მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ეგვიპტის დაკარგული საგანძური“ - არქეოლოგებმა 4 500 წლის მზის ტაძარი აღმოაჩინეს
17:00 / 16-11-2021
კაიროდან დაახლოებით 20 კილომეტრის მოშორებით, აბუ გორაბში, კიდევ ერთი მზის ტაძარი აღმოაჩინეს.
1898 წელს, არქეოლოგემა ამავე ტერიტორიაზე ნიუსერას (ძვ.წ 2400-2370) ტაძარი გათხარეს, რომელიც მეხუთე დინასტიის მეექვსე მეფისთვის ყოფილა აგებული.
მათ აღარ დაასრულეს გათხრები და ჩათვალეს, რომ ნაპოვნი მასალა მთლიანად ნიუსერას ტაძარს ეკუთვნოდა, მაგრამ ახალმა აღმოჩენებმა გვიჩვენა, რომ ეგვიპტის მმართველისთვის განკუთვნილი ნაგებობა, სხვა სალოცავზე ზემოდან ყოფილა დაშენებული.
- "ჩვენი ბოლო აღმოჩენა უჩვენებს, რომ ეს ორ სრულიად სხვადასხვა ნაგებობას წარმოადგენდა“, - ამბობს მასიმიალიანო ნუზოლო, ვარშავის ეგვიპტოლოგიის ასისტენტი - პროფესორი.
გათხრების ტერიტორიაზე აღმოჩენილია ასევე ბეჭდები, რომლებზეც ნიუსერას წინა მმართველების სახელებია ამოტვიფრული. ადგილზე მომუშავე არქეოლოგების ჯგუფი ამბობს, რომ ტაძრის თავდაპირველი კონსტრუქცია ტალახის აგურებისაგან იყო აშენებული და ქვის ელემენტებს შეიცავდა.
მასიმილიანო ნუზოლოს ჯგუფმა, ნანგრევებში ათასობით ლუდის შესანახი ჭურჭელიც იპოვა, რომლებიც სავსე იყო სარიტუალო ტალახით. ჭურჭელი ძვ.წ. 25 საუკუნეს მიეკუთვნება და ნიუსერის წინა 2 თაობის პერიოდში უნდა შექმნილიყო.
ტალახის აგურებით აშენებული ტაძარი ნამდვილად კოლოსალური ზომის უნდა ყოფილიყო, თუმცა ნიუსერამ გადაწყვიტა, გაენადგურებინა ის, რათა თავისი ტაძარი დაეშენებინა ზემოდან.
იმის მიუხედავად, რომ ეგვიპტეში ამგვარი ტაძრები მზის ღმერთ რას ეძღვნებოდა, მეფე თავისი ძალის ლეგიტიმიზაციას, როგორც მზის ღმერთის ერთადერთ ძეს დედამიწაზე, ახალი ნაგებობების აშენებით ახდენდა.
- ისტორიული წყარობის მიხედვით, ეგვიპტეში სულ 6 მზის ტაძარი იყო აგებული, მაგრამ მათგან მხოლოდ ორია გათხრილი.
"როცა მეფე ჩქარობს რაიმე მიზეზის გამო, ის მონუმენტს ტალახის აგურით აშენებს, მთავარ ნაწილებს კი - ქვით“, - ასე სჯერა ნაზოლოს, რომელიც ფიქრობს, რომ სხვა მზის ტაძრებიც ასევე ტალახის აგურებითაა ნაგები და სწორედ ამას უნდა გამოეწვია ამ შენობების "გაქრობა“ საუკუნეების განმავლობაში.
"ეს ტაძრები, სავარაუდოდ, მსგავსი მალფუჭებადი მასალითაა აგებული. თანაც, ტალახის აგურები ადვილი დასანგრევია და ზემოდან ახალი კონსტრუქციების დაშენებაც მარტივია - სწორედ ამგვარ შემთხვევას ჰქონდა ადგილი აქაც“, - ამბობს მასიმილიანო ნუზოლო.
არქეოლოგები თიხის ჭურჭლის შესწავლის საფუძველზე ფიქრობენ, რომ ეს შანსს მისცემთ მეტი გაიგონ იმაზე, თუ როგორ ცხოვრობდა ხალხი ამ პერიოდში, რითი იკვებებოდა და რისი სწამდა.
ნუზოლოს და მისი გუნდის აღმოჩენები National Geographic-ზე კვირას იყო ნაჩვენები გადაცემაში - “ეგვიპტის დაკარგული საგანძური“.
მოამზადა ანა სიბოშვილმა
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
.....მათ აღარ დაასრულეს გათხრები და ჩათვალეს"-დაწერეთ ქართულად, დაუსრულებიათ
მიშამ ნაღდად ნიუსერასაც ჩამოართვა ხელი ისევე როგორც რამზესს და ლუდიც დალიეს ერთად:)))))))