნა ხერ­ხდე­ბა, ვიდ­რე შე­უ­და­რებ­ლად უფრო მდი­დარ და ძლი­ე­რი ჯან­დაც­ვის მქო­ნე და თან სრუ­ლად ვაქ­ცი­ნი­რე­ბულ ამე­რი­კა­ში. მეს­მის, რომ ამის აღი­ა­რე­ბა ცო­ცხა­ლი თა­ვით არ გინ­დათ, მაგ­რამ ერთხელ მა­ინც იყა­ვით გულ­წრფე­ლი და თქვით, ეს ფაქ­ტი (რო­მელ­საც წყა­ლი არ გა­უ­ვა) სა­ქარ­თვე­ლო­ში COVID-ის კარგ კლი­ნი­კურ მარ­თვა­ზე მი­უ­თი­თებს, თუ ცუდ­ზე? მე ამას მხო­ლოდ იმი­ტომ ვწერ, რომ კი­დევ ერთხელ შე­გახ­სე­ნოთ, რომ სა­ქარ­თვე­ლო­ში მა­ღა­ლი COVID სიკ­ვდი­ლო­ბის მი­ზე­ზი არამც და არამც არ არის კლი­ნი­კუ­რი მარ­თვის არა­სა­თა­ნა­დო ხა­რის­ხი და ამ თე­მა­ზე სპე­კუ­ლა­ცი­ებს ვერ და­ვუშ­ვებთ.

აი, ასე­თია სი­ნამ­დვი­ლე სა­ქარ­თვე­ლო­ში COVID-ის კლი­ნი­კუ­რი მარ­თვის ხა­რის­ხის თა­ო­ბა­ზე და თუ არ გვე­თან­ხმე­ბით, დაგ­ვიმ­ტკი­ცეთ ციფ­რე­ბით და მაჩ­ვე­ნებ­ლე­ბით და არა ნიშ­ნის მო­გე­ბით, ბოღ­მით, ქი­ლი­კით და შე­უ­რა­ცხყო­ფით ან კი­დევ იმ ბა­ნა­ლუ­რი ფრა­ზით - "რო­გორ ვბე­დავთ ამე­რი­კას­თან შე­და­რე­ბას", - წერს თენ­გიზ ცერ­ცვა­ძე.