პარტია "ევროპული საქართველოს" წევრი, პროფესიით ექიმი ვახტანგ კალოიანი მიიჩნევს, რომ "ქართული ოცნების" ლიდერები და "ნაციონალური მოძრაობის" მხარდამჭერები ექიმებზე ზეწოლას ახდნენ. კალოიანის შეფასებით, ისინი აიძულებენ ექიმებს, "მიიღონ კონიუნქტურული გადაწყვეტილება". ამის შესახებ ოპოზიციონერი პოლიტიკოსი სოციალურ ქსელში წერს.
"პოლიტიკა საკმაოდ ზუსტი მეცნიერებაა, მასში ძალიან ბევრი ცვლადია და ყველა გაზომვადია. ცვლადებზე თვალის დახუჭვა გაყალბება სახიფათოა, რადგან ბოლოს არასწორ პასუხს მივიღებთ.რეალობისთვის თვალის გასწორების, პროფესიული, პატიოსანი ანალიზის გარეშე ვერ მივაღწევთ ჩვენს საერთო ეროვნულ ამოცანას. პატიოსან ექიმებზე თავდასხმა, მოთხოვნა თვალი დახუჭონ რეალურ ფაქტებზე და მიიღონ კონიუნქტურული გადაწყვეტილება, "ქართული ოცნების" ლიდერების და "ნაციონალური მოძრაობის" მხარდამჭერებისგან ძალიან სახიფათო პროცესია. იგი კიდევ უფრო გვაცილებს ჩვენს საერთო ეროვნულ მიზანს - თავისუფალი საზოგადოების შექმნას. მოვუწოდებ ორივე მხარეს შეწყვიტონ თავდასხმა ექიმებზე და მისცენ მათ პროფესიული მოვალეობის შეუფერხებლად შესრულების საშუალება." - წერს კალოიანი.
