ხმაური ქუთაისის რეფერალურ ჰოსპიტალთან - რაში ადანაშაულებს ექიმებს გარდაცვლილი 37 წლის მამაკაცის ოჯახი

ქუთაისში, რეფერალურ ჰოსპიტალში გარდაცვლილი 37 წლის მამაკაცის ოჯახი კლინიკას უყურადღებობაში ადანაშაულებს.

ისინი კლინიკასთან არიან შეკრებილი და ცხედრის ექსპერტიზაზე გადაყვანას ითხოვენ.

მათი თქმით, სურთ დააზუსტონ, რომ გარდაცვლილ დავით შერვაშიძეს ცოფი არ ჰქონდა, რაც ლუგარის ლაბორატორიამ რამდენიმე ანალიზის შედეგად დაადასტურა.

ოჯახის ინფორმაციით, მიუხედავად ლუგარის უარყოფითი პასუხისა პაციენტს კლინიკაში ცოფის დიაგნოზით მიმართულებით უმკურნალეს, რამაც მისი ჯანმრთელობის მდგომარეობა დაამძიმა.

ადგილზე სამართალდამცველები იმყოფებიან. საავადმყოფოში მედიასთან ამ დროისთვის კომენტარი არ კეთდება, მათი თქმით, ექსპერტიზის დასრულებას ელოდებიან.