მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ლიკას ქმარი ვერაფრით წყნარდებოდა. ამ დროს ჩვენ გათოშილები ვიყავით, რა დროს სიყვარული იყო?!" - რას ჰყვებიან "არგონავტებზე", რომელშიც მთავარ როლებს ლიკა ქავჟარაძე და ზურა ყიფშიძე ასრულებენ
14:13 / 19-11-2021
საქართველოში ძალიან ცოტამ თუ იცის მიუზიკლ "არგონავტების" შესახებ...
მიუზიკლის დამდგმელი რეჟისორია ევგენი გინზბურგი, სცენარისტები - ჯემალ ბაღაშვილი, ევგენი გინზბურგი, დამდგმელი მხატვარი - ირაკლი ყიფშიძე, კომპოზიტორი - ალექსანდრე ბასილაია... მონაწილეობდნენ: ზურაბ ყიფშიძე (იაზონი), ლიკა ქავჟარაძე (მედეა), სერგეი შაკუროვი (დიოგენე, მოხუცი, ჩიტი), ალექსანდრ აბდულოვი (შალომი), თეიმურაზ წიკლაური (აეტი), რომან რცხილაძე (ჰერაკლე), ნუგზარ კვაშალი (ორფეოსი), ჯემალ ბაღაშვილი (ლაერტი), იგორ რუხი (კასტორი), ლეონიდ იარმოლნიკი (ტიფისი), ვახტანგ ტატიშვილი (არგი), ალექსანდრე ბასილაია (ამიკი), ანრი ბასილაია (გილასი)...
ფილმად გადაღებული მიუზიკლის რუსულენოვანი ვერსია ინტერნეტშიც იძებნება.
ჯემალ ბაღაშვილი:
- "არგონავტები" ჩვენი მეორე მიუზიკლი იყო, რუსეთის ცენტრალური ტელევიზიის სურვილით გადავიღეთ... პირველი მიუზიკლი იყო "ჩხიკვთა ქორწილი", რომელსაც უდიდესი პოპულარობა ხვდა წილად და დღესაც დიდი წარმატებით აჩვენებენ.
"არგონავტები" ცნობილმა რუსმა რეჟისორმა, ჩვენმა მეგობარმა, ევგენი გინზბურგმა გადაიღო. რადგან მიუზიკლი რუსეთის ცენტრალურ არხზე გადიოდა და მათ შორის საზღვარგარეთაც, გადაწყდა, რომ წამყვან როლებზე გამორჩეული მსახიობები შერჩეულიყვნენ. ასეთი იყო იასონის როლზე ზურა ყიფშიძე და, რაღა თქმა უნდა, მედეას როლზე, ვინ, თუ არა ლიკა ქავჟარაძე?! ლიკა უკვე ჩამოყალიბებული მსახიობი იყო და მის გარეგნობაზე ხომ აღარ არის საუბარი. ლიკას თვითონაც ძალიან მოსწონდა მედეას როლი და სიხარულით დათანხმდა ჩვენს შეთავაზებას.
ლიკა პირველად ეკრანზე სწორედ ჩვენს ტელეფილმში, "ივერია, სიყვარული და..." გამოჩნდა. შესაბამისად, ჩვენი შვილობილივით იყო, ვგიჟდებოდით ყველა, იმდენად გვიყვარდა. ღვთაებრივად ლამაზი იყო. დიდი წარმატებაც ხვდა წილად, ყველა აღნიშნავდა მის განსახიერებულ მედეას! ასეც უნდა ყოფილიყო, მეორე ლიკა არ არსებობდა, ერთადერთი იყო და განუმეორებელი! წარმოიდგინეთ, რა წყვილი იქნებოდა ზურა ყიფშიძე და ლიკა ქავჟარაძე!
- რატომ ვერ მოიპოვა ასე კარგმა ფილმმა საყოველთაო აღიარება? დღეს ძალიან ცოტამ თუ იცის ამ მიუზიკლის შესახებ.
- ამაში თავად ივერიელებს მიგვიძღვის "შეგნებული" ბრალი. ამ მიუზიკლს უდიდეს წარმატებასთან ერთად უდიდესი ტრაგედია დაემთხვა. ზუსტად იმ პერიოდში თემურ წიკლაურს ვაჟი გარდაეცვალა. ფაქტობრივად, ორმოცი არ იყო გასული, როდესაც თემურს სცენაზე გამოსვლა მოუხდა.
ყველას ძალიან მძიმე მოგონებები გვაკავშირებდა ამ მიუზიკლთან, თორემ შესანიშნავი მუსიკა და ყველაფერი ჰქონდა იმისთვის, რომ საყოველთაოდ აღიარებული გამხდარიყო. გაპიარება, მიუზიკლის ხშირად წარმოდგენა იყო საჭირო და ჩვენ შეიძლება ითქვას, თემურის ვაჟთან ერთად დავასამარეთ ეს მიუზიკლი. არც ჩვენ შეგვეძლო გვეთამაშა და მით უფრო თემურისთვის დაგვეძალებინა. გააგრძელეთ კითხვა
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უსასრულოდ შემიძლია ვწერო ლიკაზე, მის განუმეორებელ სილამაზეზე.
ასეთი სილამაზე მართლაც იშვიათია, სხვანაირად ანათებდა ცხონებული ლიკა...
ძალიან გულდასაწყვეტია, რომ ასე მალე წავიდა და რაც მთავარია, სათანადოდ არ და ვერ დაფასდა.....
რა ლამაზი იყო.